كل الخير :
لاحول ولا قوة الا بالله يارب اكفنا شرهم واجعل كيدهم في نحورهم حسبي الله ونعم الوكيل على كل ساحر وساحرة وجازي رجال الهئية خير الجزاء ووفقهم لكل ماتحب وترضىلاحول ولا قوة الا بالله يارب اكفنا شرهم واجعل كيدهم في نحورهم حسبي الله ونعم الوكيل على كل ساحر...
الصفحة الأخيرة
يابنتا تصدقن ان اختي جتها شغاله سيرلنكيه
سبحان الله شكلها يخوف مو شين لا عادي بس
تحسين ان فيها ووراها بلاوي المهم مره اختي جت
عندنا مسيره جميس وجمعه وقالت لي اختي روحي شوفي جبت
كيس معي فيه شكولاته نبي ناكله مع القهوه وكلنا كنا جالسين بالحوش
وانا انقز واروح ادور الكيس لقيت كيس صغير بس ملزق بشطرطون
استغربت ليش ملزقته المهم وانا افتحه ع طول اشيل 30 لزقة شطرطون
عندي فضول ابي اعرف وشو كم المس عرفت انه مو الشكولاته طبعا
وافتح وافتح وافتح واخر شي طلع لي اشياء غريبه عجيبه واول مره بحياتي
اشوفها وكانه فيه زي البذوز بس كبيره شوي مثل اللي بالمنجا وبعضهن
رطبات وفيه اوراقشجر وفيه ورقتين وحده مكتوب عليها طلاسم واشياء
غريبه ورسمات يعني كانها ترسم طفل والورقه الثانية فيها كتابه لطفل
الكتابه انجليزيه هي كانت تشتغل في لبنان قبل تجي وطبعا هم اغلب
كتبهم البنانيين انجلش المهم واضح انه كتب طفل عمره لايعدى 10 سنوات
واللي اكد لي انه طفل اني شفت تصحيح المدرس باللون الاحمر عادي زي
تصحيح المدارس وعليها شويت طلاسم وحروف بس شويه مو كثيره مثل
الورقه الثانيه المهم انا شكيت بالوضع وخذيته وخبيته ع طول المهم رجعت
ايه والكيس اللي محطوطات فيه ملفوف بعباية الخدامه طبعا انا ماني عارفه
انها عبايتها تخبرون جايه طايره انكش ادور المارس والجالكسي عميانه
انا بس من رفعت العبايه لقيتها تقرقش حسبتها عباية اختي وحاطه الشكو
جواها المهم رجعت عند اهلي بالحوش وجلسنا طبعا الخدامه كانت بالمطبخ
تتغدى وانا ماعلمت احد عشان فيه عيال وبنات صغار المهم مادرينا الا جت
الخدامه وهي زي المجنونه وتقول وين كيسي وحنا ساكتين قلنا اي كيس
قالت اللي جوى عبايتي وقالت اختي مدري يمكن الصغار خاذينه اساليهم
طبعا للحين محد يدري بالكيس غيري قالت هذا شي مهم وضروري ابيه
وقامت تفدع بنفسها وتركض زي المجنونه تدوري بس ماعليكم انا ذيبه
خبيته بمكان الجن الزرق مايطلعونه المهم قالت فيه علاجي حق اسناني
وهي ماسكه خدها ع ان ضرسها يوجعه قالت امي ماهي مشكله حبيبتي
نروح الحين نوديك للمستشفى البسي عبايتك قالت لا لا لا تصرخ ابي
كيسي مابي مستشفى انا هنا زاد شكي ان فيه بلا هالكيس وراح الكل
يدور معها وانا عشان ماتشك بي رحت ادور معهم المهم وانا ادور وانتقل
من مكان للثاني كل مالقيت وحد من خواتي الكبار اقولهم انا اخذته واسكتو
اقولكم السالفه بعدين واخر شي لقيت امي تدور المسكينه برى البيت يمكن
احد راميه وانا اقول لامي انه معي قالت امي هذي مسكينه رجعيه له ليش
تاخذينه عاد امي ماعنده تفاهم ماتقدرين تقولين بعدين اعلمك ياتقولين
لها ياتجينينه المهم قلت يمه بالعربي هذا سحر اللي تدور عليه امي انخرعت
قلت بس نبي نوديه لشيخ يتاكد واذا كان مو سحر نرجعه له وسالفة اسنانها
تراها كذابه مافيه اي علاج غير اوراق وطلاسم بعدين رجعنا كلنا للحوش
وعلمت خواتي المهم الكلام ذا العصر وهي مافقدت الامل تبحث وتبحث
المهم مادرينا الا جاي اخوي اللي عمره هذاك الوقت 13 سنه قالت بنات
قلنا هاه قال الخدامه ورتنا 400 ريال تقول اللي يلقاه بعطيه اياه وتبكي
ال 400 راتبها هي له شهر فقط عند اختي اهلي انصدمو قلت ماقلتلكم
الموضوع فيه انا تبي تدفع راتبها كله مقابل علاج سن المهم وهي تبكي
وتجيها امي حنا رجعنا للصاله الكبيره والمطبخ قدامنا وامي اعطتها حبوب
ومسكنات وهي تاخذها وطلعت امي واختي شافتها كبت شي بالزباله وقالت
اختي نبي نشوف اذا هي كبت الحبوب معناها كذابه هم للحين شاكين فقط
لانهم ماشافو اللي انا شفت وبعدين قالت اختي دورتي تحت الكنب قالت ايه
قالت دوري زين وخري الكنب يمكن يكون بينه وبين الجدار المهم راحت
للمجلس تحوس ورحنا انا واختي زي الطياره للزباله وفعلا لقينا الحبوب
مرميه بالزباله المهم حنا يالبنات تجمعنا بغرفه وحده والكل نام وحنا
سهرانين وانا قفلت الباب ووريتهن الكيس انهبلو المهم انه مانامت الخدامه
وحنا نمنا وقمنا الصبح وهي للحين مانمت ولا ياست تدور تخيلو المهم اختي
رجعت لبيتها الظهر وهي تبكي عيت تروح تبي طلاسمهاوقالت اختي اذا
حصلوهم بيرسلونهن وخذتها غصب وانا طبعا اعطيتهن اختي توديهن لشيخ
اختي انسانه ع نياتها مثل امي المهم توقعو وش سوت اختي من غبائها
راحت لشغالة جيرانهم الاندونيسيه وهذي الخدامه مصادقه خدامة اختي
مع ان مالها الاشهر الاندونيسيه كانت عن عجوز وعيالها بس معد ماتوفت
العجوز صارت تجلس اغلب الوقت عند اختي لين تسافر لان مابقى ع
سفرها غير شهرين وقالت لها وشي هذي لقيتها مع خدامتي وتقل انها علاج
للاسنان قالت الاندونيسيه ايه هذي حقت اسنان بس انتم ماتعرفونها واختي
صدقت ورجعته لخدامتها وقالت ان امي لقته وارسلته والخدامه فرحت
تخيلو يوم جاء الصبح مالقت اختي شغالتها وعلمت الشرطه المهم لقوها
وقالو ليش هربتي قالت اشتقت لعيالي وبروح واختي طبعا صدقت وسفروها
عاد يوم جتنا قالت سفرتها واعطيتها العلاج بعد تقول علاج قلنا يضحكن
عليك ورحنا وحاولنا وحاولنااننا ناخذ رقم اللي كانت عندهم بلبنان
وبالواسطات والعنه خذينا الرقم ودقيت انا وردت علي صاحب البيت
وقلت لها عن خدامتهم وسالتها هل فيه احد انمرض ولا صار شي
لكم بعد ماراحت قالت هي ايوه ولدي قلت وش فيه قالت صار مقعد
بس ماكان طبيعي وكان من افضل طلاب المدارس وعمره 9 سنوات
وجنا ميرنقولها السالفه وهي انجنت قلنا روحي ابحثي عنها لابد ما
تلقينها وسكرت وبعد 7 شهور كنت نايمه ويوم قمت لقيتها داقه 8
مرات وانا اجي وادق عليها وهي تبكي وتتشكر وتقول لقتها وفعلا
طلع سحر المهم انا ما اخذت التفاصيل وكان السحر معها وقالت فيه كذا
وفيه كذا قلت ايه والورقة فعلا طلعت حقت ولدها ايام الدراسة وقالت ابي
شيخ يفك السحر والله وانا اعطيها ارقام شيوخ في الرياض طبعا وبعد فتره
اقل من شهر قالت ان والسحر انفك وصار ولدها يمشي والحمد لله هذا الكلام
وهي بالرياض وقلتلها زورينا في حايل بس قالت ماتقدر تطول واعتذرت
وهي بدورها عزمتنا للحين وحنا متواصلين معها المهم تذكرون الخدامه
الاندونيسيه طبعا سافرت وشفتو ولد اللي كانت تشتغل عندهم طلع ساحر
والعياذ بالله وطبعا سوو له قصاص من سنتين تقريبا وطلع جزء من بيته
كله طلاسم وسحر انا طولت عليكن قرقر قرقر ههههههههههه بس عاد
مو كل الشغالات كذا فيه شغالات تحطينهن ع الجرح يبرى
ومع الف سلامه