عاااااجل .. المديره تبي تجبرني اخذ تخصص مو تخصصي !!

السلام عليكم ورحمة الله وبركاته ..


يابنات انا معلمة لغة انجليزية ( بديله لمعلمه أخرى) ومعي معلمة انجليزي ثانيه بنفس المدرسه ..

انا ماسكه ثانوي وهي متوسط ..

اليوم قالت لنا المديره ان حصصنا قليله علشان كذا لازم ناخذ مادتين من العربي !!!!!!!!

مع العلم ان فيه مدرستين عربي ( رسميات ) وحده ماسكه الثانوي والثانيه ماسكه ثاني متوسط بس !!

ولما سألت المديره ليه ماتمسك الباقي؟ قالت لإنه ماخذه منهج الحاسب للثانوي وماسكه حاسب الاداره !!!

تخيلو يابنات معها 8 حصص عربي و6 حصص حاسب وباقي مواد العربي موزعات على المدرسات !! والمديره تبي تمسكنا تخصصها وهي فاضيه لا شغل ولا مشغله بحجة ان شغل الحاسب للإداره عليها !!

ويوم رفضنا قالت لنا المديره لازم توقعون على الرفض !! على فكره معلمة العربي هذي ملسوووووووونه والمديره تخاف منها حييييييييل ..

شرايكم يابنات انا مرتفع ضغطي وهذي اول سنه أدرس لي وبعد بديله يعني لا تعاقد ولا رسمي حتى الاداء الوظيفي ماعندي !! بس شهاده خبره من فتره كذا لفتره كذا !!

عادي يابنات اوقع على الرفض ولا اخاف مايتعاقدون معنا السنين الجايه ؟

ولو يجون الموجهات وش يسوون لي ؟


بنات الله يرضى عليكم ابي الي تجاوب تكون متأكده لأن ابي ارد على المديره وانا واثقه من ردي ..