عاااجل دقوا عليا اليوم الاشراف شوفوا قصتي ودلوني

اخواتي الحبيبات

أسعد الله أوقاتكم بالرضا وحقق لكم كل أمنياتكم يارب
استعرت معرف صديقتي وتوأم روحي ندى الورد الله لا يخليني منها حبيبتي عشان دايما اقرا لكم ويحدوني الامل انه ممكن الاقي حل لمشكلتي او دعاء صادق من قلوبكم الطيبة
طلع اسمي في الدفعة الاولى الحمد لله ورحت المطابقة وعقدوني في ختم وحدة من شهادات الخبرة لكن ربي لطف وختمتها اليوم اتصلوا علي اشراف المدينة ورحت وانا طايرة من الفرح وفاجئوني انه لازم اثبتت الاقامة شهادات الخبرة فيها بس 7 شهور من السنة اللي يبغوها
1430/1431
انا من مواليد المدينة ومتخرجة من المدينة لكل المراحل متوسط وثنوي وجامعة

المهم الموظفة طالبة شهادة لواحد من اولادي السنة دي الترم الاول والثاني ودي مقدور عليها بس طالبين كمان رخصة محل زوجي مصدقة من الغرفة التجارية لانه فكرت العائلة مكتوب انه تاجر وانا والحمد لله على كل حال توي منفصلة عنه ولا ودي احتاج واكلمه واغلب ظني انه ما حيفزع لي لأنه سبب الطلاق وحدة تزوجها وخربت بيتي ومقسيته علي وعلى اولاده
وانا حدي قرفانة منه ومن مشاكل زواجه ومعمعمتها والحمد لله على كل حال
بالله ما تعرفوا شي اثبت فيه الاقامة من غير طريقه؟

مالي اخوان ذكور واخواتي البنات ما يشتغلوا والوالد متوفي وماهو من مواليد المدينة حتى طليقي اللي لسا مضافة معاه في كرت العائلة مو مولود هنا

محتارة والله وماني عارفة اش اسوي خاصة انه الوظيفة جات فوقتها بعد طلاقي وبتسترني بفضل الله انا واولادي عن الحاجة لابوهم ولا غيره

دلوني الله يفرج كل همومكم