الله يكتبها من نصيبك
ماشاء الله تبارك الله
الحمد لله رب العالمين
الله يوفقك اختي قلب امة و ييسر لك
و كمان ييسر لاختنا ليه الدنيا ما ترحم
الله يوفقك اختي قلب امة و ييسر لك
و كمان ييسر لاختنا ليه الدنيا ما ترحم
الصفحة الأخيرة
الحمد لله أبشررركم كانت المقابلة أكثر من رائعة
والأخت اللي سوت لي المقابلة ريحتني كثيييييير
طريقة أسألتها عفوية وبهدووووء كأنها تتعرف عليا
الله يجزاها خير
بداية قالتلي .. عرفينا عن نفسك ....
طبعا قلتلها اسمي وعمري والدورات اللي أخذتها
بعدين سألتني
كيف سير الحصة عندك؟ بمعنى انو لو عندك حصة كيف حتديريها ؟؟؟
قلتلها مقدمة وتسميع السابق وطبعاً التنويع في طرق التسميع
بعدين تمهيد للدرس الجديد وطبعا تفسير مبسط للايات ومحاورها
ومناقشة حكم تجويدي ووقفات وجدانية بين الايات
بعدين سألتني .. ايش برأيك سبب تأخير الطالبات أو غيابهم عن الحلقة ؟؟
امممممم قلتلها :
أنا برأيي لو الطالبة عرفت فضل القران وأهميته وتأثيره في حياتها ما حتتغيب عن الحلقة
وقلتلها بالنسبة للأطفال .. أهم شي انو المعلمة تكون محبوبة عندهم .. لو حبوها أكيد حيحرصوا على الحضور أكثر
وكمان حوافز ونشاطات وتنافس ومسابقات ... هذا يشجعهم اكثر ووووو .....
سألتني سؤالين في العقيدة ::
** ماهي شروط قبول العمل ؟؟؟
الايمان بالله والعمل الصالح الموافق لشرع محمد صلى الله عليه وسلم والاخلاص في العمل
** هل الهداية تنقسم إلى انواع ؟؟
قسمين : هداية دلالة وارشاد وهداية توفيق من الله سبحانه وتعالى
>> انا بصراحة نسيت القسم الاول بس قلتلها انها قسمين هداية توفيق والثااانية نسيتها خخخخ
قامت قالتلي ربي يسعدها وسألتني السؤال اللي بعده
**ايش أثر هداية الدلالة والارشاد على معلمة القران وفي ايش تستفيد منها مع طالباتها ؟؟
امممممم قلتلها : لو هي مهتدية تقدر المعلمة تفيد طالباتها وتدلهم على الطريق الصحيح وتوجههم وتساعدهم وتنصحهم ووووووو
اممم ايش بعد ؟؟؟؟
ايوة سألتني إيش المرحلة اللي تحسي انك ترتاحي معهم ومقربة الى نفسك ؟؟
قلتلها : الاطفااااال ... ^_^ مشتاقة لطالباتي ومفتقدتهم مرررررة عشان كذا قلتلها الاطفال
بعدين اعطتني مقطعين تلاوة :
سورة البقرة صفحة 21 من اية 137 الى اية 139
وسورة يونس من اية 34 الى اية 36 ... هذي لازم يكون فيها تركيز على التشكيل
والحمد لله قالت انو تلاوتي رااائعة اللهم لك الحمد .. وقالت حترد عليا خلال الايام القادمة
والأهم اني خرجت مبسووووطة ومرتاحة ^_^
بالتوفيق لك اختي ليه الدنيا ماترحم ... ومشكورة على سؤالك ياعسل (: