ظهر الحق وزهق الباطل

الي تتذكر مواضيعي السابقه زوجي والسحر وقلتلكم كيف ارفع قضية على من سحرة زوجي وافادوني بعض المحامين في تويتر الله يجعلها في ميزان حسناتهم وقلتلكم ان سلفتي ساحره زوجي ماكنت ادري انه مسحور إلا بعد ملاحظات كثيره وقلت انقلبت حياتي معاه جحيم اخر سنه ونصف وصار يمد يده علي بدون سبب وطلقني مرتين ويكرهني وقلتلكم صار يطول كثير بالحمام اعزكم الله وودوه اخوانه كذا راقي قالو مسحور وفيه أشياء كثيرة مابغا اذكرها
انا عشت معاه سبع سنوات كان لطيف ويحترمني ويحبني واحبه وكان عون لي في كل شي وكانت لاتكمن سعادتي الا بوجوده وهو كذلك
بس اخر سنه ونصف انقلب وحش ماصدقت ان هذا زوجي الي يحبني يمد يده علي
بداية شكي انه مسحور""""في البدايه يكره يسمع القران وتطويله بالحمام ومد يده علي بدون سبب عدة مرات ويكرر اكرهك اكرهك
بداية المشكله""""سلفتي الكبيره زوجها مقعد على كرسي من حادث وباب شقتي بوجه باب شقتها
وكانت دائم تتصيد خروج زوجي وتفك الباب فجأه اثناء خروجه وتسوي نفسها ماتدرب تكررت كثير ...وفيه أشياء كثيره صارت وزوجي يكرها وانا تمشكلت معاها كثير من شان هالموضوع
اول ماكتشفت السحر """""" كنت اشك واسمع انها متعامله مع ساحره قبل لا تبدا بيني وبينها المشاكل وكنت اقول انها إشاعه وانها مضلومه
سلفاتي ثنتين الكبيره الي ساحره زوجي تجلس كثير مع الصغيره وقالت لها مره ماكون بنت فلان إذا ماخليت فلان يطلق فلانه تقصدني انا وزوجي
الشي الثاني اخت زوجي صارت بينها وبين زوجها مشكلة وقالت جيبي 4000 والله انروح وحده تخليه يمشي وراك زي الخروف
سلفتي الصغيره علمت اخو زوجي بلي قالته سلفتي الكبيره واخو زوجي زعل وشجعني اشتكي والزم اخته وزجته يشهدون بلي سمعو
إضافة الى انه طلب من زوجته تسجل عليها وفعلا سجلتلها كلام يدور حول الموضوع هذا
رفعة قضية ووكلت اخوي ورفض الشيخ وكيلي ووكيلها وطلبنا في اول جلسه هي انجن جنونها
وكانت ردة فعل زوجي يقول اني كذابه وانه ماهو مسحور ويرسل على جوالي يقول تنازلي لاقلب القضيه عليك هو مسحور مايدري اخوانه ودوه لثلاث رقاه قالو مسحور سحر تفريق ويصارخ اثناء الرقيه وينصرع عليهم
حاولت هي تدخل ابوها جاء لبوي وحاولو يتدخلون ناس كثير بس رفضت التنازل تدخلو ناس بيصلحون من اقاربنا وقالو لها راح يجيك سجن وبيجيك عقوبة الساحر ياعترفي او بري نفسك قالت يمكن اناعطيته عين بدون ماقصد بس ماسحرته تلف وتدور خايفه ..قالو انتي قلتي لفلانه جيبي 4000 ونروح لوحده تخلي زوجك يمشي زي الخروف دلينا عليها ...وكمان قلتي ماكون بنت فلان إذا ماخليت فلان يطلق فلانه والكلام يدينك وصارت تبكبك واعترفت بالأخير انه هو مسحور بس هي ماسحرته قلنا جيبي الي ساحرته ونطلعك من الموضوع ونخلي فلانه تنازل الي هو انا والا ترى المصيبه تجي براسك وقالت لام زوجي واخوانه خلاص عطوني ثلاثة ايام وهي بالاخير راح تعلم بساحره الي تعاملت معها وسحرته واخوه بيكلم الهيئه وان شاءالله عشان يتم القبض عليها حتا عرفنا الحي الي تسكن فيه الساحره بس لحد الآن باقي تعلمنا في البيت بالضبط
الجلسه الثانيه الشيخ طلب مايثيت وثبتت بالأدلة وبشهود والتسجيل
طبعا الجلسه الثانية ماحضرت والشاهدات سجلو الشهادة ووقعو عليها واستلمو مني التسجيل
ام زوجي البارح جاتني وكلمتني انه إذا انفك سحر عن ولدي تنازلي عنها اهم شي عرفناها على حقيقتها وقفلي القضيه بناتها وعيالها وزوجها من بيقوم فيهم عندها ثلاث بنات وولدين وزوجها مقعد
مدري ايش اسوي ان شاءالله راح نجيب راس الي اسحره وينفك سحره مدري بعد فك السحر اواصل القضيه قبل جلستي الثالثه والجلسه قريبه وخايفين تاكلها سجن وام زوجي طيبه طلبتني وحبت راسي عشان نستر ونقفل الموضوع
وانا مقهورة وتعذبت وتبهذلت وتطلقت مرتين




والله العظيم والذي رفع السماء بلا عمد يابنات جلستي بالمحكمه قربت مدري ايش اسوي
ادعو ان الله يفك سحره الله يبعدعنكم السحره الفجره ويرزقكم الفردوس الأعلى