ظلمنا الفتاة وسلبنا مهرها منها بتصرفاتنا واساليبنا

بسم الله الرحمن الرحيم

معروف الحكم الشرعي بالمهر وانه حق للفتاة وملك لها خاص لايجوز لأحد أخذ منه شيئ إلا برضاها

وأنا اتحدث عن تصرفاتنا عندما تستلم الفتاة المهر يصرف غالبه او كله بملابس وذهب ومجوهرات كتجهيز لها لبيتها ..

وهنا سؤال اليس المهر حقا خاصا بها ؟
وإذا اشترت لنفسها تلك الملابس والمجوهرات والذهب الذي غالبا مايبيعه الزوج ويعود له بطريقة أخرى أصبح المهر للزوج وليس لها ...

المفروض المهر للفتاة لاتصرف منه شيئ أبدا وعلى الزوج جميع مصروفاتها من ملابس وذهب وكل شي
حتى فستان الزفاف طبعا بعد العقد بها أما المهر فلها خااص لايسألها عنه أحد ..

الأن العروس إذا راحت بيت زوجها كان اجباري عند البعض إنها تكون مشتريه شي وشويات يعني مقضيه لنفسها حق سنة او سنتين والمفروض هذا على الزوج ..

والمفروض يكون المهر قليل في حدود العشرين الثلاثين الف ويتكفل العريس بتجهيز عروسة والزواج لاتتدخل فيه العروس حتى لو يسوي حفل بسيط وعائلي المهم مهرها يوصلها كامل ولاتصرف منه شيء..

في البعض زوجها يفتش أغراضها يشوف إيش اشترت والبعض تقول يسألها هذا مهرك كله

وكأن حالهم يقول بانها ملزمه تشتري هذه الأشياء والأغراض والملابس

يعني بتصرفاتنا وتجهيزاتنا لبناتنا سلبنا مهرهم منهم بعادات وتقاليد استمرينا عليها حتى صار الزوج يسأل عن المهر ولو جابت شي قليل استقله وهذا واجب عليه هو يشتريه بدون المهر ..

الان العروس تشتري بكل مهرها وتقضي لبيتها والبعض تشتري أمور هي مو مسؤله عنها يعني أحس ظلمنا البنات ومهورهم راحت وصارت للزوج مره أخرى في بيته ..!

أنا قلت لصاحبتي لاتشتري لبنتك شي جيبيلها ملابس حق اسبوع بس الباقي تروح معاه السوق يشتريلها هو بماله مو بمهرها هذا مهرها لها صار المهر بذي الطريقة لمن البنت تقضي لنفشها كل شي صار للزوج ورجع لجيبة مره ثانية بطريقة أخرى وظلمنا المسكينه

صح ولا مو صح

يعني من هذا كله قصدي ونفسي هذا الأمر ينتشر ويصبح عاده عندنا ونهج ننهجه زي مانهجنا غيره

بان يقدم للفتاة مهر اللي تطلبه أيا كان ويوافق عليه الجميع ..

ويجهز العريس عروسه بما يلزم من فستان وزينة ويوفر لها ملابس لأسبوع تقريبا يعني كأنها مسافره معاه أسبوع وبعد الزواج والدخول بها يشتريلها هو من ماله الخاص ملابس بقدر حاجتها
طقمين للزيارات احتاجة فستان لمناسبة تروح تشتريها معاه وهكذا كل ماحتاجت شي يجيبه لها

أما إنها تبدد مهرها كله في ملابس ومشتريات ربما لاتلبس الكثير منها لان جسمها يتغير و إما ترميها او تهديها فلم يبقى لها مهر وسلبنا منها بطريقة ما وظلمناها وغيرها بهذه الأساليب



ولا اشرايكم