الهنديه

صحن طحينيه

يالله نشوف من الشاطره منا تنتفخ معها ، بس شوفي يالهنديه ترا القصمان ما يحطون مع الكليجا كاري:eek: :eek:

وانتي ياصحن طحينيه ممكن تكون كليجا بالطحينيه ، الاسبوع الماضي وحده من صديقاتي جايبه كليجا بالتوفي، اكيد فيه كليجا بالطحينيه.

=========
عيوش

ياحبيلك انا مادريت انك عائشتنا كان ما نزلته في اطباق حواء انا اذكر اني شفته بس ما ادري من الي منزله لين قالت لي ام الحلوين انه انت

:23: يوم دريت انه انتي مار واقوم وانزل في منتدانا استغاثه عاجله موجهه لك

بس اقولك شيء ، ترا يوم اسويه ما فتحت الفرن لين طلعت ريحته ، ريحته صدق كليجا بس انه ما انتفخ:06::06:

ابجربه مره ثانيه بس مهوب هالحين ، لين يروح رجلي للشغل علشان ما يتطنز علي ويقول ما يعرف للخيل الا ركابها :41:

هلا برند

اقول الله يبارك بهالكليجا اللي خلتك تويقين علينا بملتقانا
وين انتي توك تجين لمنا ؟؟؟

يالله ان الشكوى لك :(

شوفي ياقلبي عقب ماكتبت ردي البارح وشفت الصوره اللي انا منتزلته العام انهبلت
تدرين ليه ؟؟

لانه من تالي كليجتي ماتنتفخ بالحيل زي الصوره :( تنتفخ بس انتفاخ وسط

انا طفت بها العام طفه الله لايوريك همن تركته ورجعت له بعد فتره عاد بديت من الصيف اكلج من جديد

لكن ماصارت تنتفخ معي زي اول مع ان ناسيه الصوره
ويوم قلت لك ان فتح الفرن هو السبب وطلع ظني خطا

اتوقع الحين والله العالم ان السبب الدقيق :cook:
العام كنت اسويه بدقيق السعوديه ويوم خلص صرت استخدم حق الامريكان
والعام كانت غالبا تنتفخ معي
ام هالسنه لا قليل
بس شوفي لو دققتي بالصوره بالحيل وتمقلتيه زين:34: بتلاحظين ان الكليجا رهيييييييييييييفه مره يعني شوي وتنشق واذا جيتي تاكلينه بتصير ناشفه
فمن تالي صرت اغير صرت امتنه شوي علشان تصير اطرى ولا تنشف
لان الناشف مره مهوب زين ينشب بالحلق:11:
ويمكن علشاني كنت ارهفه كانت تنتفخ




سامحيني يالطيبه ودي الاني على ماقال عطيتك العلم السنع :(
لكن والله هذي طريقتي وعطيتك كل الاحتمالات

تمنياتي لك بكليجا منفوخه يصب الدبس منه صب:21::23:
وتعجب ابو الشباب

هلا بعيوش

كيف الحال

اقول سويتها مره ونفخت وصارت وش زينها بدقيق امريكا ، وطلعت بها للبارك وجازت لصديقاتي لدرجة انهم ماصدقوا اني انا الي مسويتها :cook: :cook:

المهم رحت للسعوديه وقعدت فتره طويله ، واشتهيت هاك اليوم كليجا ومار اذكرها ، وانقز للمنتدى وادور وادرو بدون فائده :06: :06:

يوم لقيتها واسويها ويجيني خيبة امل قلت اكيد عين ماصلت على النبي عقب العام.. ويضيق صديري ، ومار يقول رجلي ولا يهمك بكره نطلب من السعوديه كليجا:( :(

المهم اني ابدور لي وقت ثاني واسويها فيه بس خليني افضى ، مافيها وانا اختك يا انا يا الكليجا

على فكره قبلي ازورق في المنتدى بس صراحه انا عجازه ومشغوله في نفس الوقت والا والله اني اتابع اخباركم واتمنى اني اتوصل معكم قبل ، بس الجايات اكثر انشاء الله :24: :26: :24: :26: