شكرا عزيزتي على الموضوع
بارك الله في الجميع

فعلا ظاهرة منتشرة و تحتاج إلى وفقة و معرفة الاسباب و معالجتها

لي زميلة ((في مرحلة المراهقة)) اشوفها في النت فقط لان هي بالثانوية و انا بالجامعة وما تسمح لي الفرصة ان اشوفها وجه لوجه و دائما كنت انصحها اذا سوت شي غلط و اوجها
(( لان امها مو فاضية لها )) تركتها فترة وليمن شفتها بعد فترة قالت انها معجبة بوحده من المدرسة (( علما ان امها وابوها يدرون انها معجبة في زميلتها!! )) والبنت صارت تهمل دراستها و تفكر في زميلتها وأهلها هاملينها !!! بصراحة ان ما قدرت استحمل أكثر ونصحتها و فعلا نجحت في الابتعاد عن البنت لكن انشغلت بعد فترة في الاختبارات و ليمن كلمتها قالت انها رجعت للسالفة و انها ما قدرت وما قدرت اسكت زيادة دقيت على امها و قلت لها تدرون شنو ردت علي !!!!

قالت عادي ما فيها شي اذا بنتي اعجبت بزميلتها !!!!! بصراحة انصدمت و البنت الحين معجبة بدرجة جنونية و انا احاول اسحبها من المشكلة اللي هي فيها :44: وفي كل يوم احسها تنجرف أكثر و دخلت الشات (( رغم ان منعتها و هي تسمع كلامي لكن رفيجاتها دخلوها )) و تعرفت على شاب و حبته و هي عمرها 14 و هو 22:44: (( لعب عليها ))

و امس قالتلي انقذيني من اللي انا فيه راح اضيع :06:

في الاخير اعتقد ان الاهل و الفراغ العاطفي هم السبب الرئيسي في ظاهرة الاعجاب والى غير ذلك

والله يهدي الجميع ،، لا حول و لاقوة الا بالله العلي العظيم

مرحبــــــــــــــ ماوية ــــــــــــــــا
هالظاهره الصراحه انا عايشتنها الحين ظاهره الاعجاب بين بنت وبنت
وبين بنت معلمتها
بس معلمتنا جزاها الله الف خير قالت لنا قصه المعظم تخلى عن هاي الظاهره في المدرسه
وانتم تعرفونها هالقصه
قصه قوم لوط واللي صار فيهم وممكن اذا قلتم هاي القصه لغيركم ممكن اتكون لكم حل
لأنها وايد فادتنا في المدرسه
ويالله ان شا الله عطيت حل بسيط على قدي
ومشكوووووورين

الموضوع مهم ومنتشر وايد بين الطالبات .. على أيامنا كنا نخاف من المعلمة وحبنا لها يكون احترامها والحصول على أعلى الدرجات .. وماكنا نتجرأ نكلمها في أي موضع .. الحين المعلمة تشرح والطالبة تقطع عليها وتسألها .. من وين قميصج .. أو لون حذائك ( عزكم الله ) ما يناسب ثيابك .. أو إنها تكون معجبة فيها وطول الوقت ماتنزل عينها عنها ونظراتها تكون رهيبه حتى المعلمة تخجل من هذه النظرات .. أنا مثلا لو صادفت هذه المواقف .. أحاول آخذ الطالبة وأضمها لمجموعتي .. طبعا مجموعتي هي التي تساعدني في الأنشطة وأتفق مع طالبتين بس أكون واثقة فيهم .. إنهم يصدرون بعض الحركات اللي المفروض ما تصدر عن طالبة وأشرح خطورة هذا الشي وأتطرق إلى إنه المجتمع ما بيتقبلها لهذه التصرفات .. طبعا الهدف من هذا الموقف إنه الطالبة المعنية تسمع .. وأحاول أعطيها أنشطو أكثر عشان أشغلها وتنتج أكثر .. لأني دايما أردد اللي تحترمني أكثر بتنتج أكثر .. وبالفعل نفعت هذه التجربة

فعلاً .....مشكله أنتشرت في بناتنا .....لكن ماذا تقولون إذا أستمرت هذه الظاهرة إلى المرحلة الجامعية.....أنا أشاهد كم وحده عندنا في الكلية معجبة و المشكلة إني في كلية علمية يعني الناس أغلبهم جادين و لا عندهم إعجاب و لا خرابيط .
و أنا حاورت كم وحدة منهم يقولون مانقدر غصب عنا ما نقدر نتحكم في مشاعرنا
حتى إني لاحظت إن المعجبات أغلبهم عندهم فراغ عاطفي و خصوصاً في علاقتها مع و الدتها.

بسم الله الرحمن الرحيم
السلام عليكم ورحمة الله وبركاته

الفراغ العاطفي من اهم الاسباب :26:

سبحان الله وبحمده وسبحان الله العظيم