موضوع مهم جداً

والصحافه دورها التنبيه إلى الأماكن اللي غافلين عنها وهم مايقصرون أول مايسمعو عن مدارس مهمله الله يشهد تلقى اهتمام بالأخص لو تحدثت عنها الصحف ....

في عندك مدارس كثير في قرى الله لايوريك

عد واغلط خليها تزورها وبتشوف بعيونها

يكفي أنه إلى الأن توجد طرق لمدارس غير معبده والمعلمين والمعلمات يقطعون المسافات

ويخاطرون بأنفسهم بالجلد وفوق كل ذا تلقين لك مديره أجنبيه وتعاملك مثل الخادمه وما تحسسك بقيمتك كتربويه

على العموم بتشوفي مدارس بعد دورات المياه اللي موجوده فيها وأنت بكرامه بدون ماء
واذا وجد غير صالح للأستخدام الأدمي



الله يعطيك العافيه

معك عذرك يا الحنون..
يكفيني ما جدت لي به..
و إن كان قاسياً..
بشأن اسم الصحفية..
فلا يحق لي ذكر اسمها بدون إذنها هنا..
دمت لي..
------------
نبع الوفا..
أهلاً بك ..
ملاحظاتك و سطورك قيمه..
لك:26:

من المعانات..

الطرق غير معبدة..

لاتوجد خدمة الهواتف لاالجوال ولا الثابت..

البقالات كل شي فيها منتهي تاريخة يعني المعلمة تدق مشوار علشان تشتري بالجملة من كل شي..

سوء معاملة المشرفات مع علمهم بأن المعلمات مغتربات ويحتجن لأيدي حانية..

الخزانات (مخضرة) من التلوث والعشب >>>>>>>>>>>> يعني قرى منتهيه مرة..

المياة تعبأ عن طريق (وانيت) ومتى يجى عقب الشين ..

لاتوجد أماكن لرمي الزبالة أكرمكم الله يعني لو بتحط الزبالة قريبة ياويلها من القوارش(الديبان) لازم تمشي بعيد لرميه.. معاناة يالله..

الكرباء متقطعة كل شوي..

باختصار ..

مع معاناة الغربة تجي معاناة المكان الموحش والمنتهية منه الخدمات بالكلية..

كنت سابقا أعيشها بس الحمدالله اللي فرجها الله يفرجها على أخواتي في الله..

انا تعينت بقريه ...... وكنت اروح وارجع يوميا الطريق الغير معبد ساعه ونصف من غير المعبد ......مافيها مياه صالحه للشرب ولا كهرباء بس موتور .......تخيلي بعز الصيف مافيه مكيفات ولا حتى مراوح ولا شي وممنوع نجيب مكيف لان الموتور مايتحمل اكثر ...........لدرجه ان حتى المويه نجيبها معانا بترمس ........والفطور كمان كل شي كل شي .............وغير كذا استغلال السائقين نصف الراتب يروحلهم عشان نوصل ...........هذ غير معاناه المناهج طبعا مدرسه مثل كذا لازم يكون فيها عجز معلمات ..........لدرجه اني مره مسكت واحد وعشرين منهج ....اقتصاد لجميع المراحل -خط-توحيد- فقه-اجتماعيات ..............وعلى فكره تخصصي رياض اطفال.

غير كذا الشعور بالظلم لما الوحده تداوم سنه رايحه جايه وتجي وحده يوم واحد وتنقل بكل بساطه والسبب فيتامين واو ............!!!!

المعاناه مو بس للمعلمات حتى اهالينا ...........امي ماتنام من اول ما اطلع من البيت لحد ما ارجع من قلقها علي
مره من المرات بنشر فينا كفرين وللاسف السواق مامعه الا كفر واحد ...........وبمكان مافيه ارسال للجوال ...وبرمضان .....ومافيه سيارات بالطريق لان اصلا مافيه احد يروح هناك.........تخيلي جلسنا لاذان المغرب وكانت حالتنا حاله .........انا بس كنت افكر اشلون اطمن امي ...........؟؟

بس الحمد لله على كل حال .....................نقلت لمدرسه على الطريق المعبد وخفت المعاناه.

تحياتي

حزنتموني..
لم اكن اتصور أن الأمر كهذا..
هذه ليست مجرد غربة..
إنها منفى!!
أشكر لكن تعاونكم معي..
و الله يفرج عليكم:26: