عاااااااااجل00لمدة أسبوع

اختي..اولا الف الف مبروك..
ثانيا احلى شي البساطه..
اعملي الديكور بنفسك..روحي محلات القماش الرخيصه مره مره مره تلاقين شيفونات المتر ب5 ريال
وفيه ب3 ريال غطي الغرفه اللي بتسوين فيها الحفل ويفضل يكون مافيها اثاث((عالبلاطه فاضيه))

غطيها بالشيفونات الملونه او جيبي لك تغليف هدايا فضي او اسود او حتى قصدير وانتي وابداعك غطي الجدران حقت الغرفه اللي بتحطين فيها الحفله الكيك والاكل عرفتي؟؟

لو تروحين ((ابوريالين)) تلاقين العجب العجاب..

بالنسبه للارض سجاده كبيرة او سجادتين صغار كفايه..ووزعي مراتب اسفنج عالارض او مخدات اللي تكون دائريه او مربعه..يجلسون عليها البنات..

اذا عندك طاوله مستطيله ممكن تحطينها بزاويه الغرفه للاكل((بوفيه)) تحطين عليها العصاير والبطاطس الشيبس والسلطات والغازيات والماء((زينيها بالورد المجفف والاصداف برضه محلات ابوريالين)) ..وطاوله ثانيه تدخلينها وقت تقطيع الكيك تحطينها بالوسط احلى..
واذا تحبون ممكن تحطين مسجل بزاويه الغرفه واشرطه طق اسلامي((تلاقنيها بالتسجيلات))عشان تنبسطون..
خلي الحفله سبور بدون قهوه وشاي خليها عصاير وايسكريم :)
---
فيه بقسم الطبخ كيك بالبسكويت تجنننننننننننن لاتفوتك اسالي عنها..
وبالنسبه للحلويات فيه حاجات سهله زي مثلا لو تجيبين كيك اللي فيه مربى الجاهز وتقطعينه وتحطين عليه خلطه ((جبن كيري ونستله))) او ((شوكولاته سائله جالكسي))
وعندك الكيك الاسفنجي لو تسوينه وتحشين الكيكه بالمنتصف بعد ماتنضج بالمربى او الدريم ويب
او الشوكولاته..

فيه برضه طريقه الميلك شيك تلقينها بالمنتدى بقسم الطبخ رووعه احس..
---
فيه خلطه للسلطه :
زبادي((حسب عدد المعازيم الكميه علب))+نعناع مجفف مطحون+ عصيرليمون حسب الرغبه+
1 حبه جبن كيري او مثلثات لكل علبه زبادي(حسب عدد العلب يكون عدد الجبن)+ثوم مطحون+فلفل اسود ذرة بسيطه نكهه بس+فلفل ابيض(ان وجد)..
هذي تستعملينها مع السلطه الخيار والزبادي او مع السلطه البقوليات او مع سلطه المعكرونه انتي ورغبتك..
وانا شخصيا اموووووووووووت عليها مع الشيبس البطاطس(( لييز)) او ((تسالي)) تغطين فيها وتاكلين الشيبس كلمة خيال طعمها شويه عليها..
---
اللي يعجبك من افكاري حلال عليك..واذا ماعجبك حلليني عالاطاله..
..والخاص مفتوح لك بأي وقت لأي استفسار

مشكووووووووووووووووووورة
أختي انوار العمر
كفيتي ووفيتي أفكار وإقتراحات شيك تسلميييييييييييييين
الله يوفقك وين مارحتي
وينكم يابنات حواء وين الردود

اجبروا بخاطري ردوا يابنات