ظــــاهرة مضحكة جدًا في المنتديات النسائية

السلام عليكم تابعوا معي الظاهرة وقولوا لي صدق وإلا لا



........................ تكتب عضوة موضوع :


بنات لا يفوتكم محل أبو بعبع مسوي تخفيضات بصراحة يجنن

وفيه أشياء ما تلقينها في المحلات الثانية يمكن بضاعته من المريخ



المسكينة ما درت عن ردود الفعل حيث تنقض عليها جميع النساء

تابعوا الردود


أيه صراحه حلوا


بنات تكفون له فروع عندنا في الرياض



طيب وش رايك تورينا صوره



سبحان الله دايم أمر من جنبه ولا فكرة أزورة شكلي أبقنع أبو الشباب يوديني


أختي ما جاوبت على سؤال اللي فوق له فروع في الرياض



بنات فروعه عندنا في الرياض في شارع كذا وكذا



طيب ألقى له فروع في جدة



بنات له فروع في الشرقية ، وكيف أسعاره ؟ ، ومتى يفتح ومتى يسكر ، وهل عليه زحمه


بنات هل يبيع ماركات



.... بصراحه أنا رحته بايخ ، وما يسوى


الأخت اللي تقول بايخ : الناس أذواق هذا يجيب بضاية كل جماعتنا تسألني عنها


أختي ممكن تنزين صور من بضاعته


بنات له فروع في الكويت ؟


بنات أمس له رحت لهم يقولون تخفيض الاسبوع الجاي يبدأ


صراحه يجنن ما راح تلقين مثله



حرام عليكم له فروع عندنا في الشرقية


بنات ألقى عنده ملابس أطفال


بنات بنات بنات .....الخ


والله أحيانًا أقعد أضحك من حالنا تسويق عجيب

أي محل خسران يكتب موضوع في منتدى نسائي عشان يمشون بضايعهم علينا


لازم نؤمن إن الناس أذوق قد يكون المحل من الماركات العالمية ، ولكنه لا يناسب لباسي ، ولاجسمي لاعني مدح الناس لمحل إني سأجد فيه ما يناسبني


والله الله بأقرب سوق


فالذوق قبل السوق