السلام عليكم حوائيات,,,,
اخباركم ياحلوات,,,,,
لي اسبوعين مادخلت ولاحتى مسكت اللاب...
صار عندنا زواج أخت زوجي الله يوفقها ويكفيها شر الحسد يارب....وهذي قصتها...
طبعاً البنت عمرها 31 سنة(بداية سن العنوسة) وماتزوجت وهي وحيدة امها وابوها كبنت والباقي كلهم ذكور....
كانت مسكينة تعاني من اب وام مايقدرونها ولاحتى الدلع تسمع به....وفوق ذلك آخر مرة ضربها عمي العام الماضي؟؟؟!!
ودائماً يا فلانه جيبي هاذي ودي هاذي اطبخي كذا ولاتسوين كذا يعني دايم ضغط في ضغط....البنت صارت انطوائية...بس للخدمة تسمع وتنفذ...وكل شىء على راسها وبالذات اذا تجمعت العوائل....لدرجة ان زوجات اخوانها الكبار يوصونها على عيالهم.... ولا يساعدونها آه من بعض الحموات....
أضافة انها انخطبت ثلاث مرات ورفضوا أهلها بحجج سخيفة مرة فلان مايستاهل وفلان فية رغم انهم كويسين..
المهم البنت وللأمانة لما تزوجت أخوها صرت اقرب انسانة لها لأني رحمتها واحترمها واعرف وش اللي لي واللي علي...
بصراحة كانت صابرة ...وراضية في وضعها وكانت دائم محافظة على صلاتها وتصوم الست من شوال وأيام الأثنين والخميس..وأيام البيض..
المهم ربي فرجها خلال ثلاث اشهر كانت الخطبة وملكة وزواج...
تسألوني كيف انخطبت....
البنت كانت عند عمتها وشافتها جارت عمتها واعجبتها ومو نفس القبيلة بعد بس ربك كتب الله يوفقها...
وزوجها ماشاء الله عمره 33 وطبيب الله لايضرها...
وربي احس الأنسان اذا صبر واستعان بالله ربي يوفقه...
لدرجة ماتصدقون اللي صار في موضوع المواعين...
تخليوا يعد ماانخطبت جت عندي الرياض ونزلنا السوق يبون طقم لبيتهم...وأختاروا طقم يهبل خيال ولما رجعنا البيت فكينا الطقم وماطلع هو...وعلى اساس رحلتهم في نفس اليوم ومامدانا نرجعه..وزوجي كسول ولا رده رغم انه غااالي...
المهم يوم طلعنا نرتب اغراضها في شقتها شفنا مطبخها وفجأة ونفس الطقم بالضبط لدرجة ان عمتي(امها)بكت....
وشقة اجمل ماشافت عيني...بسم الله عليها الله لايضرها....
>>>>>القصة للأخوات اللي دخلوا المرحلة هذي لايتضايقون ربي يفرجها بين يوم وليلة بس الواحدة تستعين بالله والقصة هذي وربي واقعة في بيتنا وعشتها<<<<<<
أحلى ايمي @ahl_aymy_1
محررة برونزية
يلزم عليك تسجيل الدخول أولًا لكتابة تعليق.
ماششاء الله تباركـ الرحمن
الله يسعدها ويوفقها ويرضى عليها
الحمدلله
يااارب عوضضني وعوض خواتي وكل بنات المسلمين اللهم امين يااكريم
الله يسعدها ويوفقها ويرضى عليها
الحمدلله
يااارب عوضضني وعوض خواتي وكل بنات المسلمين اللهم امين يااكريم
ماشاءالله تبارك الله
الله يوفق بنات الحلال .... وامر المؤمن كله خير
الله عز وجل مرتب امورنا .. واحنا قاعدين ماعلينا الا ننتظر فرجه
وكل شي في وقته يجي
الله كريم ومايقصر مع عبده .. بس ياليت ماننسى ذكره وحمده وشكره
لا اله الا الله
الله يوفق بنات الحلال .... وامر المؤمن كله خير
الله عز وجل مرتب امورنا .. واحنا قاعدين ماعلينا الا ننتظر فرجه
وكل شي في وقته يجي
الله كريم ومايقصر مع عبده .. بس ياليت ماننسى ذكره وحمده وشكره
لا اله الا الله
الصفحة الأخيرة
مبروووووووووووووووووك
الله يوفقها و يسعدك انتي بعد
لكن لا تبين للناس انها مبسووووطة كثيييير
العين حق