اشتكي عليها لا تخلينها الحراميه تلعب في خلق الله

اساسا نصيحة اوجهها للأخوات اللي حابات يحطون بروتين بشعورهم ( ترى مامنها الا امراض ) وقد يسبب سرطان بالجسم بالدم , او بالرئة وهذا وهم الأجنبيات خبيرات بشغلهم افتحوا اليوتيوب وتفرجوا
على البرازيليات وش جاهم بشعورهم .
والحمدلله انه ماطلعت لك نتيجة بشعرك وضرتك مثل تساقط شعرك , وها البنت زي ما قلتي بزر ماعندها سالفة نصبت عليكي واخذت الفلوس , والشكوى ما راح تفيدك , واسلوبها اسلوب سيئ بالتعامل ومافيه مصداقيه , وباين انها حطت بشعرك ارخص المنتجات من حيي الله وقالت العيب بشعرك .
وفلوسك عليها العوض ,راحت الله يعوضك وحسبي الله عليها ,
لو أنك مسويته بمشغل مضمون افضل لو حصلك اي مشكلة تقدرين تراجعين ولو النتيجة ما طلعت تقدرين تعيدين الجلسة , ولكن نصيحتي الشعر تاج جمال المرأة وهذول مو كل مرة يسوون شعرك وتجي سليمة يضرونك بالمنتجات اللي حاطينها ويقولون لك سر المهنة .
واخرتها تساقط تلف دمار وتصليع بالشعر .
لو شعرك خشن وحابة يصير ناعم استخدمي ماسك طبيعي ( صبار , وجل الكتان , وجوز هند وزيت سمسم ويصير شعرك مع تكرار الأستخدام حرير ) لو كانت كل المنتجات طبيعية 100 بالمية هذا سر نجاح الخلطة اجل وش مخلي ها الأجنبيات شعورهم حرير غير انهم يستخدمون كل شيء طبيعي .
جوز الهند يبشرونه ويطلعون منه زيت والسمسم يطلعون منه زيت ونبتة الكتان تستخرجين الجل منها معروفة وغنية بالترطيب واستخدمي معها فيتامين هاء اللي يجي كبسولات تبع الأكل اللي بالصيدلات افتحيها وخذي الزيت , مافي مانع انه الواحد يتعب نفسه شويات
عشان يحصل نتيجة بالطبيعي افضل من الكيمائي المضر مثل البروتين .
تفرجي باليوتوب وراح تشوفين الأجنبيات كيف , واكتبي بالأنجليزي وشوفي كيف النتيجة مع الأستمرار ممتازة مهما كان نوع شعرك , وانصحك انك تستخدمين حمام زيت فاتيكا بالحبة السوداء للترطيب