عائلة غريبة بكل ماتعنيه هذه الكلمة

اولا العائلة هم(أهلي)


تتكون هالعائلة من أم وأب مثال للألتزام والتدين ثلاث ارباع السنه صيام وقيام ومشهود لهم بكل خير مايحبون القيل والقال ويحبون يعتمدون على انفسهم بكل شي حتى مايحبون يذلون انفسهم حتى لأولادهم



طبعا هالأم والأب كباااااااااااااااااااااار بالسن وجالسين بالبيت لوحدهم لأن جميع الأولاد والبنات اتزوجوا:(



الغريب بالأمر ان هالمنزل مكرووووووووووه جدا من قبل الأبناء يعني مايجونه الا بالقطاره واذا جوا مايقصرون من ناحية الأكل والمستلزمات بس يجيبون اولادهم ويخلونهم ينبسطون مع جدانهم مستحيل


طبعا انا من ضمن هالبنات كتب الله لزوجي الحج هالسنه وجلست هالأجازة عندهم قبل ماكنت ملاحظه هالشي وماكنت الاحظ هالتقصير فينا


بس شوفوا الحال من البدايه الأولاد ودوا زوجاتهم واولادهم لخوالهم من أول الأجازه وحتى العيد ماشفناهم


البنات جوا عيدوا عندنا اول عيد وبالتحديد صباح العيد وبالظهر مافي البيت احد ابد:(



والله مدري وين الخلل فيه دايم بيت الشيبان يكون فيه تجمعات على الاقل لو ايام العيد بيتنا مافيه احد يتحرك يحول


تكفون قولولي وش اسوي؟؟ولا ادعوا لنا تكفووووووووووون