عاااااااجل تجمع معلمات المدارس الأهلية ../ تمنع التجمعات

السلام عليكم ورحمة الله وبركاته

خواتي المعلمات في المدارس الأهلية بصراحة أنا ودي نسوي تجمع من خلاله نقدر نوصل معاناتنا و مشاكلنا التي نواجهها في المدارس الخاصه للمسؤولين صدقوني يا بنات إنه المسؤولين مايدرون عن معاناتنا في المدارس الأهلية عشان كذا لازم نوحد كلمتنا و نوضح كل مشاكلنا و همومنا و نطالب بحقوقنا وابي منكم تشاركون في هذا التجمع صدقوني ياجماعه أبو متعب الله يحفظه ماراح يقصر و أنا على ما أعتقد فيه دراسه لا تتجاوز أربعة أشهر بخصوص العاملين في المدارس الخاصه عشان كذا لازم نجتمع ونوحد كلمتنا ونوضح للمسؤولين وش الأشياء الي نبيهم ينفذونها لنا لازم يكون لنا صوت واحد ولا تنسون إنه نفس العمل الي نسويه نفس معلمين ومعلمات الحكومي حتى الأنصبه مافيه فرق لذلك نريد ولو جزء بسيط من حقوقنا .........

أول شي تحفظ حقوقنا في المدارس الخاصه .
ثم يكون هناك ألية واضحة في قبول الأعذار يعني مدرسه خاصة وماتقبل عذر طبي من مستشفى خاص ؟؟؟؟؟؟؟؟
تحسين وضع الراتب وزيادته يعني على الأقل مايقل عن أربعة الاف ريال مثلا يكون الفين من صاحب المدرسه و الفين من الموارد.
ان يكون فيه تأمين صحي و بدل نقل .
يكون فيه زيادة كل سنه على الخبرة مثلا مئة ريال .
ان تصرف الرواتب حتى في الإجازات .
حفظ كرامة المعلم و المعلمة في المدارس الخاصة وعدم تحميلهم فوق طاقتهم .
عدم إلغاء عقود المعلمين و المعلمات بدون سبب ووضع عقوبات صارمة لمن يقوم بهذا الفعل .


بانتظار مشاركتكم .........