عائلة صغيرة تحتاج إلى خادمة وباقي التفاصيل في الداخل

السلام عليكم ورحمة الله وبركاته

مساء الخير يابنات حواء الفاضلات

أنا رايحة أعرض عليكم مشكلة وأتمنى إني ألقى الحل عندكم

هذي الله يطول أعماركم حرمة كبيرة في السن عندها ولدين كبار وبناتها متزوجات والمشكلة إنهم مو بنفس المنطقة اللي هي عايشة فيها ألا وهي الرياض واحدة في الغربية والأخرى مسافرة مع زوجها للدراسة وهي عايشة لحالها مع هالولدين ترعاهم طبعاً هم ما يطلبون منها شي لكنها تعرفون قلب الأم تقوم بواجبها على أكمل وجه فنبي خدامة تساعدها في إدارة المنزل تكنس ترتب الفراش تكوي تغسل المواعين تغسل الغسيل يعني ترى الحرمة ما تأمن لشغالة وتحملها كل شي بس نبي شغالة صبورة وتعرف عربي بتقولون لي ليه ما تقدم على شغالة رايحة أقول لكم إنه السبب سفر زوجها ولا تدري وينه منقطعة أخباره عنها وعن عيالها بتقولون لي كيف نقدر نساعدها على هالحالة بقول لكم الله يجزاكم خير إذا كانت عندكم شغالة ماتبي تجلس عندكم ولا تقدرون تستغنون عن واحدة من شغالتكم وتعطونها إياها وهي تتكفل براتبها بس على إسمكم يعني من غير نقل كفالة لأنها مثل ما قلت قبل كذا إن زوجها مسافر برى المملكة ولا تدري وين أراضيه وعيالها لسه شباب يعني ما بعد أتزوجوا ولا يحق لهم إنهم يطلعون شغالة بأساميهم فالله يجزاكم الله خير اللي تستغني عن شغالتها لفترة بسبب السفر مثلاً ولا غيره أو تعرف أحد يقدر يتنازل عن شغالته لفترة أسبوعين أو شهر أو شهرين تكسب أجر هالمسكينة

على فكرة هي جارتي وحسبة أمي فالله يخليكم بنات لا تبخلون علي وعلى أنفسكم كسب الأجر .

أنا في إنتظار ردودكم على العام ورسائلكم على الخاص

شاكرة لكم مروركم على موضوعي وأدعو للجميع بالأجر والثواب