صباح الورد والفل والكادي.
ياهلا وغلا فيكم فديتكم..
مالكم بالطويله..
اخواتي انتوا عارفين ماباقي الا شي بسيط على العيد..اسال الله ان يبلغنا اياه جميعا..
المهم انتو عارفين الحلويات وكيف لازم تكون مهمه بالعيد يعني لازم موجوده..وغير تسذا الدعايات حقت الحلويات..ولازم الكاكاو يكون موجود..
اخواتي في كثيييييييييييييير من الاسر فقراء ومو قادرين يشترون على قدهم وخاطرهم بهالشي واكثر بس ماعندهم.. تلاقين بزرانهم يشوفون الحلى بالتلفزيون ع حزه العيد وياخذون بخاطرهم من يشتري لهم.. شي يقطع القلب.. ويشوفون غيرهم من العيال اللي بشارع او مكان معهم هالكاكاو وغيره..
انا اقترح اقترااااااااااح يااخواتي ان كل وحده تدفع مثال قيمه علبه الحلو وتعطيه المبره والجمعيات الخيريه او الاسر المحتاجه.. ترى علبه جواهر جلكسي 45 ريال وفي 19 ريال وفي ماكنتوش 35 ريال ..يعني 100 ريال كم تجيب لتس علبه..وآآه كم تاخذين من الاجر لا وفي رمضان..اخواتي وش رايكم كل وحده منا تعطي اخوها والا زوجها او اللي عندها وتقول اشتر للفقراء ورح وده للمبره او الجمعيه الخيريه..وانتي بكيفتس تبين 100 ريال او اكثر..
والله يااخواتي هذا الخير من جد.. خلاص مابقى بالعمر كثر ماراح.. ارسمي البسمه على شفاه الاطفال واشتري لهم,, فلوسنا تروح مطاعم وشحن بطايق وملابس,, خلونا نسوي هالشي لوجه الله.. يمكن الله يفتح عليتس ابواب مسكره من سنين..
هذا الشي بتلاقينه عند الله يوم القيامه..
الرسول صلى الله عليه وسلم.. شراء ذبيحه او جاته..ماعليش بقول بالمفهوم المهم قال لعائشه وزيعها على الناس..عائشه رضي الله عنها وزعتها كلها الا الكتف,,يوم جاء الرسول قال لها وش باقي من الذبيحه قالت الكتف والباقي وزعته على الناس.. قال الرسول بقيت كلها وراح كتفها..يعني اللي وزعتيه هو الباقي..
ربي يشهد اني موموظفه بس بحاول ادبر اخلي شي لي لوجه الله يوم القيامه..واذا ماعندك تقاططو انتي والاهل.. العمل مضااااااااااااااااااااااعف برمضان..
يالله بسم الله من يبدى معي ينوي يشتري علبه حلويات او اني ارسل البلغ للمبره او الجمعيات الخيريه لوجه الله..
اللهم حقق كل امال واماني كل من تبدى معي...
اذكروا الله..صلوا على محمد..سبحان الله وبحمده سبحان الله العظيم..
يالله بسم الله انا نويت انا رقم 1؟؟
من رقم 2؟
لمسه دفى @lmsh_df
محررة فضية
يلزم عليك تسجيل الدخول أولًا لكتابة تعليق.
اموره الدلوعة
•
انا 2
الله يجزاك كل خير يازين كلامك أنا رقم 3وفككرتك اروع ماشاء الله عليك
بس ياليت تدلونا على ناس كذا انا من جده ومانعرف عوائل كذا محتاجه
وممكن سؤال معليش وش معنى مبره؟؟؟؟
بس ياليت تدلونا على ناس كذا انا من جده ومانعرف عوائل كذا محتاجه
وممكن سؤال معليش وش معنى مبره؟؟؟؟
الصفحة الأخيرة