ظروف مفاجئة تخليك........... ماهو رائك

بصراحه انا مع القول الثاني او الراي الثاني لكن مو في كل شيء
اقصد في اشياء من الافضل انك تشتريها جديده وفي العكس
هذا رأيي نشوف بقيه الاخوات ايش رأيهم

وعليكم السلام ورحمة الله وبركاته

انا مع الرأي الثاني......لأنه أولا بيوت الغربة يبغالها الشي البسيط والرخيص وهو يفي بالغرض...خاصة انه بيوتهم صغيرة وماتحتمل الفرش الثقيل..حتى طبيعة محلات الأثاث عندهم تبيع العملي والبسيط واللي يتركب يدويا...

وكمان سبب ثاني انه لما ترجعي ان شاء الله تبغي تدوري شقة ولا بيت بعدين تفرشيه..فأثاث الغربة ماراح يملي عينك وقتها وراح تحسيه (قرنبع) وتتندمي انك شحنتيه وبعدين تدوريله مخزن تحطيه فيه الى ما تحصلوا بيت

ولو كان عندك بيت من اول..لما تجي تفرشي بيتك في الغربة ماراح تختاري اثاث عشان يمشي مع فرشك في بلدك..تبغي شي يتحمل وبسيط وقياساته تجي مع بيت الغربة

وخسارة الواحد يشتري فرش بالشيء الفلاني على كم سنة غربة.

اي شي يفي بالغرض .. مافي مانع لو مستعمل بس اهم شي يكون نظيف ..
انا لما جيت افرش كانت وحدة صديقتي راجعة للبلد واللة اني حاولت ان اشتري منها معظم اثاثها حتى علشان هي ما تخسرةوانا اكون متطمنة من الناس اللي شريت منهم ..

انا مع الراي الثاني
بس زوجي الله يهديه اول ماجيت كان اثاثه القديم بحكم انه جاي قبلي بثلاث سنوات واثاثه حلو ونظيف
بس راح رماه حسافه واشترينا جديد وغالي
وكنت مستحيه اكلمه اول لاني كنت عروس فاستحييت منه نبهته مره ورفض وبعدين ماكلمته الا بعد مارحنا جبنا الاثاث
والله اني متحسفه مره على القديم حتى جهاز الكمبيوتر رماه وتلفزيون ودش عطاه صديقه
وغرفة النوم والصوفات واغراض المطبخ تركهم بالشقه القديمه وكلمونا قالو الاثاث تبغونه قالهم زوجي لا تصرفو فيه اكيد باعوه واخذو فلوسه

وكنت احسب ان مدينتي مافيها عرب ولا فقراء عشان نتصرف بالاثاث وبعد كم شهر عرفت ان فيه مسلمين فقراء مررره والله الى الان متحسفه عليه لانه نظيف وجديد
والله يابنات حتى ملابس جابهم له من السعوديه كلها جدد ومالبست ابد بس طلعت مو بمقاسه ورماهن
فيني حرررره على هالاغراض بس الله يهديه على التبذير الزايد

اعذروني على الاطاله

انا مع البنات مادام ان الغربه كم سنه ليش الاسراف وانتي في النهايه رح تبيعيهم برخص التراب .........او ترميهم وراك وتروحين