عاجل بنات جدة وخصوصا الموظفات يتفضلو

السلام عليكم

انا عضوة جديدة وحابة تساعدوني جزاكم الله خير واللي ماتعرف بس ترفع الموضوع لانه مسموح ليا ب 3 مشاركات باليوم والموضوع مهم بالنسبة ليا ومشكورين الف شكر مقدما


انا عندي بنوتة عمرها 7 شهور الله يحفظها يارب ويحفظلكم اولادكم من كل شر

جاتني وظيفة في جدة وماقدرت افوتها لانها فرصة ومارح تتكرر ونقلت جدة من يومين وجيت لمشكلة الحضانة او الداي كير

انا عارفة بتقولولي بنتك صغيرة وكدا وانا معاكم بس والله مضطرة اتمنى تساعدوني انا اهلي واهل زوجي بمنطقة تانية وماعندي احد

تعبت وانا اسال واتصل عالحضانات واجاباتهم يا اما مايستقبلو عمر بنتي يا اما فل مافي مكان الا عالسنة الدراسية الجديدة يا اما هما مايشتغلو داي كير بس يعملو برامج للام والطفل انشطة وكدا مش نظام حضانة

فمرة تعبت:icon33: وراح اعدد الاماكن اللي كلمتهم عشان اذا تعرفو غيرهم قولولي

مدارس الاتحاد - مدارس الكون العالمية - مدارس الحمراء العالمية - حضانة ماما بالمساعدية - بيلدنغ بلوك - ****نتد جاردن - بيتي الصغير - النجوم الساطعة - بير هقز - برايت توك بسليمان فقيه - كولورز كيدز - حضانة الرسالة - تحفيظ القران بالرويس

ههههههههه لستة طويلة والوحيدين اللي ردو هما المصمم الصغير بس شوية بعيد عني وابى مكان احسن

مع العلم انا ساكنة بحي الحمراء وافضل الحضانة تكون مستواها كويس وتقبل عمر بنتي وحاليا مو نهاية السنة وتكون قريبة مني

انا عارفة اني كترت عليكم بس والله محتاجتكم واتمنى تساعدوني الله يسعدكم دنيا واخرة