ظلمت وحده وودي اتحلل منها ساعدوني

السلام عليكم ورحمة الله وبركاته
اخواتي الغاليات انا في ضيق كبير واحس بالذنب وبالألم اللي ماادري كيف اتخلص منه
الموضوع ومافيه قبل اكثر من 4سنوات كنت توني عروس وكنا انا ووزجي مسافرين لجده نتمشى وجلسنا في بيت خالته المهم مره كنا طالعين برا ورجعنا البيت متأخر وكنت مره جوعانه وكنت استحي من زوجي اقوله بشتري لي شي المهم بس وصلنا البيت قال لي وش رايك تجيبين لنا مويه من فوق قلت ابشر وطلعت المطبخ فوق وفتحت الثلاجه اخذ مويه وشفت قطع بروست في الثلاجه وكنت مره جوعانه المهم اخذت القطع واكلتها يمكن ثلاث قطع وبعدين نزلت غرفتنا تحت. اليوم الثاني بس قمت اسمع صراخ فوق بس طلعت لقيت زوجي وخالته ويكلمون الشغاله وهي تصارخ وتحلف قلت وش السالفه قالو الشغاله مانقدر نحط شي في الثلاجه او برا الا تاخذه واذا سألناها انكرت وماهي مره وحده الا اكثر من مره امس باقي عشانا حطيناها في الثلاجه عشان واحد من الأولاد ماتعشى ويوم قام الحين بياخذه مالقاه وسألنا البيت كله قالو مااخذنا شي...... انتي اخذتيه ياندى؟؟؟ يسألوني انا صراحه استحيت قلت لا مااخذته قالو اجل مافي الا الشغاله وهذي ماهي اول مره
والشغاله تحلف بالله وتصارخ وتبكي وهم يقولون عادي بالعافيه خذيه بس قولي انك اخذتي المهم جلس زوجي يهاوشها يقول وش ذا الصراخ والبكا انتي كذابه ويهزئها وهي تبكي وانا ياينات والله قلبي يبتقطع بس مره مستحيه اقول انا اللي أكلت وضايق صدري عليها المهم نزلت الغرفه ابكي لأني احس اني ظلمتها ويعدين رحت لها الغرفه وقلت لها حبيبتي معليش لاتزعلين من زوجي ولاتدعين عليه هو كذا يعصب وانا دايم يعصب علي خفت تدعي على اللي ظلمها وهي تبكي المهم حاولت اعترف بس مره ماقدرت وبعدين رجعنا من جده وهي حلست عندهم كم شهر ويعدين ماارتاحو معاها لأن عليها تصرفات غريبه ودايم تصارخ فسفروها
والى اليوم يابنات وانا مانسيت الموضوع وخايفه من عقوية ربي الظلم ظلمات يوم القبامه حاولت اوصلها بس ماقدرت وربي ان ضميري يئنبني وخايفه من عقوبة ربي :44:
انا لي خمس سنوات ماحملت زوجي عنده ضعف وانا اخاف انها دعت عليه او سوت لنا شي لأن كل تحاليل زوجي سليمه ماندري ايش سبب الضعف والأهم ان ودي اتحلل منها وودي ربي يسامحني ويغفرلي تكفون ياخواتي ساعدوني وش اسوي:(
الله يغفر لي ولا يعاقبني