ظهر والدي الحبيب في خطر ارجوكم ساعدوه ولكم الاجر من الله عز وجل

طبعا تفيد ولافيه افضل من المستشفى الرياضي بس مشكلته بعيد مره بعدين لازم يقلل من فتره الجلوس ويعدل جلسته وحاولي تعطينه شراب الحلبه يقويه شوي ويكمد المنطقه وقت طويل بمويه دافيه ويحاول دايم يستلقي على ظهره ويرفع رجوله على مركى يعني يكون شكل ظهره مستقين على الارض وركبه مصفوطه فوق المركى وبنومه مسترخيه بس اهم شي يكون الظهر ملاصق تمام للارض بشكل مستقيم
وليته يروح للتشيك مره يرتاحون اللي يروحون لها لو ترسلون اوراقه وتشوفون تشخيصهم للحاله وفتره علاجها
لكن حطي في بالك مو ابي اخليك تيأسين لكن احتكاك الفقرات صعب علاجه لكن فيه طرق تخفف الالم لكن فيه حالات يروح الاحتكاك فتره ويرجع يعني مستحيل ولاعلى الله شي معجز ان الاحتكاك يروح نهائي لكن خبري الوالد انه 70% عندهم الدسك مثل مايسمونه العامه وعايشين حياتهم طبيعي بس هو في بدايت الاصابه فيه يكون مرحله صعبه ومو بسهوله التأقلم معها لكن كم شهر وتخف الالام وتصير ماتجيه الا فترات بسيطه من السنه
هذا اذا نسبه الاصابه بسيطه زي ماذكرتي لان هالحاله كثيره مع الناس احتكاك اخر فقرتين
لكن هو يبيله اهتمام اكثر وانه مايشيل اطلاقا حاجه ثقيله ولا يجلس جلسه مو صحيه
ويخفف هالفتره النوم عند المكيف اذا يقدر لان البراد يزيد تشنج العضلات
وعليك بكريم القزل الاخضر algsal وله طريقه معينه بالتدليك تحصلينها بالوصفه
بعدين ينتبه لااحد يقنعه بالعلاج الشعبي بطريقه التدليك تراها تضر اكثر من انها تنفع البعض يحس بتحسن منها وهو بالاساس اصابته بالعضلات علشان كذا يرتاح لكن مثل حاله ابوك اصابته بالعظام فماتنفع معها هالطرق

واذا ماحصله في المستشفى الرياضي ترى افضل شي بامراض العظام مستشفى الملك خالد الدكاتره بقسم العظام من افضل الدكاتره وهو مايتميز الا بهالتخصص

ولاحظي انتي قلتي عنده الكلى ترى يمكن الالم الشديد منها ونسبه بسيطه من الاحتكاك فيهتم بسالفه الكلى اول

الله يشفيه ويزيل عنه الالم

سلاام

شكرا حبيبتي على مشاركتك بس بغيت اعرف وين مستشفى الملك خالد في منطقة بالسعودية اذا سمحتي
وشكرا مرة ثانية
:26:

للرفع

ااعني من الم في الفقرات واعالجه بزيت جنين القمح والحمدلله النتيجة طيبة

بنات مشكورين على تجاوبكم معاي بس حبيت ابشركم ان الوالد الله يحفظه ظهره سليم
واتضح ان الالم كان بسبب حصوتين في الحالبين والحين الحمدلله نزلو وافتك من الالم والفضل
لله اولا واخير ومن ثم الرشاد والشعير هو صحيح تاذى في نزولهم حيل بس في النهاية افتك ولله الحمد والمنة