تكفون يامشرفات لا تحذفون الموضوع من هالقسم لانه اكثر الزوار والاعضاء هنا علشان يعم التحذير..
السلام عليكم
اخواتي كيفكم..
انا بصراحه بغيت اقولكم الموقف اللي حصل لي والنصب والاحتيال اللي طحت فيه من
هذي المراكز الوهميه اللي انتشرة..:mad:
قبل اسبوع اتصلت علي مرة عمي..
وقالت ان عندي رقم مركز يوظفون ..
اسمه مركز بيان ..وانا اخذت الرقم لك اتصلي يمكن ربي يوفقك معهم..
المهم
اخذت الرقم واتصلت كم مره انتظار قفلت ..
ودخلت لدورة المياه وانتو بكرامه اتحمم..
طلعت واشوف جوالي الا القى كم مكالمه من الرقم <<هو جوال..
المهم استغربت:huh: اول مره يدقون علينا العاده انتي تدقين ويالله يردون هالمره هم يلاحقونك
دقيت ..الا ويرد علي رجال..استغربت مركز نسائي ويرد رجال..
سألته..
مركز بيان
قال ايوا
قلت انتو طالبين موظفات بغيت اعرف ايش المؤهلات المطلوبه ونوع الوظايف..
قال احنا مركز نوظف بجميع المؤهلات..
في مدراس مستشفيات بنوك..
مندوبات
قال انتي ايش الشهادتك ..
قلت له انا ثانوي بس
قال عندك كومبيوتر اوشي
قلت ما اعندي شهاده لكن عندي خبره ممتاز فيه..
قال طيب عطيني اسمك الرباعي ..وعطيته..
قال عطيني العنوان والحاله الاجتماعيه واعطيته
قال اعطيني رقم الثابت قلت مافيه بس الجوال..
واخر شي طلب مني السجل المدني
واعطيته:06:
المهم قال
احنا نقدر نوظفك اداريه اما في مدرسه او بنك او مستشفى اختاري اللي يناسبك
قلت طيب علمني اوقات الدوام
قال المدرسه معروف من الصبح للظهر
اما المستشفى والبنك من الصبح للعصر
قلت ابغى مدارس ..
قال
بنسبه لاقرب شي لك عندك مدارس باسويدي والبديعه ابتدائي او متوسط
قلت ابغى البديعه متوسطه
قال في المتوسطه 177 انا استغربت <<حكوميه بعد:hahaha:
قلت حلو قال خلاص اعطيني دقايق وادق عليك اعطيك رقم الوظيفه
سكر ودق بعد 3 دقايق
قال خذي رقم الوظيفه واعطاني رقم
وقال خلاص متاكده من اختيارك قلت ايه
قال خلاص طيب ان شاء الله راح تستلمين الوظيفه بتاريخ 2-6 :huh: وراح تتصل عليك قبل باسبوع الاستاذه زينب
علشان تكمل معك باقي الاجراءت..
قلت اوك <<<لحد هنا تمام الوضع..ما شككت مره ..قلت يمكن هذي فرصة العمر اللي تجي للواحد هع هع..
المهم
قال طيب الان ابغى اسألك عندك بطاقة شحن..!!!!!!!!!
قلت ايه عندي شريحة سوا <<على بالي يبيني اشحن وارسل شي بيانات مثلا ابد ما توقعت يطلب كذا
قال لا بطاقة شحن مو شريحه
نبغى منك بطاقه 100 ريال علشان نشحن لك الملف الالكتروني:icon810:
استغربت وشو الملف الاكتروني..بس قلت يمكن شي جديد
قلت لا ما عندي
قال متى توفرينها ضروري قلت بعد ساعه ولا ساعتين
نفخ علي:icon810:
قال لا حددي وقت بعد ساعه الحين 9 اذا جات 10 ما ارسلتي راح نلغي طلبك..
لان الاتصالات كثير مو بس انتي قلت طيب
قفلت
رحت ركض لزوجي قلت شفت ايش يقولون يقولون نبي بطاقة سوا علشان ........
تتوقع نصابين احس انهم ينصبون علي
قال والله شكلهم
لكن كلها 100
نجيبها ونشوف اخرتها معهم بس اهم شي لا تمسحين الرساله عشان لو صار شي يصير دليل عليهم ..
وعشان ماتزعجينمي ضيعت علي فرصه <<هع
قلت اوك
جاب لي البطاقه وكتبت اسمي ورقم الشحن وارسلتها
جلست شوي دق علي
قال
سجلي عند رقم السجل وزي ما قلت لك راح تباشرين باذن الله تاريخ 2-6
والراتب راح يكون 2900 ريال
وقفل
المهم جلست شوي واتصل مره ثانيه قالي اذا حبيتي وظيفه فوريه مؤقته من بكره لو بغيتي لحد ما اتستلمين وظيفتك الرسميه ..
هي مندوبه ..
توزعين اوراق على المشاغل والمراكز النسائيه<<<يبغاني اوزع رقمه الحمار
قلت لا شكرا ما ابغى
قال براحت بس اي وحده تعرفينها محتاجه وظيفه اعطيها الرقم
حتى لو خارج الرياض..
قلت ان شاء الله
سكرت
ولما جا من بكره الصباح فتحت النت قلت خل ابحث اشوف فيه احد توظف عن طريقهم
بحث عن مركز بيان ما لقيت شي
قلت خلني اشوف ايش السجل الالكتروني
وكتبت وطلعت البلاوي :06:
اثاري هذي عصابات
وتستغل حاجتنا للوظيفه بالنصب
وياخذون بيانات الوحد الشخصيه ويضغطون عليها ويهددونها تنفذ رغباتهم سواء فلوس او غيره..
انا انهبلت وقعدت ابكي ..
وادق على زوجي وانا ابكي واقوله السالفه هو ارتاع يحسب فيني شي
لما قلته قال لا تضيقين صدرك ما يقدرون يسوون لك شي باسمك وخير ياطير
قلت يهددوني ولا يفضحوني بشي كذب
قال لا تخافين
الو احد ما يقدر يهدد الا بالصور
قعد يهديني واخذ الرقم مني
دق عليه لما سمع صوت رجال
قفل بوجهه
ووزوجي يدق وهو يعطيه بزي
:mad:
جلس زوجي شوي ودق عليه رقم 02 من جد او مكه
قال السلام عليكم الاخ فلان الفلاني
قالزوجي ايه معك
انا فلان العوفي
انا الصراحه متقدم واحد لبنتي من عيلتكم وابغى اسأل عنه اسمه فلان فلان الفلاني<<علقت على فلان
المهم
قال زوجي لا والله ما اعرفه شكر زوجي وسكر..
لما رجع زوجي من الدوام قعد يسولف وقالي دق علي واحد يسأل ..وكذا
انا انهبلت
قلت كيف صوته قال كلامه حجازي
قلت بالله عليك ما انتبهت قال ايش قلت هذا هو النصاب شافك دقيت طلع برنت عن رقمك ودق يجس النبض..
راح على طول زوجي دق على الرقم ما شبك صار النذل داق من كبينه..
لو فعلا يسأل كان دق من جواله وترك رقمه ..لو عندنا اي معلومات نفيده ..
المهم انقهرنا مره..
وقال زوجي والله ما اخليه ودق عالهيئه محد رد وقال بروح لهم بس الله يهديه برد ..ولا سوا شي
يوم جا قبل اشوي الصباح دق علي..
النذل
رديت كاني عادي
قال الاخت فلانه قلت معك
قال احنا عندنا لك بدل تعيين من مركز بيان ..
وسالني قال احنا كم قلنا لك راتبك الاساسي قلت 2900
قال احنا نقدم لك من المركز راتب قدره 3500 ريال شهري اذا عندك رقم حساب اعطيني اياه ..<<الله ياخذ عمره النصاب
المهم قلت اوكي خلاص ادوره وادق عليك
سكرت منه ودقيت على زوجي وقلت له
قال الله ياخذه ذا مواصل
طنشيه وانا اليوم اوريه شغله
سكرت من زوجي قلت بدق اسأله كيف راتب بدل تعيين بسوي نفسي غبيه
دقيت رد قله له ما بعد لقيت رقم الحساب بس بغيت اسألك كيف راتب بدل تعيين
قال هذا نقدمه لك من مركز بيان قلت ادري بس ابي اعرف شلون يعني قصدك لو ما اتعينت تصرفونه لي
قال لا هذا من المركز
قلت طيب وش فايدته ابي اعرف ..
قام نفخ علي وجع وقال خلاص ما راح تاخذي شي وسكر الخط بوجهي..<<مدري اضحك ولا ابكي بس جد ضحكت من قلب هههههه
الله يخذه حسبي الله عليه النصاب..
زاد ياربي وش هالوظيفه اللي على طبق من ذهب ..
انتبهو لانفسكم يابنات ..
والله لا تضيعون ..
لا تصدقون احد ..
مو كل وحده تقدر تصارح اهلها باللي يصير ..
تخاف وتسكت ويستغلونها..
لازم ما تسكتين لو صار لك هالموقف ..
ولا تصدقين اي شي من هاذي المراكز شي ما قدمتي عليه بنفسك ولا لا تصدقين...
انا والله تعبت وانا اكتب الموضو ع بالتفصيل كله علشانكم ...
تكفون حاولو ترفعون الموضوع وتنقلونه لمنتديات ثانيه وتنبهون اقاربكم..
لاتطيحون فالنصبه اللي طحت فيها..وربي فكني
موفقين ..والله يستر علينا ويحفظنا..
تحياتي ..
مجنونة زوجي؟
تمنيتكـ& @tmnytkamp
محررة ماسية
يلزم عليك تسجيل الدخول أولًا لكتابة تعليق.
برنسيسه رومنسية
•
الله لايبارك فيهم مشكوره اختي على التوضيح والله يرزقنا واياكي الوظيفه
حسبــي اللــه ونعــم الــوكيــل
حسبــي اللــه ونعــم الـوكيــل
حسبــي اللــه ونعــم الـوكيــل
طــرح مميــز كــروعــة حضــوركــي عــزيــزتي
اللــه يعــوضــكـ خيــرا يــارب
وش صــار فيهــم هـالنــاس
لاخــوف مــن اللــه ولاشــيء
طــاحوا بالمــاديات ..
حسبــي اللــه ونعــم الـوكيــل
حسبــي اللــه ونعــم الـوكيــل
طــرح مميــز كــروعــة حضــوركــي عــزيــزتي
اللــه يعــوضــكـ خيــرا يــارب
وش صــار فيهــم هـالنــاس
لاخــوف مــن اللــه ولاشــيء
طــاحوا بالمــاديات ..
لاتستغربين إنتشار الإستغلال والسرقه والنصب والإبتزاز فعدم وجود رقيب أعطى فرصه لضعاف النفوس لإظهار مواهبهم الإجراميه,ومن أمن العقوبه أساء الأدب.
الصفحة الأخيرة