عااااااااجل …. صالون مغشووووش….. اعداااااام الشعر …. نصيحة من قلب محب وطلب مشورة

السلام عليكم ورحمة الله وبركاته… كيفكم بنات … وحشتوني بجنون
بس كنت حابه أرجع وأسلم عليكم بظرف أحسن من كذا لكن قدر الله وما شاء فعل

السالفة باختصار…انا كنت في بيروت الاسبوع الماضي… وحبيت قبل ارجع أصبغ شعري… رحت سألت عن أحسن الصالونات فقالوا لي مالك الا باتشيولوتشي الي في الأنتر أو صالون فهد الي بالشويفات….وكلهم سمعتهم عالمية وزباينهم من الفنانات وكبار الشخصيات…. المهم…. رحت عشان اتفق معهم لقيتهم تعجبوا من لون شعري لانه اسود على احمر وقال يعني ياخذ وقت على بال ماينزلون اللون والسعر كان خيالي (الأول يبي 200 دولار والثاني يقول 280 دولار)
قلت لنفسي بلا صبغة بلا هم…. شوي الا يلفت نظري صالون اسمه بيوتي ليدي موجود في عاليه والي تشتغل فيه وحده بلا ضمير اسمها لينا… دخلت اشوف الي عندها فقامت تغريني بالصبغة وتكلمني عن خبرتها الي تجاوزت ال24 سنة وان شغلها على مستوى وماتبي اكثر من 70 دولار على الصبغ والهايلايت

من غبائي وسوء حظي وافقتها وجلست وثواني الا تأخذ كريم ابيض تبي تحطه على رأسي أسالها ايش هذا؟؟ تقول ماعليك اهم شيء النتيجة
ما اخفي عليكم يا جماعة الخير…. عشر دقايق الا راسي يغلي حار حار حار نااااااار جلست اصرخ واصرخ لحد ماغسلته…. لقيت شعري صار ابيـــــــــض أبيـــــــــض تماااااااااااامااااااا …. متخيلين كيف ؟؟
اثاريها المجرمة عملت لي ديكباج ونزعت لي الشعر عشان تلون الخصل المحترقة الي بقت.... ورب البيت ان شعري كان اسود فاحم وناااااااااااعم الى خصري وفجأة القاه ابيض مثل الليف يابس عجيب
عصبت …. ثرت…. الا تقول هذا شيء ضروري ودايم يصير كذا ولا تهتمين وانا كل يوم اعمل هالطريقة وتضبط وكل الفنانات كذا وووو …. وانا طبعا بقلة خبرتي وعدم معرفتي جلست وبدت تصبغ لي شعري بني والخصل تنشف بزيادة….. لحد ما حطت الهاي لايت الثلجي…. بعدها صار شعري مثل المطـــــــــــــاااااااااااااااااااااااط وربي مطااااااااااط يتسحب

يعني ذااااااااااااب شعري …. احترق تماما ….. جلست اهزء وأسب واصيح وانط واصرخ بشكل هستيري
وطلعت ونص شعري شامبو وانا مثل المجنونة …. حرام حرام حرام …. كانت حالتي صعبة ونفسيتي دمار…. حتى وصلت السكن والكل يسأل ايش فيني وانا من صدمة ماني قادرة اتكلم و وجهي صاير مثل الكركم وشعري قاعد يسيح قدام عيني

جتني وحده اعرفها لبنانية جزاها الله الف خير وقالت لي عن خبير ممتاز دقيت عليه وانا اصيح عالتلفون…. نص ساعه وانا عنده…. تروع من الي شافه وقال لي ان هذا اسمه (اعدااااام للشعر) والي اشتغلت علي اكيد مريضة نفسيا او مجنونه…. بعدها عمل لي حمام سيليكون وماسكات وقال لي ضروري اقص شعري وانا من اليأس وافقت وطاح شعري بالمقص وصرت مثل الولد عقب ماكان الكل يشبه شعري بشعر اليسا
وطبعا عطاني كريمات وشامبو خاص ومرطب للشعر بالاخير اخذ مني 300 دولار ….متخيلين كيف؟؟ المبلغ اكثر من الي كنت مستخسرته على نفسي…. سبحان الله!


اخواتي … انا ماقلت قصتي عبث لا والله انا حابه تأخذوني عظة وعبرة …. انتبهوا من المجرمة الي تكلمت لكم عنها…. اصبغوا عند ناس مشهورين بجودتهم او لا تصبغون…. اسألوا قبل أي خطوة تخص شعركم او بشرتكم او أي شيء


وما اخفي عليكم ايش كثر نفسيتي صايره دمرانه…صحيح الشعر ماصار يتمطط ويذوب….بس انه ياااابس كانه بلاستيك ورأسي صاير عشه …. شيء شنيع جعلكم ماتمرون فيه


ماني عارفه ايش اسوي

اخاف احط فيه حناء يقوم ينشف زياده ويجف هذا غير انه بيصير لونه غريب….خايفه احط فيه زيوت واتعب بشطفها وتتأثر الخصل…. صاير مثل الورق

نفسيتي دمار

اسبوعين وانا كل دقيقة اغرق وجهي بدموعي

ما ادري وش الحل

؟