فتاة الإمارات :

غاليتي اللي فهمته من كلامج أن ريلج فيه خير دام أنه محافظ عالصلاة وقراءة القرآن ويحبج ويعاملج زين فعشان جذي أنصحج من كل قلبي أنج ما تتهورين في التعامل معاه خاصة وأن له قابلية أنه يسمع منج خذيه بالمسايس حاولي قد ما تقدرين أنج تأثرين عليه ... وفي وحدة من الأخوات نصحتج بشريط يوسف الصالح وصدقيني بيتأثر منه .. لأن أسلوبه قوي ويعرف للشباب اللي تحت العشرين واللي بالثلاثين وهو عنده ثلاث أشرطة وكلهم تقريبا نفس الموضوع .. الشريط الأول (هذه قصتي) يقول فيه قصته من البداية للنهاية <<< وأعتقد هذا اللي بيأثر على ريلج والثاني (اسأل مجرب )يتكلم عن أمثلة وقصص غيره بصفته معالج بمستشفى الأمل ويتكلم عن الحالات اللي مرت عليه. والثالث (شباب رايح وين) تقريبا نفس الثاني .. أن فيه قصص وعبر .... بس يعني أكثر وأحب أقولج أختي استمري بالدعاء له في الهداية وبالأخص في الثلث الأخير من الليل تعمدي لو مرة وحدة أنج اتصلين قيام الليل في غرفتكم ... ادعيله من كل قلبج أن الله يهديه خله يحس ويشوف ويسمع بنفسه منج .. عشان يحس بغلطته ويعرف مدى جريمته وأن السالفة مب بس وناسة وخلاص. وإذا صار والله منّ عليه بالهداية أنتي بنفسج قوليله يبلغ عن ربعه ساس البلى وإذا ما طاع حاولي قد ما تقدرين أنج تعرفين عنوان الشقة واتبلغين عليهم على أساس أنج فاعلة خير وبجذي راح تنتهي أمورج بخير وما بتأذين ريلج أو تمسينه.. أهم شي حبيبتي صدق النية في الدعاء والنصح برفق وبتأثير

غاليتي اللي فهمته من كلامج أن ريلج فيه خير دام أنه محافظ عالصلاة وقراءة القرآن ويحبج ويعاملج...