هلا وغلا ومرحبا..كيفكم اخواتي؟
مالكم بالطويله؟؟؟
اذا الفجر اليوم على طول رحت اصلي.. المهم في الركعه الاولى طبعا قريت الفاتحه وسوره صغيره..وفي السجود كنت ادعي الله يرزقني وادعي..المهم هنا الكلام بركعه الثانيه: قريت الفاتحه و سوره الزلزله.. وانا اقراء جيت عند الايه "يوم اذن يصدر الناس اشتاتا ليرو اعمالهم" اخواتي فز قلبي تذكرت شكل الناس وهم يهربون يوم القيامه يشوفون اعمالهم.. على طول ركعت ثم سجدت في السجود دعيت اسال الله الجنه والمغفره..وين اركعه الاولى بالسجود كنت ادعي لي بالوظيفه والزواج..الحين لا كل شي عن الاخره..خلصت من الصلاه قاعده افكر قلت انا وش قدمت للاخره تذكرت الرسول وهو رسول اللي بيدخل الجنه مع ذلك كانت رجولها فديتها تتورم من العباده او من صلاه الليل ..السوال هنا؟؟ كل وحده تسال نفسها وش قدمت للاخره؟؟؟
هل قدمتي عبايه الكتف والمطرزه والفراشه على مرضات الله..اي نعم عبايه الفراشه حرام سواء كانت واسعه او لا بمجرد وضعها على الكتف حراااااااام.. لاتخدعين نفسك..وغير تسذا المطرزهحرام ليه تزينن الاكمام باالوان ليه؟؟وش الفايده؟؟ ابي افهم..
والتشقير انا سمعت الشيخ المطلق مرتين قال حرام..سمعته بااذني..يااختي اتقي الله..طبعا النمص حرام بعد الكل يعرفه مالا داعي اتكلم..والاغاني بجميع انواعها حرام حرام..اي حرام..والغيبه والحسد والنميمه والفتنه اتركوهل لوجه الله..لبس البنطال حرام الا عند زوجتس..والضيق والمخصر حرام حتى لو كان عند النساء.. اختي ماذا قدمتي للاخره..وكذلك مشاهدات المسلسلات كل ابوها حرااااااااااااام.. من المنبر هذا يااخواتي ادعوكم لترك المعاصي كلها لوجه الله..التزمي الحجاب الشرعي والساتر وعلى الراس..اتقي الله..تذكري ان ملك الموت يمر خمس مرات على الانسان في اليوم ويوميا.. من جد انتبه لاتموتين وانتي تسذا..عزي نفستس بالدين..توبي الى الله..تذكري ان هناك قبر وتذكري هناك حساب وجزاء الى متى وانتي غافله.. واذا احد زعلان عليتس حاولي تراضينه..ام زوجتس اذا مقاطعتها روحي لها سلمي عليها اشتري لها اي شي دهن عود او جلابيه اذا ماعندتس فلوس اخذي من زوجتس..يااختي خلي الخير يجي منتس اذا الناس مافيه خير انتي خلي فيتس خير..ترى هذا كله في ميزان حسناتس..وااخوات زوجتس بعد لو متهاوشه معهم يااختي ارسلس مسج حلو لهم..الرسول يوم دخل مكه عفاء هن الكفار..قال اذهبو فاانتم الطلقاء..يااختي اعفي عن الناس علشان الله يعفي عنتس..الى متى؟ وش لتس ب بالمعاصي والذنوب..تنامين تقومين تروحين تجين تاكلين تطلعين وهالمعاصي بظهرتس الى متى؟ توبي واستغفري..كله لوجه الله وغير تسذا راح يجيك خييييييييييير كثير..
ليه انتشرت الامراض ليه طاحت الاسهم ليه الاسعار ارتفعت ليه المطر مانزل ليه الابل ماتت..كلها من ذنوبكم حرمتوا انفسكم الخير وحرمتو الناس..حتى الابل ماتت صح من الله وحتى من ذنوبكم.. الى متى ارحموا انفسكم..الى متى الغفله..انا باامكاني اروح اسولف مع صديقاتي بالمسن واقول وش دخلني في الناس..لكن الحمدلله انا موتسذا انا ابي لكم الخييييييييييير..صدقوني وربي ابي الخير لكم..ولااوصيكم بالاستغفار والصدقه وصلاه الليل والتسبيح.. من هالمنبر ادعوكم انكم تتركون المعاصي وكل وحده ياليت انها تقول خلاص بتوب من هالشي ومن هالمعصيه وتكتبها تحت علشان نتشجع..وربي هذا الخير.. اذكروا الله صلى على محمد..استغفر الله سبحان الله..
دمتم بود..
لمسه دفى @lmsh_df
محررة فضية
يلزم عليك تسجيل الدخول أولًا لكتابة تعليق.
الله يجزاك خير
والله كلامك يوجع القلب
الغفله وموت القلب عن الخوف من الله وذكر الموت
لو تذكرنا اننا عابرين سبيل بهذي الدنيا وكلها ايام ونتركها ما غرتنا هالدنيا وزخرفها
والله كلامك يوجع القلب
الغفله وموت القلب عن الخوف من الله وذكر الموت
لو تذكرنا اننا عابرين سبيل بهذي الدنيا وكلها ايام ونتركها ما غرتنا هالدنيا وزخرفها
الصفحة الأخيرة
الله يغفر لنا ويقوي إيماننا