عااااجل :كلية التربية بالجبيل وجامعة الأميرمحمدبن فهد يا بنااااات الشرقية

أختي خريجة ثانوي بمعدل 97 أدبي , سجلت في كلية التربية الجبيل تخصص لغة انجليزية و الاربعاء تطلع نتيجة القبول , و اليوم تقول ما تبغى هالكلية لأنها سمعت انها سيئة و الدراسة فيها مثل كلية البنات الدمام , صديقاتها بيسجلوا في جامعة محمد بن فهد الأهلية و هي متشجعة تروحها مع ان رسومها غالية , بس أنا ما شجعتها لأنها تبغى انجليزي وهالجامعة مافيها تخصصات أدبية و أختي مييييح في المواد العلمية, بس فيها تخصصات ممكن تدرسها مع انها فيها كورسات رياضيات :حاسب و تصميم داخلي و ادارة اعمال وهي مو محددة التخصص اللي تبغاه يعني بس تبغى هالجامعة و السلام من كلام الناس عنها انها راقية وعلى مستوى ...مو قادرة أقنعها لأنها شطبت على التربية بالجبيل ... حاولت أقنعها ما تكون سطحية وتفكر بعقلها بس ما قدرت ... خصوصا ان أغلب صديقاتها بيدرسون في محمدبن فهد أو البحرين أو جدة أوبيسافرون مع اخوانهم برة بعثات ..

ياليت بنات اللي عندها فكرة عن كلية التربية وكيف الدراسة فيها وكيف الأستاذات و تعاملهم و المناهج و مستواها بشكل عام , وهل هي بالفعل سيئة مثلما يقولون ؟

و نفس الشي اللي عندها أي فكرة عن جامعة محمد بن فهد ياليت تفيدنا اللي تعرف أحد يدرس فيها تعطيني خبر ....

ومشكورات يالغاليات