ظروفنا صعبه وحابه ابدأ بالطبخ برمضان ... محتاره .. شرايكم ؟

السلام عليكم


كيفكم يا بنات ؟؟؟
من زمان عنكم بصراحه ودي اشارك معكم مثل قبل بس فيه اسباب تمنع


ما اطول عليكم
احنا ظروفنا المادية صعبه وانا اتمنى اشياء كثير نفسي فيها زوجي مايقدر يوفرها بسبب ظروفه اذا صار عنده ما يقصر لكن اغلب وقته ماعنده
وعندي عيال ولهم طلبات واتمنى احقق لهم كل شي


فكرت بالمفرزنات و طبخ فطور بشهر رمضان بس


وبعدين بوقف


انا بديت مشروع الطبخ قبل سنتين تقريبا والحمدالله نجح واشتغلت برمضان ودخلت مبلغ حلو الحمدالله


لكن تعبببب تعبببب هملت نفسي وبيتي وعيالي وكل شي لكن النتيجه حلوه
بعدين شريت لهم كل اللي يتمنوه وعوضتهم وحتى زوجي ساعدني شوي


الحين انا حابه ارجع بس المشكلة الحين عندي طفل صغير ٩ شهور تقريبا خايفه جداً من هالنقطه اخاف اهمله او ما اقدر اكمل واتوهق مع الناس محتاااره بس انا جداً محتاجه ومضطره
زوجي وعدني ياخذ اجازه طول شهر رمضان ويهتم بالبيبي ويسااعدني باللي يقدر عليه


اهلي كانوا رافضضين فكرة الطبخ خايفين علي من التعب بس لما شاوفوني نجحت وبعدها تركت يلوموني ليش حرام عليك كملي بس انا حسيت تعبت وهملت نفسي وابي ارجع اهتم ببيتي وعيالي
والدخل في الايام العاديه بسيط وما يسوى


والمشكلة رقمي القديم تكنسل لازم اطلع جديد مدري كيف الناس بتعرفني


بنات ارجوكم ساعدوني محتاره جداً ودايما افكر وخايفه وما اقدر انام من كثر التفكير لاني جربت وعشت التجربه صعب جداً بدون طفل كيف الحين ؟
مدري اذا موضوعي هذا مكانه او لا بس اتمنى اشوف نصايحكم
بانتظاركم