عاجل .. ابي فطور لأمي وراح تدعي لكم

شوفي حبيبتي الحريم الكبار يحبون الشوربه ع الفطور ولقيمات ومرقوق او جريش او هريس واحد من ها الاطباق الرئيسيه وبعد سوي كريم كراميل او كاسترد واحد منهم وسوي سلطة فاكه وحاولي تكون مفرومه علشان الوالده ماعندها اسنان اذا تحب سمبوسه وسوي كبة بطاط اوكباب بحريني وجزاها الله الف خير والله يدخلها من باب الريان اللهم امين(لاتنسى تدعيلي بالذريه الصالحه)والله يوفقج ويبرونك عيالك مثل مابريتي امك.

سوي لها عيش السرايا الي في اطباق النخبه وهو انك تجيبي عيش توست وترصيه في الصينيه وتحطينها في الفرن على الشوايه الى ان يحمر وبعدين تعملي مهلبيه وبعد ما تثقل ترفعيها من النار وتحطي عليها علبة قشطه وبعدين تحطي على التوست شوي شيره و تحطي المهلبيه عليه وتزينيه بالفستق وعلى الثلاجه

شوربة وكمان سوى لها فطاير جبن بعجينه لينه تكونى انتى عجينتها بتكون طريه على اسنانها

والله يطول بعمرها

شوره خضار او عدس وتميرات او رطب مسزمه قبل الصلاة وكوب لبن او حليب او عصاير طبيعيه وماي طبعا

بعد الصلاة جريش ومكرونه ولقيمات ومحلبيه وسلطه مفرومه بالزبادي بالخلاط وهي عباره عن بقدونس وكزبره خضرا وخس وزبادي وشوي ملح بالخلاط

يحبون الحريم الكبار

وتقبل الله منها وبالعافيه :)

تميمية321
بنت عقلها خفيف
حبيبه هاشم
sandyy
شكراً لكم من الأعماااااااق والله يجزاكم عني وعن اميمتي خير الجزاء
سويت لأمي لقيمات وفطاير وشوربه وكفتة بطاطس وجيب التاجر وخليه
وكاسترد وعصرت جزر وجبت عصير رمان طبيعي <<< تحبه فديت روحها
ومانستكم من دعائها والله يتقبل منا ومنكم صالح الأعمال