عائلتي وعائلة فيلييس (واسئلة متعلقة بالدين)

السلام عليكم ورحمة الله وبركاته

الحمد لله حمدا كثيرا كما ينبغي لجلال وجهه وعظيم سلطانة الحمد لله على نعمة الاسلام

رح ادخل بالموضوع على طول الي اكتر من شهر بدي اكتبه وبنشغل
المهم نقلنا من كم شهر لولاية واستاجرنا شقة منفصلة الشقة متصلة في بيت عائلة فيلييس
استاجرنا لمدة اربع اشهر لحتى نتوفق بشرا بيت
المهم العائلة طيبة محترمة الام دائما بتعرض خدماتها وبتحب تخدم وتساعد طبعا من اول ايام بين انهم عائلة مسيحية متدينة وهي ما بتتاخر دقيقة عن الشرح والتوضيح عن دينهم وانهم بروحوا الكنيسة وبدرسوا وبتقرا في البايبل ويوم عن يوم بدات تسال طبعا الاسئلة الي بتهمها انا على طول خطر في بالي انها بتحاول تشرح في بالها بتدعيني للمسيحية :) المهم كل مرة تسالني الي بخطر في بالها ما رح اكتب القديم رح اكتب ايش صار معنا اليوم طلبت مني اعلمها شوربة العدس وقعدنا نطبخها مع بعض وصار وقت صلاة العصر اعتذرت منها
وقلتلها رايحة اصلي وخلصت ورجعت سالتني عن الصلاة هل الها طريقة معينة ولا كلام انت بتقوليه
طبعا الانجليزي عندي مو كل هل قد يعني بحكي وبفهم عليها بس ما بعرف اشرح بالدين لكن حاولت
بالي بقدر عليه شرحتلها انه في طريقة معينة للصلاة و انه الدعاء في اي وقت باليوم
فقالتلي انه يوم الاحد في عائلة مسلمة بدها نيجي على الكنيسة بدها تحول للمسيحية وانه
المشكلة الكبيرة عندهم انه اذا حولوا انه عنا هادي مصيبة والناس ما بتتقبلها
قلتلها حتى المسيحي اذا حول للاسلام اهله برفضوه وكتير منهم بقطعوا علاقتهم فيه
قالتلي اول مرة بسمع هيك امكن هاد الحكي بالميدل ايست مو هون قلتلها حتى هون كمان
قالتلي شايفة عنا الاشي ما في قوانين (بحسها متغلبة كتيير انه عنا قوانين بالاسلام واشياء ممنوعة ومحرمة)
يعني عيسى لمى اجى قال انه بدي اخلصكم من القوانين بس اعبدوني واطيعوني
قلتلها احنا ما منشوف صعوبة بقوانين الاسلام لانه الايمان موجود فسهل تتبعي القوانين الالهية
قالتلي شايفة الفرق انتوا بتامنوا بعيسى انه نبي واحنا انه ابن الله
قلتلها ليه الله بده ابن الله بقدر يقول للشي كون فيكون قالت
انه الله نزل على هيئة انسان تبارك الله عمى يصفون وانه في البايبل عندهم عيسى قال انا الله واعبدوني
قلتلها اذا انت مهتمه في عنا سورة مريم بالقران بتشرح قصة سيدنا عيسى اقرائيها اذا مهتمة
وقالت انه البايبل من عيسى هو الي كتبه مو كتابة انسان هون انا انبخعت قلتلها لحظة لحظة
القران مو كتابة انسان القران نزل على نبينا محمد بواسطة الملك جبريل وسيدنا محمد علمنا اياه
والسنة والحديث ما نقل عن افعال واقوال سيدنا محمد عليه السلام
لكن القران كلام الله
قالت وهي بعمر العشرين انه اتقربت لربها وكلمها الي هو (عيسى) قال كانت تلبس لباس البحر قطعتين
فحلمت فيه وقالها انه لازم تلبس قطعة وحدة لانه هيك في زلام بشوفوها وبتخليهم يوقعوا بالغلط ومن يومها
قال ما بتلبس الا لباس بحر بقطعة وحدة .... هيهيهي مغلبة حالها كتيير الاخت تسترت
قلتلها وليه ما خطر في بالك انه طلب منك انه تغطي اكتر من هيك لانه الاصل لباس يغطي الجسم وفضفاض
حسيتها التخمت شوي قالتلي ما بعرف المهم انتهى الكلام لاني طلعت على البيت
هلا انا متاكدة انه لسة في بالها اسئلة وموال ما خلص

وطالبة منكم تساعدوني كيف ممكن اجاوبها اجوبة مقنعة وتسكتها
وشو رايكم هل ابعتلها سورة مريم على الايميل مترجمة ولا لأ
طيب عادي لو ابعت ايميل اجوبة لاسئلتها الي تحدثنا فيها ولا خلص انسى
ساعدوني بنولكم اجر لانه باقي 3 اسابيع لانقل على بيتي وطبعا هي رح تستغلها
بالاسئلة بدها تلحق تهديني لدينها قبل ما انقل هيهيهي