مرحبا اخواتي بنات منتدى حواء,,ابغى أطلب منكم طلب وياليت اللي تقدر تساعدني ماتبخل علي بالمساعده,,,
بدخل في الموضوع على طول ,,, شوفوا يالطيبات أنا امرأه موظفه في وظيفه إداريه في مستشفى حكومي ودوامي 9 ساعات في اليوم من الساعه الثامنه صباحا" إلى الخامسه مساء" وهذاهو الشي اللي متعبني وملخبط حياتي خصوصا اني متزوجه من فتره وعلى وشك إنجاب طفلي الأول ،والحسنه الوحيده في وظيفتي انه الراتب كويس ولا العمل كله كرفxكرف يعني ما ابالغ لو أقولكم انه غالبا ماألقى فيه وقت أشرب فيه حاجه حتى لو مويه عاد تخيلوا وأنا حامل وش وضعي:icon810::icon32::freak6::a_smil08::29::11:
والأردى من كذا انه العلاقات بين الموظفات في القسم فيها غيبه ونميمه وحسد على أتفه شي( الله لايبلانا) والصراحه أنا مأحب أشتغل في هالجو ,,, وغيركذا انه بعد هالدوام الطويل أرجع للبيت زي الجثه الهامده ماأقدر اسوي أي شي أو اشتغل في البيت والله أحس إني مقصره كثير في حق بيتي وحق زوجي الله يخليه لي والحمد لله إن زوجي انسان واعي ومتفهم ويراعي ، بس برضوه مايستاهل أكون مقصره معاه بسبب هالدوام ,,, والشي الثاني أنا مستحيييل أقعد في البيت وأترك الوظيفه,,, يعني لو تتوفر لي وظيفه بدل اللي أنافيها بس يكون الدوام ينتهي بالكثير بالكثير الساعه الثانيه ظهرا" والله مأتردد في تركها...
يعني زبدة الكلام أنا أدور وظيفه بديله يكون دوامها زي ماذكرت بالكثير إلى الساعه الثانيه ظهرا" هذا أهم شي عندي ،و الراتب مايقل عن 4000 أو 4500 ، الخميس والجمعه تكون عطله مافيها دوام،ويفضل تكون وظيفه في مدرسه يعني مشرفه أو إداريه.
ومؤهلاتي هي: شهاده جامعيه من جامعة الملك سعود كلية العلوم الإداريه لعام1424-1425 ، دوره ثلاثة شهور في الحاسب وإدخال البيانات والنصوص ، دورة سكرتاريه ثلاثة شهور ،خبره مدة ثلاث سنوات من خلال وظيفتي الحاليه,,,
الله يخليكم يابنات ساعدوني باللي تقدرون عليه أي مساعده لاتبخلون بها والله تفرجون بها على أختكم ،قولولي وين ممكن أقدم أوراقي فيه أي مكان بس مايكون مستشفى وين ممكن أحصل طلبي ، أوحتى لو تدلوني على مواقع للتوظيف في النت ، وأرجو من أي وحده تسمع أو تقرا عن طلب موظفه إداريه من أي جهه تكتب لي رد في هالموضوع والله ماراح أنساها لها وراح أدعيلها إن الله يوفقها وييسر لها أمورها,,, والله يوفق الجميع,,, وآآآآآسفه على الإطاله.
روعة التوت @roaa_altot
عضوة جديدة
يلزم عليك تسجيل الدخول أولًا لكتابة تعليق.
الحل والترحال
•
والله امسكي وظيفتك لان هالوقت مافيه وظايف فمابالك نتشرط
الصفحة الأخيرة