عااااااااجل :داخله على الله ثم عليكم لاتردوني

السلام عليكم ورحمة الله وبركاته
حبيباتي انا طالبة شوركم بهالمسالة بخصوص صديقتي وماخاب من استشار وعدوني مقام اختكم الله يسعدكم ويكتب لكم الأجر
المشكلة صديقتي كانت تعرف بنت من ايام الثانوي هذي البنت كانت تحكيها عن واحد تقول انه خطيبها وكانت تتصل بصديقتي وهو عندها الى الحين تمام بعد فتره انقطعت بسبب مشكلة طلاق امها
صديقتي كلمتها وصدفة سألتها عن خطيبها ومتى حتتزوج فقامت البنت تبكي وتقول انها كانت تكذب عليها وانه صاحبها تعرفت عليه من فتره وانها تركته
صديقتي صدقتها لكن بعد فتره اتصل عليها رقم غريب ومن عادة صديقتي ان الرقم الغريب تفتح الخط وتسكت اذا بنت تتكلم واذا ولد تقفل وماترد عليه ابدا
المهم طلع صاحب هالبنت والبنت معاه انصدمت منها وقاطعتها المشكلة الرقم طفشها من اكثر من سنة وهو يتصل ومايأس الله يهد حيله
صديقتي فهمت اختها الموضوع واعطت زوج اختها الرقم وكلمه وهدده لكن يابنات مافي فايدة فترة ورجع مثل اول
قامت صديقتي تفتح الخط عشان رصيده يخلص ويطفش فقام يهددها ويناديها باسمها ويقول كلام قذر مثله ويتصل عليها من اكثر من رقم
كلمت هذي البنت وهددتها فقالت لها انها تركته تكذب طبعا لأن صوتها عنده وقت مايدق
صديقتي طفشت وهي خايفة انها تأذيها وزوج اختها متخاصم مع اختها وماتقدر تعطيه الرقم مرة ثانيه واخوها مره بعيد عنها وماتقدر تفهمه الوضع عصبي ومايفهم ابدا وهي تخاف ان يأذيها حتى بعد زواجها صعب تشرح لزوجها من بدايتها ( عرف من هالبنت انها انخطبت فزاد تهديده)
بنات شوروا علي ايش انصحها مرة متوتره ونفسيتها تعبت بالذات بعد ماكثرت الارقام اللي تتصل عليها لأنه قالها حوزع الرقم
يعني مين يقدر يوقفه عند حده ممكن تكلم شركة الاتصالات وايش تقول ومين تكلم902 ممكن
او الهيئه بس ماتعرف ارقامها
انا فكرت اكلم شيخ واعطيه الرقم بس احسها صعبة شوي كيف اكلمه وبيستحمل اقوله على الحكاية وكمان احس المشايخ مشغولين باشياء اعظم الله يقويهم
ايش رايكم بنات شوروا علي ايش انصحها ولاتنسون من فرج عن اخيه المسلم كربة فرج الله عنه من كرب يوم القيامة
الله يساعدكم ساعدوها لو بدعوه الله يفرج همومكم ماتتخيلون قد ايه الموضوع مسببلها قلق بالذات جوالها غالبا على الصامت من بعده
اللهم رد كيده في نحره اللهم آآآآآآآآآآآآمين
اسفة على الاطالة بس حبيت اوضح القصة من بدايتها حتى تقدروا تساعدوها
الله ينولكم اللي ببالكم ردوا ولاتتاخرون