عاجل ..انتبهوا من محلات الاسكافي ..يمس الدين

بارك الله فيك على لفت الانتباه
للاسف كثير ناس ما تنتبه لمسألة الاكياس والجرائد والاخيره اي الجرائد يوجد بها مئات المرات يتكرر اسم الله
وتستخدم عند بعض الناس للوضع تحت الاكل او ترمى في النهاية بالزباله


وددت لو نتشارك ونعرف كل واحده من الاخوات كيف تتخلص من الجرائد بطريقة شرعيه؟؟

جزاك الله خير ,,تصدقين ماقد جاء على بالي أشوف الكيس عليه اسم الله تعالى والا لا !! مع انا نستخدمه للقمامة أكرمكم الله واحيان في دورات المياه !!!!
بالنسبة لبقية الأوراق والجرايد ...أجمعها في كرتون وأعطيها الجمعية الخيرية مع الأغراض .

بارك الله فيك اختي على هذه اللفته

اما الجرايد فاجمعها الين ماتكون كميه لاباس بها وياخذها زوجي على المزرعه ويحرقها

او اخذها انا وانا رايحه المزرعه واحرقها في النار لانه فعلا لابد يكون فيها اسم الله

ومشكوره ياختي على التنبيه

صادقة والله ماتجي في البال
الله يجزاك خير ويجعله في موازين اعمالك ووالديك

لاحول ولاقوة إلا بالله فعلا لازم هالمحلات تنتبه للاسماء هذي مثل اسم الله يغير العنوان او لايحط العنوان بس يحط رقم محلاته افضل والناس مشاءالله بتدل وعلى سيرة احنا نجمع الاكياس والجرائد ذكروني الاخوات جزاءهم الله كل خير بسالفة تجميع الورق والجرائد والمجلات
مع الاسف والله شي يحزن ويقهر اتذكر عندنا مجموعة صناع الحياة كانو مريحيننا من سالفة تجميع الاوراق والجرائد يعني ماتشيلن همها ابدا ... كانو يجمعون الاوراق والكتب والاشياء هذي ويبيعونها للمصانع الورق ويشتروون بفلوسها اجهزة وادوات طبيه للمستشفيات واخرها قدرو مجموعة صناع الحياة مشاءالله يشترون جهاز غسيل الكلى ويقدمونه للمستشفى واظن هالشي صار بمجموعة صناع الحياة لبنات مكه مشاءالله عليهم ... اما عندنا هني مجموعة صناع الحياة كان شغلهم جزاءهم الله كل خير شغال 100/100 وفجاة ومع الاسف منعوهم من تجميع الاوراق....... وطلعو لهم شيطاين الانس طلع في مؤسسة كبيرة اخذت هالفكرة منهم وصارت تجمع الاوراق وتبيعها على مصانع الورق لصالحها مع الاسف حتى الاجر والثواب يقطعونه عن المسلمين (التجار إلآ من رحم الله منهم ) وش يبون هالتجار اكلو اجور الدنيا وبياخذون اجور الاخره من الناس حسبي الله عليهم ونعم الوكيل .