عاااااجل هل الراينوفد امن للرضع ردوا لاني ببدا استخدمه

باختصار ولدي اللي عمره 11 شهر يعاني من زكام شديد والله ماابالغ صار له شهر مره وصف لي الدكتور فينيستيل نقط ومره الوحده كتبوا لي دواء اسمه فلوميد وبدون اي فايده المشكله الزكام ماثر عليهضعف كثيييير لانه ماقام يرضع دائما انفه مسدود وقطرات الماي والملح مو جايبه نتيجه ..
المهم رحت لصيدليه الدواء لاني ابي فكس قالت مرت اخوي انه ممتاز لودهنت فيه رجوله ولبسته شراب المهم قلت خليني اسال الصيدلي فلمن قصيت له القصه قال اصلا الادويه اللي ذكرتيها للكحه اكثر منها للزكام قالي مافيه زي الراينوفد قلت له ولدي 11 شهر قال عادي اعطيه 1مل 3مرات باليوم طبعا ولاني موسوسه قريت الوصفه من داخل ماذكر انه يستخدم للرضع رغم اني اذكر اني استخدمته لبنتي يوم كانت بسن اخوها ..
فمن باب الاحتياط قلت بسالكم من جربته لطفلها وشرايكم فيه ..
اسال الله العظيم رب العرش العظيم ان يجزي كل من ردت علي الجنه يارب..