عاااااااااااااااااااجل

عزيزتي بنت عز
انا عندي نصيحة وحدة لكنها مهمة ....... لا تطبقين كل النصايح الللي تسمعينها من الحريم على زوجك لأن أزواجهم لهم شخصيات مختلفة عن زوجك ..... يعني اللي يمشي عند ازواجهم يمكن ما يمشي عند زوجك و العكس صحيح ...... و انتي مع الوقت راح تتعلمين تلقائيا كيف تتعاملين معاه راح تتعرفين على شخصيته مع الوقت وهو بعد راح يتعرف على شغصيتك ويتعلم كيف يتعامل معاها تلقائيا بالتدريج مع الوقت ..... و على فكرة انا من تجربتي اول سنة زواج دائما فيها مشاكل كثيرة ..... لا تحكمين على حياتك الزوجية ن أول سنة .... انتظري شوي ومع الوقت راح تلاحظين ان المشاكل تقل بالتدريج وحتى زوجك راح يلين شوي مع الوقت وانتي بعد راح تلينين شوي.......وتذكري ان التنازل يجي من الطرفين مرة انتي ومرة هو ....و تذكري ان الحياة أخذ وعطا ...... هذا كل اللي عندي حاليا

الله يوفقك مع زوجك ويسعدكم ..... وان شاء الله أكون أفدتك

مشكوره ياسديم الله يوفقك ويسعدك

ليش كذا بس وحده ترد

عشان فيه نصح وارشاد ومافيه فساتين ولاذهب ولاخرابيط ثانيه هاذي اتكلمتو فيها كثير ميب نافعتنا الملابس اذا تطلقنا بسبب قلة التوعية
ماهقيتها منكم ياحريييييييييم حوى

ياحبي لجدتك والله ان هالكبار هم البركه في حياتنا وكلامهم دائما يكون صحيح ميه في الميه لانه ماجا من فراغ هاذي خبررررررة سنين طويله والمشكله مانحس بقيمة نصايحهم الا بعدين اللي اقدر انصحك فيه ومن واقع تجربه
1- الزواج مسؤليه ومو مثل ماتتخيله اكثر البنات ان الزواج طلعات وتمشيات لا الزواج اكبر من كذا.
2-في بداية الزواج راح تكون هناك مشاكل كثيره لان كل واحد متربي تربيه تختلف عن الثاني وكل واحد يحس نفسه هو الصح عشان كذا الصبر مهم مهم مهم عشان تفهمين زوجك ويفهمك وتعرفون تتعاملون مع بعض والغالب ان المراءه هي اللي تتنازل اكثر وكل شيء بأجره ان شاء الله
اعرف لك وحده كانت بمشاكل مع زوجها وتقول:مافهمته وعرفت اتعامل معه الا بعد خمس سنين والحين زوجها ماشاء الله يحبها ومتعلق فيها مررره لانها عرفت طبعه وش يحب وش يكره.
3- زوجك مهما كان فيه عيوب لازم تكونين ستر وغطا عليه ولا تحكين لاهلك عن عيوبه ابد ابد بالعكس دايم اذكري محاسنه عندهم لانك لو ذميتيه راح يفقد احترام اهلك ولان الناس ماتنسى وهذا
مهما كان زوجك وابو عيالك .
4- الزواج فيه خطوط حمرا لايمكن الواحد يتعداها سواء من طرفك او طرفه مثل الضرب انا ضد انه يمد يده عليك (الا في حدود الشرع) وخصوصا على شي تافه هذا الشي ماينسكت عليه ابد ولو لاقدر الله صار لازم تكون ردة فعلك قويه عشان مايكررها
5- اهل زوجك لو عاملوك اسوء معامله لا تذكرينهم بشي شين قدام زوجك ابدا ابدا ابدا حتى لو كانوا هم الغلطانين.
6- خلي دمعتك غاليه ماتنزل الا على شي كبير عشان يكون لها اثر على زوجك لانك لو بكيتي على الطالعه والنازله ماراح يعبرك وراح يتبلد احساسه وبيقول اكيد دمووووووع التماسيح.
7- الرجال يحب يحس ان زوجته تفتقر له وانها بدونه ولاشي دايم اثني عليه وحسسيه برجولته وقوامته وتذكري ان الرجال يكره الحرمه القويه والمسترجله.
8- لازم تكونين له عون على طاعه الله وتحثينه عليها وعلى بر والديه .
9- لازم تهتمين بمظهرك ولايشوف منك شي مايسره اما كلام جدتك لاتلبسين عنده عاري (عشان مايقول عنك ماتستحي ذي) لا عادي البسي اللي يعجبك عشان تملين عين زوجك .
هذا اللي اذكره واحتسبي الاجر في معاملتك مع زوجك والله يوفقك ويسعدك في حياتك واذا احتجتي اي شي انا في الخدمه.

هلا اختي الله يوفقك بزواجك ويرحم امك ويخلي لك جدتك
شوفي هنا قسم الازياء ابحثي بقسم الحياة الاسرية ومابيقصرون معك كل شيء بتلقينه ان شاء الله (ما ادري بس اتوقع)



كلام الجدات (الله يرحم جدتي عين العقل ) وصالح لكل زمان ومكان

1- لاترفعين صوتك على زوجك ((( لو رفعتيه صرتي بدون انوثه ونعومه كوني بريئه مو مسترجله )))

2- لايسمع منك كلمة( لا )حتى لو على شي انتي رافضته .. (((ارفضي بزعل بتكشير كلمة لا قووية مثل على اختك تقولين لا اكيد عليه قوية (اتوقع) وبيقول قوية هذي )))

3-لاتزعلينه واذاو زعل راضيه حتى لو هو الغلطان (( خلي الغلط منه امسكي تصرفاتك وهذي مستحيله اظن بس حاولي واذا زعل راضيه وبعدين ازعلي ))) خخخخ ياشيني بس

4- لو ضربك لاتعلمين احد (وهو ترى يحقله يضربك لانك زوجته) ان شاء الله مايضربك

5- لاتلبسين عنده عاري (عشان مايقول عنك ماتستحي ذي) (( لاتصيرين مشفوحه لاتتعرين من اولها بيقول عنك كذا اكيد )))

ودعواتك

ايلاف
بنت المشاعر مشكورين والله ريحتوني
وهديتو النفسيه شوي<< وحده متوتره ونفسيتها في الحضيض