عاجل الى صاحبات الخبرة

السلام عليكم
انا ناوية افتح مشغل في شرق الرياض وش رايكم حي النسيم كويس والا على شارع الشافعي والا في الروابي احسن
وودي اعرض بعض البضايع في المشغل مثل جلابيات وفساتين وهديا مواليد ومكياج واكسسوارات هل هذا ممنوع والا عادي لاني ناوية اكون مندوبة لبعض الشركات ؟
وهل يكفي خياطة وحدة لاني في بداياتي وما عندي سيولة تكفي ولاقية مشغل فيه خياطة وكوفيرة بس مترددة
وودي اوضف سعوديات بدون راتب مقطوع ولكن بالنسبة وكيف اجراءات توظيفهم هل بعقد والا كيف مع اني ناوية اخذ في ايام الاسبوع مثلا 50 ريال ونهاية الاسبوع 100 والباقي لها وللاجازات اسعار معينة والا الطريقة هذي ما تصلح ؟
واذا وظفت مقيمة هل ضروري تكون على كفالتي والا لا وهل ممكن اتعاون مع مشاغل ثانية والا ممنوع؟
وكيف الاسعار في هذي المناطق؟
وتراني احب النظام وما ابي احط شئ محرم في المشغل
معليش اسئلتي كثيرة والله يرزقني وكل من يرد علي او حتى يمر بموضوعي من حيث لا تحتسب؟