1-التجمهر عند الحوادث
ابو طبيع مايجوز عن طبعه ومهما سمعوا من تحذيرات وارشادات ماراح يبطلون هالعاده بالرغم من معرفتهم بخطورة مايقومون به ولكن حب الاستطلاع بيذبحهم
2-اذا سقطت او تعثرت وحدة امام مجموعة جالسة لازم يضحكون
مدري مامريت بهالموقف وإن شاء الله ماامر فيه
3- ضاهرة التبذير في الاكل
هذي من ابغض الاشياء لي ولها مساوىء كثيره فهي تجلب غضب الرحمن وايضا تفقد الانسان لذة الاكل وترهق ميزانية الاسره وتؤدي في النهايه بـ قلة استضافة الضيوف خوفا من التعب والارهاق ووووو
ياسبحان الله لما اروح لناس ويكونون مشكلين في الاكل وزايدين في الاصناف احس بالشبع من قبل آكل يعني للأسف ماآكل
ولا احب اروح لهم مره ثانيه ولا اعزمهم لاني عارفتهم يحبون الفشخره والانتقاد
الله لا يجعلنا مثلهم
4- رمي المخلفات ومثل علب العصائر والمناديل من نافذة السيارة
الحمدلله اصدرت إدارات المرور مخالفات على من يفعل ذلك آملين من الجميع حسن التطبيق
وبعدين ياليت كل واحد يخصص كيس يجمع فيه النفايات داخل السياره وبعدين يتخلص منه بوضعه في الحاويه والنظافه من الايمان
5-اذا احد فتح محل تجاري ونجح وطلع جدا رابح تلاقي ثاني يوم 10 محلات فاتحات في نفس الشارع وفي تفس التخصص
هذي فعلا حاصله عندنا لكن اذا كانوا بيتفوقون على صاحب المحل الاول من ناحية النظافه والجوده فما المانع بالعكس ممكن الاسعار ترخص

انا حاقدة على كل العرب وكل تصرفاتهم يعني لو قعدت لبكرة ما باخلص وفوق كدة بصير نقد ومشاكل على كلامي لان كل واحد حيقرأ كلامي عارف بينه وبين نفسه انه صحيح فاتحملوني
اهم الظواهر وللاسف
1- العباية ولكن ليس انها تخلعها لما تسافر الفتاة البحرين او فرنسا
للاسف العباية صارت للتبرج يعني ضيقة جدا وفيها الوان كانها فستان لحفلة ويقولولك عادي
ملاحظة >> اللبس الساتر هو الاساسي سواء بالبحرين او بالسعودية ( لا يشترط لبس العباءة للستر) يعني في ملابس وسيعه ومحترمه للي ما تبغى تلبس العباءة
وبعدين اللى يلبسونه تحت العباية - احمر وردي اصفر فاقع لو فتحت العباة من اول الشارع قامو يطالعون من اول الشارع ....... مادري ليش ما يلبسون اسود في حال انفتحت العباية يفضل اللبس اللى تحت واسع وساتر وما يلفت نظر وما يبين ان العباة انفتحت؟؟؟؟؟؟؟
لاااااااا وغير كدة يقولولك هالبنت متحجبة البنطلووون قام يصارخ من الضيق ومشترية 10 سنتيمتر حق البلوزة مو عارفة تزيد طولها عشان تخفي حركة الجزء السفلي ولا هالشعر مغطيته اما بشفاف او نصه طاير برة يااااااااي
ولاا الرييييييحة الله راشتها لمشت جنب الحيطة بغت تنهدم من هالريحة الحلوة وينكم يا بناااااااااااات خير؟؟؟ خايفة من الريحة الشينة تسبحي وانتي بكرامة
2- الاستهزاء والمسخرة واخذ الامور بمنظور ضيق وقلة الثقافة فمثلا لو انسان تحدث عن موضوع وخصوصا ثقافي ولو صحيح تلاقيه اللى حوله ضحكو عليه بغوا يموتوا ( بس متأكدة على سخافتهم) لان ما عندهم ادراك ومو متعودين الا على المواضيع التافهة
3- النظر للمرأة العاملة ( مدرسة - ممرضة - مصورة..... ) نظرة تقليدية سطحية ونظرة استهزاء ودونية وانها انسانة غير محترمة ووحدة صايعة وقليلة حيا رغم ان بدونها لا يمكن يتحرك ساكن ولا امرأة حتستطيع الولادة ولا الاجيال حتتعلم (وهذه النظرة شفتها بالمدينة المنورة بشكل ملحوظ جدا) ويتعبرون ان الانثى( خادمة ) مع ان بدونها ما تسوي الدنيا وممنوع تفتح فمها ولا احد يقول ان الكلام مو صحيح لاني بقوله بعد تجربة بدون استثناء لاي شخص
4- تجمهر الناس حول اماكن الحوادث مما يعيق وصول الاسعاف بسرعة ويقعدون يحللون الحادث بدل لا يحاولون يسعفون المصابين هادا اصلا لو كانو يعرفون كيفية الاسعاف( يعني معجزة لو لاقيت انسان واثق يقدر يتصرف لحين وصول الاسعاف) ولاحد يقول مسؤولية عليه
5-التفريق بين الانثى والذكر بالافعال( يقولولك هو معليش بس هي اعووووذ بالله) وليش هادي التفرقة ما اعرف يعني هل هو نوع غباء ولا سخافة ولا سطحية؟؟؟؟ يعني عادي الولد يدخن ويشرب الشيشة والبنت ممنوع؟؟؟ ليش الولد يتعرف على الف بنت وعادي والبنت لو قامت تطالع واحد مشبهة عليه تقوم الدنيا ما تقعد؟؟؟؟ المفروض هالامور مافيها نص ونص يا كدة يا كدة على الطرفييييين كا في حد احسن من حد والعقاب لازم يكون وااااحد
6-جوالات الكاميرا اللى ذابحتنا وتناقل الرسائل بالبلوتوث كأننا ننتظر غلط على انسان عشان ننشره بسرعة الريح ولا نراعي لا سمعه بنت نستر عليها ولا تصرف ولد ما كان قصده مع انه من جوالات الكاميرا استخدامات رهيبة ممكن تخدم الانسان في التطور مو التخلف
7- النظرة اللى مالها داعي لغير السعوديين واللى نسميهم ( اجانب) وخير يعني؟ لاننا نعرف ان هما اللى طورونا وساعدنا للوصول للنهضة ولا لانهم ما يقيدون عاداتنا اللى فيها نوع من الغباء والمبالغة واللا منطق ولا لانهم يحترمون الانسان عكس ما تعودنا وصاروا هم افضل بطريقة تعاملهم؟ ولا لنكون محسبين انفسنا ان احنا شعب الله المختار؟؟؟؟؟؟؟؟
8- اللى قاعد يصير بمكة والمدينة خروج عن الدين والاغاني والكذب والنصب والفساد واخر شي نقول اووه مكة القبلة الاسلام المقدسة والمدينة احسن بلد واطهر شعب؟؟؟؟ يعني يا انهم احسن بلاد الله ونحترم انفسنا وما ندنس وننجس الطهارة اللى فيهم او نسكت
وانا عارفة ان كلامي بيثير ضجة كبيرة جدا بس كلمة حق ولا في احد ينكر؟؟؟؟؟؟؟؟
9- نحن لا نقبل كلمة تعيبنا او كلمة الحق.. لازم النفاق اللى يسمونه ( مجاملة ) واي شي يكون غلط فينا على طوووووول نبغى نحرق الدنيااا واللى فيها ولا نتقبل اراء الاخرين كأننا ملائكة
10- منع زواج السعودي من الغير سعوديات خير؟؟ الله تعالى حلل كل المسلمات للمسلمين احنا طبعا كلام الله تعالى ما يعجبنا نقوم ونغير اللى سمح لنا فيه
انا شخصيا خاطبة لاخوي وحدة ماهي سعودية حتقولولي ليش بصراحة لاني مابغى وحدة لاخوي عقلها سطحي وسخيف وغير مثقفة وتاخذها المظاهر وكل شوي تنقز تقول انت بنت فلان
11-المظاهر اللى ماشية بالبلد يالللللللللله والله احنا شعب منااااااااافق من برة الله هالله ومن جوه يعلم الله يعني نكون مثاليين و قمممة قدام الناس ولين قعدنا لوحدنا المصايب تطلع ولااااااااا وفوق كده نكون احنا عاملين السبعة وذمتها ولا جا احد غلط غلطة تافهة نمسكها عليه العمر كله ولا نرحمه بالرايحة والجاية وهمنا كلام خلق الله علينا طيب ليش ما نحاول فعلا نوصل لاقرب مكان بالمثالية ؟؟ يوم يقولو متخلفين نزعل واحنا نفوسنا من داخل مثل الزفت وحقودين ولئيمين بس اللى نطلعه اننا حبوبين ويالله كريمين ومتسامحين
12- السيدة المطلقة ونظرتنا لانها انسانة سيئة ومالها قيمة رغم ان اغلب الحالات تكون من الرجل بس لانها ضعيفة تجي على راسها صحيح ان في افضلية وفي مراتب بس مو بطريقتنا اللى تخلي المطلقة تبغى تموت نفسها من لسان الناس
13- الغيبة الغيبة الغيبة ليس من منطلق ديني ولكن من منطلق اجتماعي.. نكون عند الاولى نتكلم على الثانية نروح للثانية نتكلم على الاولى ويا ريته كلام صحيح الا كله كذب بكذب بكذب وايش نستفيد بالنهاية؟؟؟؟ طبعا على حسب المصلحة لان نفوسنا مو نظيفة من الداخل
14- البطر والاسراف والتبذير على اللى يسوى واللى ما يسوى ولو شفنا محتاج بالشارع تنكسر يدنا على ريال ولو دفعنا ما يطلع من نفسنا يعني لو اشترى له شي ياكله يتسمم
15- الهرمية المتسلطة في العمل يعني المدير لا احد يكلمه واللى يفتح فمه كف على وجه وينطرد ولو لكلمة حق والمدير يوضع قوانين عشان ما احد يلجأ الا له ولا تنحل اي مشكلة الا عن طريقه وباشارة من ايديه والاولولية لاقاربينه ابن اخته وولد عمه ومادري ايش
15- طريقة معاملتنا للانسان اللى يخدمنا واللى صرنا نسميه خادمة وسواق طريقة جدا صخرية وبدائية روح وتعال ويلا خلصني وتف عليك يا غبي ما نعرف نكلمه باحترام عشان نحترم انفسنا ولو قلنا له لو سمحت وشكرا نصير نزلنا من مسوانا وكرامتنارغم اني دافعه له على الخدمات اللى يقدمها وهو مثله مثل اي انسان وله الاحقية انه يتعامل مثل ما يعاملني
16- كل شي الا هالشباب ياللللللله ما يقدر يشوف وحدة قدامه ويسكت وكيف يحمل جوال موديل الشهر الماضي ولا كيف يركب سيارته لو ما كانت مرصعة بالالماس ولا هالموضة اللى طالعين فيها اخر فترة ينزلون ببنطلون قصير على الشارع ولا بثوب البيت والشعر الفله
17- الشباب يمشون بطريقة مقرفة ويشحطون في الارض ما يعرفون يرفعون رجولهم ويمشون بطريقة مرتبه ومحترمة لازم الازعاج لا ورجلهم نصها طالعة برة الجزمة (الشبشب الرجالي) ما يعرفون يلبسون ( حذاء) عشان تبقى رجولهم نظيفة لا وفوق كذا يرفعونها بنص السوق ويلعبون باصابع رجولهم قدام خلق الله وعاااادي واخر شي يدخلون المسجد برجولهم الوسخة ويمسحون اللى لقطته رجولهم من الشارع للسجاد والاماكن النظيفة
18-هالبنااااات يجرون هالعبايات وراهم ويدخلون الحمامات ( والله اعلم ان بالارض في نجاسة) ويطلعون ويروحون المسجد ويصلون بهالعبي يعني معقولة ما انتبهوا؟؟؟؟؟؟
19- الموضه الجديدة اعطيك مصلحة تعطيني مصلحة ما يجوز انا اخدمك لوجه الله تعالى عيب
20- عدم التزام الاطراف بالاتفاقات خصوصا اذا ما كان في اثبات ليش ما عندك شخصية ولا ما تنمسك الا بالورق؟؟؟؟ كيف تقول كلمة وبعدين تنفيها؟؟؟ ما تستحي قدام نفسك؟؟؟؟
21-والمتزوجاااااات يوم يروحون عند صديقاتهم ياللله الريحة واصلة اخر الشارع والمكياج بغى يتهاوش مع بعضه من كثرته ويوم تكون عند زوجها لون بشرتها صفرة والريحة بصل وثوم وهالشعر كشة مافي مكان يكفيها
وغير كدة كتيييييييير كتيييييييييير والله لبكرة ما اخلص بس اليوم طلعت شوي من الحرة بقلبي
وسلامتكم

اختي ريما التغلبيه
الله يعطيك العافيه على المشاركه
وبالنسبه للإختلاط اللي عندكم فالله يعينكم ويثبتكم
اما سالفة الشواذ تقصدين بنات مع بنات فهذي الله يسترنا منتشره في السنوات الاخيره واسبابها كثيره لكن من اهمها العولمه
الله يحفظ بناتنا وشبابنا من كل شر ويحفظ علينا ديننا
اقول عندكم في الاردن تغالبه ؟؟؟