صباح الخيرات والمسراااااااات..
كل عام وانتم بخير..تقبل الله اعمالنا..
اخواتي كيفكم؟
مالكم بالطويله..
اليوم رابع العيد..الله يجعل ايامنا كلها اعياد..
اخواتي كلكم عارفين ان رمضان راح..
واكيد كل وحده عملت خير وواجب. من صيام وصلاه وقيام وصدقه ودعاء واستغفار وتهليل وتكبير ونصح..وكل خير.. انتهى رمضان..
اختي انا انصحتس نصيحه لوجه الله انتس تستمرين على فعل الخير مهما كان برمضان اوغيره..لاتخربيييييين اللي سويتيه برمضان..حرام تبنين من جهه وتهدمين من جهه.. استمري على فعل الخير..جاهدي نفسس..اتركي كل شي يغضب الله..
اتركي كل المعاصي..وخاصه الغييييييبه وماادراك مالغيبه؟
انتو عارفين مجتمع الحريم اغلبه غيبه سواء في مجلس او مدرسه او طلعه او جلسه على البحر او مع االاخوات..
اختي انا وحده قررت من اليوم اترك الغيبه لوجه الله..حراااااااااام تغتبين احد.. هل ترضين احد يتكلم فيتس..؟
وش لتس بالمعاصي والذنوب.. الله قال" ولايغتب بعضكم بعضا.ايحب احدكم ان ياكل لحم اخيه" الايه..
وربي حرام..اجل وش فايده كل يوم استغفر وبعدين اغتاب..؟مو حرام كذا اناقض نفسي..اتركوا الغيبه لوجه الله.. ولاتنسين اذا رديتي عن عرض احد الله يرد النار عنتس يوم القيامه..
ربي ماقال من جاهد وراح للجهاد يقاتل راح ارد عنه النار.. قال اللي يرد عن عرض اخيه ارد عنه النار يوم القيامه..
شفتي كيف الغيبه معصيه كبيره؟
اللي يسير يااخوات فسي سوالفنا من نميمه او فتنه او غيبه ترى مايرضي لا الله ولارسوله..ابليس وربعه لاتخلين لهم مجال في حياتس.. اتقي الله..انا انصحكم مو اني ملتزمه انا التزامي اقل من متوسط لكن فكرت في نفسي قلت بترك اي شي يغضب الله..ابي الخير ابي الراحه ابي الاجر..
الله يقول"مااصبكم من مصيبه فبما كسبت ايدكم"
خافي الله..كوني انسانه داله على الخير.. هل انتي شبعانه حسنات وااجر.. يجن جنوني من بعض الاخوات تستغفر من جهه وتغتاب من جهه..يااختي انتي تلعبين على نفسس..؟؟بالله فهميني.
اللي عملتيه برمضان حافضي عليه؟؟ وزيدي واكثر..
من الاشياء اللي قررت اسويها اني اترك الغيبه واصلي النوافل ابي الاجر ابي رضى الله..ان كان عندس يااختي معاصي اتركيها لوجه الله..
=على فكره من علامات قبول عملتس برمضان انتس تقبلين على فعل الخير بعد رمضان وتستمرين فعل كل خير..
خلونا نشجع بعض..يالله من تبدى معي من اليوم..
قررت اترك الغيبه واصلي النوافل ..يالله من تبدى معي؟؟
بسم الله وعلى بركه الله..
انا رقم 1 من رقم 2..؟ والى الاخر..
لمسه دفى @lmsh_df
محررة فضية
يلزم عليك تسجيل الدخول أولًا لكتابة تعليق.
الصفحة الأخيرة
جزاك ربي خير ع التشجيع وربي يثبتنا