عاااااااااااااااااجل: الحقي عمرتس...تعالي شوفي وش يصير.. انتبهي..ضروووووووووري

اخواتي؟ مساء الورد والفل والمسك والكادي..

اخباركم ياحبني لكم..

اخواتي مااحب المقدمات
مالكم بالطويله...

اخواتي؟ خذوها مني نصيحه وخليها براستس..


اخواتي وخااااااااااصه المتوظفات ترى محد بالدوام راح ينفعتس..
الا اللي تخاف الله وعندها امانه..

سالفتي ياطويلات العمر.... خاصه للمتوظفات...


الحين المتوظفات اول ماتجي للدوام لازم تكتب وقت حظورها الساعه كم بالضبط... ووقت انصرافها...

واحيان المديره تخلي وحده مسؤله عن كتابه الوقت لكل موظفه...



يااختي في ناس تكتب وقت حظورها للشغل سواء مدرسه مستشفى اي مكان شغل تكتب بالساعه والدقيقه اللي جات فيها بالظبط..



واحيان بعض الموظفات الله يهديهم تجي مثال الساعه 7 صباح تروح تكتب انها جاءت 6.30 علشان مايخصمون عليها...



اختي ياللي تسوين هالحركه خااااااااافي الله...خافي الله...


اذا المديره ماتشوفتس الله يشوفتس.... ليه ماتكونين صادزه مع الله ومع نفستس وتكتبين الوقت الصحيح بالظبط اللي جيتيه فيه بالظبط.


ليه خفتي من المديره ولاخفتي من الله..؟؟؟

ليه تخلين الله اهون الناظرين لتس....

وبعدين ليه تخلين شي بذمتس.... اليوم اللي تاخرتي فيه اكتبي اني تاخرت وقولي للمديره ضرفتس...مو تكتبين
6.30 وانتي جايه 7...علشان ماينخصم عليتس.... لو انتي ماقلتي الصدز.. والمديره ماسجلت عليتس الخصم وهي اساسا ماتدري عنه... يااختي حرام...والمال اللي مانخصم منتس بسبب تاخير يعتبر حرام....لانتس كذبتي علشان ماينخصم عليتس.... كذبتي على الله على شان كم قرش...وين الامانه وين الخوف من الله...

لها الدرجه خليتي الله اهون الناظرين لتس علشان قروش تروح وتجي؟؟؟؟؟

خنتي امانتس علشان فلوس؟؟؟

ياويل قلبي وياشيب عيني تبعين الاخره بالدنياء... ياحسافه..

ابيع امانتي وذمتي وضميري علشان الراتب يجيني كامل وانا اساسا استحق الخصم ومابينت للمديره.؟؟؟؟؟ عجيب والله وشلون هالمال اللي مفروض ينخصم وشلون اكل منه وشلون اشتري لي خبز بهالفلوس وشلون اشتري لي ملابس واي شي من مال مفروض ينخصم...


هالمال اللي مفروض ينخصم ترى حرام...


وفي بعض الاخوات المديره تخليها مسؤله تكتب اوقات حضور الموظفات...

وهالمسؤله احيان تجامل صديقاتها وماتكتب لهم تاخير اذا تاخروا علشان هم ربعها وصديقاتها...
وغير صديقاتها تحاسبهم على الدقيقه والثانيه.... ياويل قلبي وياشيب عيني لا لا مااصدق في احد تسذا... الله لايبلانا..

وين الامانه وين الخوف من الله...
ماراح تاخذين من الدنياء الا عملتس الصالح...

مردي ومردتس لقبر متر في متر...

اما روضه من رياض الجنه او حفره من حفر النار...
اسال الله ان يجعل قبورنا روضه من رياض الجنه...



هالفلوس اللي تاخذينها وانتي اساسا متاخره والمديره مادرت عنها يااختي صدقيني انتي امام الله وخلقه مسؤله يوم القيامه....


في ناس همها الفلوس تاخذها سواء كانت عن طريق حلال او حرام...

اهم شي عندها الفلوس..

تبيع الامانه والذمه والضمير علشان كم قرش... اعوذ بالله الله لايبلانا.... انام على رصيف بارد في عز الثلج ولا اشتري لي بطانيه من مال حرام....


وانام على رصيف بالشمس عز القايله ولااشتري لهم مكيف بمال حرام...

اكل كسره خبزه يابسه وماي حار ازين لي من بوفيه ماكولات كامل ومشروبات من مال حرام



يالييييييييييييييييت يااخواتي من اليوم تعاهدون الله انكم تقولون الحق بوقت انصرافكم وحضوركم بالظبط... وياليت انتي يااختي المسؤله

تحطين الجميع كلهم سواسيه...مو تظلمين احد على حساب احد...

الكل تعطينه حقه...

صديقتس اللي الروح بالروح حاسبيها مثل ماتحاسبين غيرها...


هالصديقه ماراح تنفعتس ابد....

ورانا كلنا حساب ورانا يوم القيامه يوم لاينفع مال ولابنون...


صدقيني يااختي المال مو كل شي بالدنياء



الامانه صدقيني ان كان عندتس امانه راح تشوفين الخير....وترتاحين...


تذكري ان الله عرض الامانه على السموات والارض والجبال علشان يحملونها...لكنهم رفضوا يحملونها....

وحملها الانسان..


يااختي ادي الامانه سواء لتس او عليتس...

اي عمل تسوينه تذكري ان الله من فوق 7 سموات يطالع فيتس..


عطي الموظفات حقوقهم..

اللي تتاخر اكتبي تتاخر حتى لو كنتي انتي متاخره اكتبي انا متاخره...

واللي تجي بوقتها اكتبي بوقتها ...
هذي امانه وكوني قدها...

منتي قد الامانه قولي للمديره هذي امانه وماابي اتحملها...
رضى الله فوق كل شي....

ياويل قلبي وشلون تنامين الليل وانتي خاينه امانتس علشان صديقاتس اللي يتاخرون وتكتبين لهم حضور بدري....وشلون تساوينهم بغيرهم....


وانتي يااختي اللي تكتبين حظورتس نصيحه مني لتس قولي الحق ولو على نفستس..
حطي راستس على المخده ومافي شي بذمتس ونامي مرتاحه.

وفي اخوات ماشاءالله عليهم فيهم صدز وامانه واخلاص تقول الحق لو على نفسها...


ياليت يااخواتي مانضيع امانتنا على شان دنياء وعلشان كم قرش...


سبحانك اللهم وبحمدك اشهد ان لااله الا انت استغفرك واتوب اليك...

ياليت ياخوات تتفاعلون مع الموضوع وترسلونه ايميل.....