عاجل الىالمصممين والمصممات واهل الذوق

السلام عليكم ورحمة الله وبركاته
اخواتي العزيزات وينكم ماتردون والا الصورة مش واضحة
هذا المخطط له عندي حوالي سنة عبارة عن دور ونص اي النص الثاني عبارة عن شقة مسروقة
إن شاء الله انزل الدور الثاني أذا كان فية تجاوب وتأكدوا اني رح اخذ كل رأي بعين الاعتبار

للتوضيح1- المطبخ عبارة عن قسمين بينهم ممر يؤدي للفناء الخارجي واحد طبخ ونفخ وغسيل اواني
والثاني محتارة فيه اخليه مفتوح علىالصالة العائلية بس اخاف من ريحة الطبخ او اخلية مستودع وغرفة شغالة
2- المدخل المقابل للصاله العائلية والصالة الجانبية كبير مرة فيه مجال اني اصغرة ام لا
3- الدرج نفسي يطل على الفناء الخارجي واحط شباك مثل كذا

والباب يؤدي على قسم الرجال لان زي مانتوا شايفين مافي مدخل الا عن طريق غرفة الطعام
4- مجلس الرجال كبير 5×7
ممكن يتصغر لانه لا غنى عن( بيت الشعر او مجلس خارجي او مشب)

الله يخليكم عبروني

up

وينكم تطلوا وتمشوا
لا تطلوا ادخلوا واشربوا الشاي والقهوة
واتحفوني بالكوكتيل الذوق يا اهل الذوق
ملكة الحسن
المهندسة ام الريما
مــــــــــــــعـــــــــمـــــــــاري
أسير نجد
ني ني NeeNee
ام شيماء um chaima
ميمي العسولة
ام نورة
رومي ROMEE
بروة
ام رغد وغادة
شحرورة
ام عمر
ام السعف والليف
حالة خاصة
Lura
اعذروني على ترتيب الاسماء
فزعــــــتـــــــــكـــــــــم يـــــــا اهل الذوق
دهانات
مداخل
جبس
ابواب
حدايق تراني مثل ام السعف احب الزرع
كل ما يتعلق بالديكور
ابي كلام مش عاوزة صور ماقصرتوا كمبيوتري صار كله صور وديكورات
قولوا لي حطي كذا ومن وين اذا ممكن بكم
يعني بالعربي صمموا معي البيت خطوة بخطوة بلييييييييييييييززززززز

هلا طير البحر..
الله يوفق بالبيت الي يرضيك ويتمملكم اياه على خير -ويعينكم- :)
الكتابات مو واضحة كثير لكن بحاول قد مااقدر افهمة واشرح لك رايي متمنية اني افيدك..
اول شي مساحة البيت حلوة وعشان احكم على المساحات المفروض افهم طبيعة حياتكم اليومية والاجتماعية اكثر مثلا عزايمكم ومكان جلستكم اليومية مثلا بتكون تحت أو بيكون فيه صالة عائلية فوق..
المهم للاختصار بقولك علطول السلبيات والاقتراحات: بالنسبة لمدخل العائلة مساحته معقولة ومايستحمل تصغير خليه شرح.
1-اذا ماعندك غرفة خدامه:خلي الجهة اليمين لها ولغسيل الملابس ومخزن لأغراض المطبخ وادوات النظافة(يادوب يكفي)..واليسار مطبخ عادي لكن لا تفتحينه عالصالة..
2-اذا عندك غرفة خدامة:خلي الجزء الخارجي (جهة اليمين من المطبخ الي عاليمين مخزن وغسيل والي جنبه طبخ وقلي..والي عاليسار مثل ماقلتي مطبخ ديكور مفتوح بس خذي نص المساحةالي جهة الشباك وحطي كاونتر يكشف جهة الصالة العائلية وجهة الدرج شيلي الجدار وسوي طاولة فطور 4أشخاص وخلي كل المطبخ مرتفع درجتين وسوي مثل الدرابزين ورا الطاولة يعني يصير المطبخ كله مفتوح جهة الدرج وتطلعين له كأنه دكة بدرجتين ع جنب.
وفي خيار ثاني ان العائلية يكون مكانها الدرج والطاولة تكون في النص تحت الدرج الغرفة الي في الزاوية تصير هي العائلية. والمطبخ يكون كله مطبخ لكن جداره لازم ينشال اذا بيصير فيه مطبخ ثاني..
-الشي الي ماني فاهمته الغرفتين الي على جنب لإيش بالضبط؟؟؟
ماتقدرين تستغني عن وحده منهم؟ونستفيد من المساحه بشكل افضل؟
-الدرج له كذا حل غير الي قلتلك عنه-مثلا-:حمام الرجال يتغير مكانه -بقولك وين- وويجي الدرج مكانه ويدمج مع الصالة بحيث تحصلين على الصوره الي تبغينها للدرج.
- أما حمام الرجال يجي بين المجلس وصالة الطعام وتدف صالة الطعام جنب المطبخ تفتحينها بباب سحب جهة البيت واذا صار عندك عزيمة حريم تفتحينها عالبيت أو حتى اذا عندك بس رجال-تخبي في المطبخ لين يتعشون :)
أما درج الخدمه فيجي بين المطبخين بس اتركي متر ممر بين المطبخين وعادي اتركي باب الخدمة أو انقليه في المخزن (المطبخ الأيمن).
وسهل مره تفتحين باب على قسم الرجال وانا اشوه ضروري لكن انتبهي مايفتح بشكل يقابل مدخل المجلس.
-الأقواس الي عند مدخل النسا كثيره ومقفلة عالبيت .إلي يدخلمايشوف الا تكسيرات جدران.
-مدخل الرجال افضل يكون مستقيم مو بكسرة لأنه صاير مقابل المدخل حق المجلس-لو اقدر رسمت لك اياه مع التعديلاتأوضح من الشرح :(
-أخيرا البيت يبغاله شوية لمسات فنية -تجاويف في الجدران-وزن المداخل للغرف مع بعض بحيث ماتكونين واقفه بمكان وتشوفين شوي من كل جدار ونص باب أو شي زي كذا.ونفس الشي النوفذ والمداخل يعني مثلا اول ماتدخل الحرمه وين بتفسخ عباتها وتسرح شعرها؟لازم تعدي من مجلس النسا والصالة -راحت عليها كشختها :)
-عزيزتي فيه خيارات كثيره تعتمد عليك ورغباتك، اذا تحبين تكلميني أو ترسلين لي المخطط ارسم لك الخيارات وانتي تختارين-راسليني اذا حبيتي.. وحياك الله

المهندسة ام الريما شكرا على التواصل
وهذا مخطط الدور الثاني