عاجل!!!!.....الخــــياطه انفتحت..!!هل هذا مضر؟؟؟؟؟؟؟؟؟؟؟؟

أختي ما أقدر أفيدج عن الخياطة المفتوحة بس
الماء والملح أنا أعتبره أمر ضروري
فهو اللي يعقم وفيه ناس يستخدمون الملح للتضييق

حبيبتي أنا بحملي السابق انفتحت علي بدل المرة مرتين و كل مرة يعيدون خياطتها
شفت الويل
لا مو عادي تنفتح هذا من سوء الخياطة و يمكن التهاب
لازم تعالج الالتهاب أنا دكتورتي عطتي تحاميل بيتادين أحط 2 بالليل وأنام
و أتنقع بماء دافي مع محلول بيتادين بعد
و تخيطت مرتين و لما كان ينفتح خيطتني دكتورتي بخيوط ما تذوب لازم تنشال و ظليت فيها 10 أيام بغيت أموت و بعدين رحت لها و شالتهم و استمريت عالتحاميل

بس والله الحين ما شاء الله ماكو أثر و رجع كل شي نفس أول و أحسن

عذاب و أذية بس ان شاء الله أجر و ان شاء بعدين ما يترك أثر و لا يبين

و حسبنا الله عاللي ما يخافون الله بالخياطة

بالصراحه انا مريت هاذي المره بنفس الشي
علاوه على ان الخياطه مو جيده انفتح نصها يعني الشغله خربانه
ورحت للطبيبه اقنعتني اني اسوي خياطه تجمييليه مره وحده
وتعذبت مثل عذاب الولاده مرتييه اللهم لك الحمد على كل حال
والحيين صاير عندي مثل الجرح بالمستقيييم يعني روحة الحمام عذاب ونفسييتي صعبه بالمره
وخايفه من النتايج كلها يوميين واخلص اربعيين وجالسه على اعصابيي
وفيه معاي نزييف من الجراحه استمر اسبوعيين والحيين رجع مره ثانييه
طبعا الطبييببه اقولها صارحييني هل الامر طبيعي تقولي كل شي ممتاز وانا مسويه العملييه هذي كثيير وانا قلبي ناغزني بس ما اقول غيير الحمد لله على كل حال وربي يعافيني واقوم بالسلامه من هذي المطب
نفسيي اقفل عيين وافتحها والاقي نفسيي طبت
وياريت وحده من الطبيبات تطمنيي

بنات ياليت تقولون لي شلون تعرفون ان الخياطة مفتوحة؟؟؟ لاني لي عشر ايام والدة وماطاح ولا خيط...وانا لحد الحين ماتنقعت بملح ولاشي..

بس ابي اعرف كيف اكتشف انها مفتوحة ؟؟

الف لاباس عليك ماتشوفين شر