ظلم ابوي لامي الغاليه ولنا <<قصتنا مع الالم والذل والصبر-وللحين ما انتهت

بسم الله الرحمن الرحيم
بدون اي مقدمات بحكي لكم اليوم قصة حياتنا
وابي افضفض لكم يا اغلى خوات

بالبدايه ابحكي لكم عن امي --طيبه لابعد درجه تتخيلونها مستسلمه ومتساهله مع ابوي
تسمع كلامه حتى لوكان ضد مصلحتها وحتى لوكان غلط وينتقص لكرامتها >>فيه مواقف تبين لكم قصدي

ابووي--مدري كيف اقول ابوي احس انه ابو بس بالاسم عمري في حياتي ماحسيت بعطف او حنان منه لاعلي ولا على امي ولا على اخواني قااااااااااسي بشكل ماتتصورونه ظاااااااالم لابعد درجه لو احكي لو اشكي مادري هل بتصدقون اولا
المهم ابوووي تزوج امي وجاب منها 7 بنات و2ولدين طيب -- المهم من وعيت على الدنيا وانا اشوف جميع انواع المعامله القاسيه والشتم والسب والكلام الجااااااااااااااااااارح اللي مثل السم للجميع وطبعا انواع التحطيم
امي صااابره وساكته ماتحكي لاحد ولاتعلم خوالي لانهم ماراح يحركون ساكن كنا نتذمر من معاملته القاسيه ونشكي لامي وهي تقول ابوكم كذا من يوم عرفته خلاص اسكتوا
حتى بدراستنا كنا شاطرين وكان يحطم ولا يهتم كان مقتدر ماليا وكان راتبه ضخم بس ماكان يصرف علينا الا انه يعبي الثلالاجه ويجيب ادوات التنظيف
يعطينا مصروف للمدرسه ضئيل مقارنه باللي كنا نشوفه مع زميلاتنا
كان يهزء على الرايحه والجايه--نادرا ماكان يمزح او يسولف معنا وكنا نستغرب بس نعيش اللحظه لانها ماتتكرر الا قليل مزحه اغلب الوقت يجررح وسوالفه غالبا ماتنتهي بهلام يسد النفس
كنا نداوم بالشنطه 2سنتين كامله واوقات المريول ياخذ سنتين واذا فصل لنا مريول للسنه الجديده يطلع قيمته من عيوننا بالتهزيء والهواش والكلام الجارح الجزم الله يكرمكم من اول السنه لاخرها جزمه وحده
طبعاا كنا اقل من كثير من البنات معنا بس عايشين وساكتين
ملابس العيد بس بعيد الفطر وعيد الاضحى ولا شيء وفوق كذا مايشتريها لنا الا بعد مداولاات ونقاشات وترجيااات وشحححححححححاذه
وياليتها من مكان حلوو لا بالله الا كان يشتريها لنا من حراج بن قاسم سابقاا اذا تعرفونه
كنا نعاني معاناه الله لايوريكم بس--لو اقولكم كيف كنا عايشين وكيف كنا صابرين وبالعين المر
كانت امي تصبرنا وتقول انتوا احسن من غيركم--
كانت جدتي الله يرحمها تجي عندنا-- ماكان يعطيها وجه وكان يتريق على كلامها وكنت انا وامي وخواتي ننقهر منه ومن تصرفاته مع امه ومن وين يجيب قساوة قلبه هذي بس نخاف نتكلم لايتوطى ببطوننا كنا نخاااااااف وللحين نخاف
تصدقون يابنات انه كان يتلثم بشماغه اذا مر من جنبها او جاء يكلمه او يتقهوى معها يقول ريحتها!!
الله يرحمها كبيره بالسن ومريضه كنت انا واختي نهتم فيها ونسبحها ونجلس معها وكانت تسمينا خواتها

بكمل بعد شوي انتظروني ولاتقطعون الموضوع بردودكم

****************

المهم اكمل لكم القصه
مرت الايام علينا وكبرنا صرنا بالمتوسط والثانوووي عيشنا ابووي في ذل ومهانه كان دايماا يهددنا انه يفصلنا من المدرسه انا وخواتي ويخلينا بالبيت كذا من دون سببكانت حالتنا حاله االوحده منننا ماعندها الا لبسه او لبستين بالبيت
واذا طلبنا فلوووس يرفض ويهاوش ومانشوف الفلوس الا نادرا ومايشتري لنا الا مره بالسنه بعد حرب ومعاناه وبكااااااااء
ماعرفنا الاسواق ولا الملاهي ولا الطلعات الزينه حدنا البر وطول الطلعه كلام يسد النفس وتهزيء وهواش ولعن
توظف اخوي وصار يصرف علينا ويشتري لناا بعض الاحتياجات والاشياء اللي كنا نحلم فيها ابسطها استشوار
امي كانت تشتري لنا بالدين من عند بعض الجيران اللي كانوا يبيعووون
كان اذا سافر ابوووي نحس انه يوم الحريه نلعب وننبسط ونهيص نسهر على التلفزيون ونعيش جونا
المهم نقلنا من بيتنا ورحنا بيت ثاني تزوج اخوي وكان ابوي يحترم مرت اخوي ويوصينا عليها وتزوجت اختي الكبيره ولاشرينا فساتين تسلفنا من عند صديقاتنا والقهر الاكبر انه حرما من حظور الزواج ولا خلانا نروح تخيلوا راحت امي وبعض الحريم والاقارب اما انا وخواتي مارحنا-- متنا قهررر
اختي قبل زواجها ذلها وهبل فيها اخذ مهرها ولا شرا لها الا اشياء بسيطه وذهب وعطورات مشيء حالك-- تزوجت وراحت
بزواج اخوووي عطانا اعتقد 1000 وحنا 5 بنات شرينا اللي شرينا واخوي زود من عنده وتم الزواج
كان حارمنا الطلعات والزيارات الا بشق الانفس وبعد ما نهين انفسنا ونترجاه يوافق بس عند اعمامي
واذا جانا احد فشلنا واحرجنا وقام ينادي بصوت عالي ويخافون الحريم ويطفي المبات عشان يروحون الحريم وصاروا يروحون الناس من عندنا ولاعاد يجوون الا بعد شهوووووور وبعد ما يتاكدون انه مو موجود
كنا نحب ناكل انا وخواتي بالمطبخ لحالنا عشان نتهنى لقمتنا ونسلم من لسانه لانه مايهنينا الاكل واذا قلنا مانبي ناكل يجبرنا ناكل معاه غصب عنا ونطيعه
كنا ننام بدري ويقومنا بدرري رغم اننا بالاجازه ولا عندنا اي شيء نسوويه بس كذا يبي ينكد عليناا
كان مايعجبه اي شيء ينتقد يهاوش يصرخ على اشياء ماتسوى
كنت احسد بنات عمي على ابوهم لانه دايم يسولف ويمزح معهم--كنت اتحسر انا وخواتي
كان حوشنا كله حجررر وكان ينادينا انا وخواتي من الفجر نرتب الحجر <<<تخيلتوا الموقف
فيه احد يرتب الاحجار
كان اذا جاب مقاضي للبيت يوقف على روسنا انا واختي نشيل كيس الرز الكبير وكيس السكر الكبير وكنا نطيح ونقوم ونشيله من السياره للمطبخ
كثيررره المواقف بحكي لكم انتظرووني
*****************

حاول انه يتزووج وماخلى احد خطب بكل مكان وكانوا الناس يرفضونه قال لامي بتزوج زوجيني انتي واخطبي لي بمعرفتك تخيلووا
وافقت امي من خوفها منه ولانها تبي رضاه
خطبت له وحده عمرها 20 بس طبعا شتااااااااااااااان بينها وبين امي من كل النواحي امي بلاربيعينات وهي بالعشرين بس امي احلى مابي اقول فيها شيء بس ضروري تعرفون
وافقوا عليه ومن اول ما خطبها اتصلت امها على الثابت وامي وابوي طالعين مافيه بالبيت الا انا وخواتي ردينا عليها قامت تستهبل وتقول انا خطيبة ابوكم وابي اكلمه وقالت كلالام بايخ على بالها تختبرنا ببس الحمد لله ماطلع مننا الا كل خير
المهم تم زواجهم وابوي طاير فيها وثاني يوم سافر هو وياها
وبدت التغيرات بعد اسبوووعين
كان حالف لامي انه يعدل بينهم وانه يعطيها حقوقها وانه يرضيها بس ماصار ولا شيء من كل وعوده الزائفه
امي المسكينه كانت مغبووونه من فعايله ومن حركاته
رجع وصار يقول لامي انا طالبك في شهر <<<يقصد انو امي ترضى ينام مع زوجته شهر
وفعلا وافقت امي
وبعد الشهر مانزل لامي ولا طرى على باله انه ينام معاها وليومكم هذا ما يدخل حتى جناح غرفتها تصوروا
صار له متزوج 5 سنوات وكل ماله يقسى ويقسى ويقسى علينا وعلى امي ويسمعها كلالالالالالام ماتتحمله اي حرمه
قسم بالله اني ابكي من كلامه ليها
ما يناديها الا العجوز ياعجوز تعالي ياعجوز سووي
زوجته تتصنع البرائه وتتمسكن لين تتمكن وابوي مايرفض لها اي طلب
كنا ما نكلمها الا بشكل رسمي ولا نتعمق معاها ولا نعطيها وجه وكان ابوي يهاوش امي عشان كذا ويقولها بناتك مايسولفون معها بناتك وبناتك
وامي بدورها تجي عندنا تقول خفوا عليها وسولفوا معاها
صرنا حبه حبه نكللمه وصار بيننا ميانه بس فيه شيء جواتنا يمنعنا نحبها-- امي مسكينه حالتها تقطع القلب ضحك عليها ابووي ووعدها وبلاخر مايناظر حتى في وجهها واذا مر مايسلم طول وقته فوق مع زوجته واذا جاب اغراض يرميها عند الباب ويطلع فوق ويمشي زوجته بكل مكان واسبوعيا تروح لاهلها وحنا منطقين بالبيت لاطلع ولا دخله
زوجته تتسوق متى ماتبي وحنا ولا ريال يعطينا
حملت زوجته وجابت ولد وصار عشاء بالبيت ويوم العشاء جابت امي صحن كامل وحطته قدامها هي وامها ويوم راحوا الناس جاء ابوي يهزء امي ويهاوشنا يقول ليش ماعشيتوا زوجتي وامها>>>حسبي الله عليهم وامي حاطه لهم صحن بقصديره قدامهم
امي تشيل ولدها وتنومه وهي جالسه تتقهوى مع ابوي قلنا لها يمه اتركي ولدها انتي مو شغاله عندها تقول ماعليكم مني
تخيلوا كيف
نجي نتغدا او نتعشى يكون ولدها نايم يصحى يبكي تقوم امي تشيله وهي جالسه تبلع ولاهامها
المهم مرره برمضان كنا محضرين سفرتنا وبنفطر اتصل ابوي نادى على امي انها تطلع فوق تفطر معاه هو وزوجته فووق بشقتهم
طلعت امي وراحت تفطر معاهم وقت الصلاه راح ابوي للمسجد وهي تعبت وقالت لامي انا احس بكتمه وضيقه قالت لها امي بجيب لك زيت مقري فيه
نزلت امي واخذت الزيت وحطت لها وقرت عليها رجع ابوي من الصلاه وزوجتها منسدحه واغمى عليها يوم شافته>>>مدري فعلا اغمى عليها ولا تمثيل ربي اللي يعلم
قام ابوووي يصارخ على امي ويقول لها انتي اكيد سممتي زوجتي اكيد انتي مقهوره منها قامت امي انصدمت وصبت مويه على زوجته وصحت
جاء ابوي وطرد امي وقالها لاعاد اشوفك هنا اطلعي من بيتي انتي سممتي زوجتي وذبحتيها
صارت هووووووشه كبيره ذاك اليوم جاء اخوي من الصلاه انصدم من كلام ابوي واخذنا امي وهديناها وجلسنا تحت
مرت سنه وحملت وجابت ولد 2
وابوووي انقلب على زوجة اخووووووووي وصار بس يهاوشها على الطالعه والنازله
وكذا مرره يطردها من تحت ويقولها لاعاد تدخلين بيتي وخليك بشقتك من دون ماتسوووي شيء يدور اي شيء تافه عشان يهاوشها

برمضان اللي بعده اخووي كان بدوامه وكنا تحت ومرت اخوي معانا فجأه نسمع صوت تكسير اثاريه ابوي جايب عامل ويكسر الجدار اللي يفصل بين شقته وشقة اخوي وفتح فتة باب واخذ غرفه كانت بشقة اخوي وصارت في شقته هو وزوجته ورمى النشاره اللي كانت فيها وقفل الباب اللي يفتح بشقة اخوووي ومن دون مايعطي خبر لاخوي ولا لامي ولا لزوجة اخووي وكذاا من دون استئذان اخذ غرفه من شقتهم
كانت مو مفروشه وكانوا ناوين يحطونها غرفه لعيالهم
المهم اخذها ابوي وزوجته وحطوا فيها غرفة نومهم وناموا فيها ذاك اليوم وغرفة نومهم القديمه والله مافيها الا منشره ملابس وكذا بطانيه يعني بس اخذووا هالغرفه نذاله
جاء اخوي وصارت مشكله بغى يطلع من البيت بسبب هالسالفه
بعدها بكم يوم جت رساله تهديد على جوال ابوي من رقم مجهول
مكتوب فيها والله لاسحرك وارمي سحرك في البحر اذا ماتعدلت
طبعا ابوووي انجن وعصب ونادى اخوووي وهاوشه وقاله اكيد زوجتك اللي ارسلت هالرساله ولازم تطلقها>>>طبعا هذا اكيد كلام زوجته
المهم اخوووي قال انا زوجتي ماعندها الا رقم واحد واللي ارسل لك اكيد انه واحد يبي يخرب بيتنا ويبي يخرب بيننا
وليومكم ماعرفنا من ارسلها بس انا شاكه انهم اهل زوجة ابوووي والله اعلم
زوجة ابوووي حامل حالياا وابووي مسافر فيها الاسبوع اللي فات تمشى هو وياها اسبوع الاجازه ولا عطوا خبر لامي وخواتي ورجعت محمله باكياااس وكل يوم تنزل عليهم بلبس جديد هي وعيالها
وامي واخواتي مايشووفون ولا هلله
طبعاا انا كتبت لكم كل اللي صار من دون مبالغه وربي يشهد على كلامي
ابووي قبل فتره يقول لامي وشفيه وجهك مجعد عجزتي بسم الله علي منك
تخيلوووووواا
ابوي كبير بس يصبغ ويهتم بنفسه
امي حلووه وشكلها اصغر من عمرها بس ابوي لازم يحطمهااا ويقهرها
تزوجت اختي الثانيه والله ماخذت من مهرها الا 1000 ريال وبعد معاناه طبعا اخوي اخذ قرض وقضى لها اغراض زواجها
خلوها على ربكم بس
هذي قصتي من الى رغم اني اختصررررتها لكم بكثيررررررر
اللي حابه اقول مواقف صارت تقووول و***** الله اكمل
واللي عندها شيء بتقوله تقدر تساعدني فيه تساعدني
نسيت اقولكم طبعا كل اقاربنا يقولون ابوكم متغير شكله مسحووور الله اللي يعلم
اترككم في حفظ الله

_________
وش اكمل وش اقوووول
بحكي لكم مواقف

1-- جدتي تحب ابوووووووووي مووووووووت ودايم تقوول قصايد فيه وتمدحه وهو ولا على باله قااااااااااسي عليهاااا
تمرر اياااام مايدخل غرفتها يسلم عليها ولا حتى يحب راسها
مرضت واخذها عمي ببيته وكان مايزورها الا بعد فتررررررررره طويله من اسبوعين الى 4 اسابيع
المهم دخلت المستشفى ونوموها طولت بالمستشفى يزورها بس من فين لفين
توفت الله يرحمها ولا حظر عزاها الا اول يوم --العزاء كان ببيت عمي الكبير --تصدقون انه حتى ما تأثر



بنات الحين بطلع وبرجع لكم بالليل واحكي لكم مواقف ثااانيه صارت معي

انتظرووني

1
رجعت لكم حايب قلبي وبرد على اسئلتكم
انا طبعا تزوجت والحمدلله لكن بالي مشغول مع امي وخواتي لانهم عايشين بهم وغم وقهرر
امي مسكينه صابره على ظلم ابوي واهاناته عشان خواتي الاربع ولانهم لسى يدرسوون
واخوي ال2 طالب بالجامعه وابوي مايعطيه فلوس الا نادراا جدا لدرجة ان اخوي يتسلف اوقاات الزنقه
واختي الحين بعد بلجامعه طبعا هي تدفع للسواق من مكافئتها
يابنات اللي يقهر انه صار معاد يقضي للبيت الا اشياء اساسيه ولاعاد يجيب الاغراض كامله واذا طلبوا شيء يهاااوشهم
ابسط شيء الصابون اذا قالو له خلص هاوشهم ويخليهم بلايام وبعد معاناه يجيبه
وامي صارت تعبااااااااااانه من كثر الهم اللي بقلبها وخاصه سفرته الاخيره هو وزوجته قهرتها لانهم تركوهم هي وخواتي من دون حتى مايعطونهم ولا ريال
واللي يقهر انه يفكر ان امي معاها فلووس دايم يقول العجوز معها دراهم اكيد بناتها يعطونها
الله يعين بس
خواتي الكبار صار عندهم عيال وانا عندي ولد الله يخليهم لنا يارب
حنا مو مقصرين ابد اللي نقدر عليه نسووويه مانقصر ابد على امي واخواتي بس مهما كان مو في كل الاحوال نقدر
خصوصا اننا مو بنفس المنطقه اللي اهلي فيها
تخيلو يابنات رمضان العام طردني ابوي من البيت لاني دافعت عن امي----
واختي كانت عند اهلي 6 شهور لان زوجها راح بعثه وابوووي انواع الاهانات ورايح جاي يقول البيت بيتي وانتوا اللي جايين عندي
يابنات يموت بعياله من زوجتها ال2 ويحبهم ويدلعهم ويوفر لهم كل شيء
واختي الصغيره اللي بسادس يهزئها ويهاوشها ويصرخ عليها





بالنسبه لللاخت اللي تقول اتركوه وعيشوا لانفسكم وونسوا حالكم انا اقولك جربنا بس مو راضي يخلينا بحالنا ورانا ورانا شيء مو طبيعي حالة ما يعلم فيها الا ربك
تصدقون اجي اجازات وانام معاهم يوم او يومين احس اني متوتره طووول الوقت اتمنى ارض تنشق وتبلعني وما اصدق متى اروح بيت زوجي رغم اني اكون مشتاااااااقه لهم وابغى استانس مع امي وخواتي وخواتي المتزوجات يقولون نفس الكلام مدري وشفينا!!
برجع لكم واكمل معكم اكيد