السلام عليكم ورحمة الله وبركاته
قبل ما بدا في الموضوع بلون الاحمر هاذا الموضوع خاص في الزوجات الظالمات الكذابات الملقوفات والغيورات بزياده عشان لاتجي وحده وتدرعم على سرعة 280 وتقول والزوجه المظلومه ابشرو لكم موضوع يالزوجات المظلومات ولكن هاذا الموضوع حبيت احطه خاص لزوجات الظالمات الكذابات والملقوفات والغيورات بزياده عشان يصحون قبل فوات الاون
بسم الله نبدا حبايبي بنات عالمي عندي موضوع مهم الا وهو الزوجات الظالمات و الملقوفات والكذابات والغيورات بزياده الي متى هذا الظلم والافترى والكذب والقافه والغيره الزايده؟؟؟؟؟؟؟
هناك ياخواتي حريم ياربي مادري كيف ينامون اللهم لاتبلاني ولاتبلى اخواتي المسلمات مابلاهم وهم كذابات وظالمات وملقوفات وغيورات بزياده وراح اسردهم لكم على طريقة امثله
المثال الاول
محمد اليوم ولدي فهد جاني يصيح :icon33:ويبكي اختك هاوشته بقووووه وهناتقع الكذبه وزيادة الملح واصلن هي كل يوم تهاوشه وتضربه بس انا اسكت عشان خاطرك رجاء شوفي حل مع اختك وتشيشه وتحرضه على اخته و ينزل الزوج بكلما اوتي من سرعه وهاتك ياهواش في امه وخواته واحياننا على حسب تحريض الزوجه الكذابه يوصل الى ضرب اخواته>>>طيب يازوجه ياكذابه ياظالمه ليش ما سالتي نفسك ليش هاوشته تعرفين ليش لاسباب كثيره اولها لانك كل يوم فاكه عيالك على الناس من يوم يصحون من النوم الين يجون ينامون وماتدرين وش يخربون وش يحوسون والناس تنظف وراهم غير الازعاج الي مسببينه لجدتهم وعماتهم وانتي منتي داريه عن الدنيا فوقها هاذا كله جالسه تكذبين وتظلمين وماراعيتي ان جدتهم وجدهم ناس كبار ويحتاجون الراحه وان عماتهم ماعندهم شغاله وجالسين مساكين يطاردون اعيالك <<طيب ياست الحسن امسكي عيالك عن الناس الناس ماهم مكلفوفين فيهم ولاخلفوهم ونسيوهم انا ما اقول احرميهم من جدتهم وعماتهم لالالا لكن حددي لهم موعد يروحون يرجعون فيه
المثال الثاني
فيصل حيبي شف ماعاد بروح لاهلك فيصل ليش عسى ماشر الزوجه اليوم امك وخواتك مجتمعين جايتهم اختك الي من كندا دوبها وصلت المغرب وماعزموني وهنا تقع الكذبه اصلن هم دايم مايعزموني حتى لمى يجيهم ضيوف بس انا اروح من نفسي عشان خاطرك وعشان ماتزعل وحتى اذا رحت يطنشوني وما يهرجوني و رررجاء فيصل سامحني معاد بدخل بيتهم ولاهم يدخلون بيتي ويروح المهبول الي عندها وهاتك ياهواش يميه ليش ماتعزمون حرمتي وليش مطنشينها والعجيز المسكينه والله ياولدي دقينا الباب وما احد فتح ودقيني تليفون وماحد رد وليش تطنشون زوجتي اذا جات تقهوا عندكم والله ياولدي ماطنشنها بالعكس زوجتك وحده من بناتي والمشكله المهبوووول الي عندها مصدقها <<<طيب يازوجه ياكذابه ياظالمه وش استفتدي ويوم انك حرضتيه انا اقولك وش استفتدي الكذب والظلم وقطيعة الارحام وكره الولد لاهل وعقوق زوجك لامه عشان حضرت جنابك ترضين <<وحابه اقولك ياحلوه الدنيا دواره كما تدين تدان
المثال الثالث
راحت الزوجه زياره الي اي احد كان عمات الزوج خالته او امها او اخواتها وهاتك ياكذب وظلم في اهل الزوج اهل زوجي مجننيني ومطفشيني كل يوم يزوروني كليوم يضربون وولدي كل يوم يدخلون بيتي بدون استاذان اهل واهل واهل زوجي الي اخره............. من الكذب والظلم وتكره الناس فيهم غصب واذا قالولها الناس لا والله حنا نعرفهم ناس طيبين وماتجي منهم العبيبه تزيد في الكذب والظلم تقول لا والله انتم ماتعرفونه ماعشرتوهم مثلي ياربيييييييه مدري وش تحس فيه هالحرمه ولو جينا للواقع الزوجه هي الظالمه والكذابه والمفتريه على قولت المثل ضربني وبكى وسبقني واشتكى <<<<والمشكله تسوي نفسها مظلومه قدام الناس وقدام زوجها
المثال الرابع
الزوجه الي تتميلح وتتصنع عند اهل زوجها اذا جاء زوجها عند اهله تجلس طول الوقت قدام زوجها تغسل وتطبخ وتكنس وتسوي نفسها مهبوله وضعيفه قدام زوجها وان اهل زوجها ظالمينها والي اخره............ واذا خرج الزوج تقلب وتتغير 180 درجه ماكنها هي فلانه الي اولا قدام زوجهامثل العسل<< سبحان الله هالحين حابه تزينين صورتك قدام الزوج وانك الضعيفه وخفتي من زوج ما خفتي من الله يوم انك تكذبين وتتمليح وتتصنعين قدامه ولا بس عشان تفرقين بينه وبين امه واخواته وتبينين انك الزوجه الي المثاليه الي مافي مثالها !!!!!
المثال الرابع
الزوجه الملقوفه الي اذا اتصلو اهل زوجها على ولدهم تليفون يبونه في هرجه خاصه وهي ماسكه الزوج المسكين وش يبون وليش وكيف ومتى الى اخره شغاله محقق..... واذا ما اعطها الزوج نتيجه ترسل ولدها لبيت اهل زوجها عشان يجيب لها اخبارهم وش عندهم وش ياكلون وش يلبسون وفين راحو متى جو ؟؟؟ ولا اذا اتصلو على زوجها قالو نبغاك تودينا مشورا تجلس تمسك الزوج فين بتوديهم ومتى بتجيبهم واذا ماعطاها الزوج نتيجه تقوله ياتقولي يا البس عباتي واروح معكم وتجلس مثل الرادار تراقب فيهم مراقب مابقى الا تسكن معهم من كثر القافه <<<طيب ياحلوه انتي وش دخلك في الناس متى راحو ومتى جو وبعدين ياحلوه مثل ما الك حق ماتبغين احد يدخل في خصوصياتك انتي وزجك احترمي خصوصيات الاخرين
الزوجه الغيور انا قلت بزياااااااااااااااااااااااااااااااااااااااااااااااااااااااااااااااااااااااااااده
الي تغار على زوجها من امه وخواته اعوذ بالله وتعقد تألف على زوجها قصص وروايات عن اهله عشان تكره زوجها في اهله بس عشان ترضى غيرتها !!!!!!!!!!!!!!!!!<<<< حابه اقولك ياحلوه انه مثل مالك حق في زوجك هم بعد لهم حق فيه ولكن بحدود يعني انتي لا تتجاوزين حدودك وهم لايتجاوزون حدودهم
واخيرا فيه نماذج كثيرررررر لو اكتب مجلدات ماتكفيهم من ظلمهم وكذبهم ولقافتهم وغيرتهم الزياده وحابه اقولهم اصحو قبل فوات الاون واذا تقدرون تتسامحون منهم يكون افضل قبل لاترفع ام الزوج او اخته يدينها الي السماء وتدعي عليك ولا تدور الدنيا وتلاقين حوبتهم والدنيا دواره كما تدين تدان (يَوْمَ لا يَنْفَعُ مَالٌ وَلا بَنُونَ . إِلَّا مَنْ أَتَى اللَّهَ بِقَلْبٍ سَلِيمٍ)
استثني من هاذا الموضوع الزوجات المظلومات من اهل زوجهم الي فعلا مظلومات ويستحقون الي يساعدهم ماهو الكذابات والظالمات والملقوفات والغيورات بزززززززززززياده وشكرا
ليالي رمضان @lyaly_rmdan
محررة
ظـــــــــالمه وكــــــــذابه ومــــــــــــــــــلقوفه غيــــــــــــــور بزززيــاده
80
11K
يلزم عليك تسجيل الدخول أولًا لكتابة تعليق.
فاقدة عزوتها
•
الله يكفينا شر الزوجات الظالمات الكذابات والملقوفات والغيورات بزياده
الله يعين ياما اخذنا قسمنا من الزوجات الكذابات الظالمات الحقودات لكن الله موجود والدنيا دوارة وكلن بياخذ جزاه بالدنيا قبل الاخرة
ايه والله صادقه مره كنا خاطبين لاخوي صديقتي ومن ايام الخطوبه شغاله بالتحريض اهلك ليه جابو لاخوك وماجابو لك واختك كلامها كثير واختك حركاتها واختك واختك حتى ان اخوي حسيته كرهني وصار يشك فينا انا واختي بزياده وكل مره اعديلها واغفرلها الا مره قالت لي كلام وانجرحت منه وسكت وماعلمت اهلي واشوف اخوي متغير علينا ونفس الكلام اللي قالته لي هو يقوله لنا هنا عرفت انها ماتنفع ابدااا وبتفرقنا وعلمت امي السالفه كلها من اول موقف لاخر موقف والحمدلله فكينا الخطوبه والله يستر عليها تزوجت ورزقها الله باهل زوج مطلعين عينها ( كما تدين تدان)
الصفحة الأخيرة