يا هلا حبيبتي و حبايبي كلهم ..

اعذروني طولت .. بس اجازه و ظروفي ما تسمح ادخل النت دايم ..


بالنسبه لسمار المنطقه الحساسه ..
عندي جدول اتبعه و الحمدلله مره مرتاحه عليه ..
هذا الجدول يخلصك بإذن الله من السمار و الالتهابات و الافرازات ..


ملاحظه/ انا تخلصت من السمار تقريبا 40% في المنطقه الحساسه الاماميه ..
و الحساسه الخلفيه تقريبا 87% .. اما الالتهابات و الافرازات الحمدلله تمام التمام مرتاحه الحين ..
ثم وقفته بسبب ظروفي .. و قريبا راح ارجع عليه .. و اذا وصلت 90% راح انزل موضوع كامل عنه بإذن الله ..


الجدول:

- قبل النوم اغسلي المنطقه الحساسه بغسول نسائي مثل كيرفري للاستخدام اليومي ما منه ضرر ..
ثم حطي خلطة البطاطس و الليمون

( حبتين بطاطس نيه مقشره و ليمونه ووحده حطيها بالخلاط لين تصير سايله و عبيها في بخاخ )

- يوميا حطي معقه ملح خشن في غرشة ماء و صبي عليها ماء دافي مايل للحراره و شطفي المنطقه فيها
(حطي علبه بالحمام ملح خشن مطحون)

- بعد الملح الخشن ادهني المنطقه بمخلوط الزيوت ..

(حطي علبه بالحمام فيها مقادير متساويه من زيت الجلسرين - زيت الزيتون - زيت اللوز المر )

ملاحظه/ اذا زيت الزيتون ما يناسبك ممكن تستغنين عنه

- بعد كل مره تدخلين فيها الحمام و انتي بكرامه امسحي المنطقه باسكينول يفضل يكون الخيار
( خلي بالحمام قطن و اسكينول,, ممكن يحرقك شوي لكن بعدها تحسين بانتعااااااش )

- كل يومين خذي ملئ غطا غرشة ماء 3 مرات مغلي البابونج و صبي عليه ماء حار مايل للحراره و تشطفي فيه ..

(مغلي البابونج: كاس بابونج في 3 كاسات ماء بقدر مغلي لمدة 10 دقايق صفيه و حطيه بعلبه بالحمام)

- كل اسبوع خذي ربع كاس مغلي اللافندر (خزامى) و حطيه في طشت(زبديه) و تنقعي فيه مدة ربع ساعه ..

(مغلي اللافندر: نص كاس لافندر في 3 كاسات ماء بقدر مغلي لمدة 10 دقايق صفيه وحطيه بعلبه بالحمام)


ملاحظه/ ايام الدوره الشهريه انا اوقف كل شي ..
طبعا لكوني اتعب وقتها و لكون وقت الدوره يكون الاهتمام اكثره داخلي
من مشروبات حاره و كذا ..

فـ وقت الدوره اوقف الجدول واستعمل فقط مناديل كيرفري بالصبار .. تحسسك بنظافه فظيعه ..




هذا الجدول ينفع للبنات و المتزوجات ..

اتمنى اني قدرت افيدكم ولو شوي ..
موفقيين حبايبي ..

حبيبتي ..
الحكمه اني قلت لك بطاطس لان في نشا كثيييير يساعد في تفتيح البشره الغامقه ..
و ايضا تزيل الهالات السوده من تحت العينين اذا استخدمتيهم كـ كمادات للعينين ..

و بشرة الوجه حسااااسه اكثر من المنطقه الحساسه بالرغم ان اسمها منطقه حساسه ..
لكنها مكتومه وما تصاب بالاعراض اللي تصاب لها بشرة الوجه من غبار و غيره ..


عزيزتي ..
بالنسبه للخلطه دام انها طبيعيه .. فما منها ضرر بإذن الله..
لكن اهم شي تستمرين عليها ..
لان مو شرط اذا نفعت مع صاحبة الخلطه باسبوعين يعني راح تنفع معك باسبوعين ..
ممكن تنفع معك بأقل من اسبوعين .. او اكثر من اسبوعين ..


غاليتي ..
موية الورد ما تورد و تعطي خدود مره مره ورديه على كلام البنات و المبالغه فيه ..
موية الورد تحرك الدوره الدمويه فالوجه و اذا حركتها راح تعطي خدود ورديه بفعل تحرك الدم ..
نفس الشي اذا حركتي ثلجه على خدودك .. راح تعطيك خدود ورديه بفعل تحرك الدم ..
يعني موية الورد يفضل تكون بارده عشان ما تخلي البشره مره شاحبه .. راح تعطيها شوية انتعاش و حيويه ..