عاجل بلييييييييييز الله يسعد كل من تدخل يااارب

ان شاء الله البنات يفيدونك

سمعت من الاخوات بالمنتدى الي شعرها مررررره افريقي تستخدم فرد ماتركس
والي شعرها جاف منفوش بس فيه نعومه قليله تستخدم فرد الكيراتين

لو تبعدين عن الفرد احسن لإنه يضر الفروه

أبدا ما انصحج بالفرد والله لو تسويلها علاجات بديله بيتغير, انا شعري خشن و جاف وعلى الاهتمام تغير عن يوم كنت صغيره ما اهتم فيه, بس سبحان الله يوم كنت ما اهتم كان غزير بطريقه فضيعه وصعب يتمشط و استثقل السشوار من كثافته و في العشر السنوات الاخيره صرت اهتم ومن سنتين طاح كله كله و صرت مثل مرضى السرطان شعري منتف و فراغات, ( من الصبغات و الكيراتين و فرد الحنا )
نصيحه لوجه الله خلي البنت شعرها على طبيعته و جربي ماسك الروب بالعسل والمايونيز واي ماسك شعر موجود في البيت عندج, زيت النارجيل مع الثوم او المحلب زين بعد, بس كل شي يريد عنايه متواصله لا تقطعين و يرجع يطيح, عودي بنتج تهتم في شعرها بكره تتزوج والحمل و الولاده بيطيحون شعرها مثل ما صار فينا, تهتم فيه من هالوقت والله يفرحج فيها و يبارك لج ان شاء الله في عيالج ..اسمحي لي على الاطاله

اختي
لو استعملتي لها فرد الاوبتي سموث بترتاح بإذن الله نهائيا المهم تبحثي عن كوافيره ممتازه فيه وهو دائم وامن على الشعر اذا كانت الكوافيره عندها حبره فيه
وانتبهي ان تستعملي حنى الاعشاب ممكن في الاول تكون ممتازه لاكن بعد فتره تحصل المشاكل منها لانها ليست اعشاب فقط معاها مواد كيميائيه ومافي اعشاب بالدنيا تفرد الشعر وتحليه ناعم الاتكون محلوطه بمواد كميائيه
والمشكله الكبرى انه مافيها مواد قبل الفرد تحمي الشعره من المشاكل
وهذا اذا اردت حل للمشكله بشكل سريع
وممكن تعملي عنايه منزليه مثل ماذكروا الاخوات لاكن تاخذ وقت طويل ولازم تصبري وتثابري بالعنايه والمهم مع العناية يكون الشامبو من الانواع المعالجه لمشكلة الشعر وليس من الانواع التجاريه الموجوده في السوبر ماركات او البقالات وهذا مهم مع العناية حتى تجدي نتائج طيبه
عندك شامبوهات من ماركة لوريال او ماتركس أو ويلا تكون معالجه لمشكلة الشعر مع انبولات وماسك
اما العناية المنزليه مع شامبوهات تجاريه لن تفيدك كثيرا وتاخر النتائج
واستعملي عصير لب جوز الهند الطازج وبيكون مفيد جدا للشعر الباهت والجاف
وكرريه كل اسبوع
واتمنى اكون افدتك وساعدتك يارب

انا ما اقدر اعطيك رد ما عندي خلفيه على الموضوع ان شااء الله الحباايب يفيدوووكي بشئ حياتي