السلام عليكم والرحمه الله وبركاته سبقت وكتبت لكم عن مشكلتي مع ابو العيال المهم صارت مشكله مابيني وبينه وصلت لطلاق تخيلوا السبب التافه الي سوا منه مشكله كبيره المهم جيت وكلمته في يوم عن تجمعات اخويه بالمجلس الي ماتخلص اربع وعشرين ساعه طفشت مااقدر اخذ راحتي في بيتي شقتي صغيره غرفتين وصاله ومجلس وعيالي الله يحفظهم دائما يتهوشون وانا انفعل معهم واصارخ عليهم ويطلع صوتي غصبا عني وهويعصب على عشان صوتي يطلع عنده بالمجلس المهم كان يزعل من هالنقطه وانا والله موقصدي قلت له انا طيب هذي مهي عيشه طفشت من تجمعاتك مع اخوياك ابي اخذ راحتي بيتي ماصارت هذي تدرون وشو رد علي قال
قال وش تبين انتي بينامون عندي وش بغيتي انتي مو جاين بيت ابوك ولاانتي تصرفين على طبعا تزعلت انا معه على هالكلام الي قاله طبعا هو شال في قلبه وصار مايتكلم معي ولاياكل عندي ليه انكد عليه جلسته مع اخويه
المهم طلعت مع اهلي وهويدري بطلعتي للعزيزيه دق على جوال وقال وينك قلت له بالعزيزيه قال متى بترجعين قلت له شوي قلت يمكن نروح لسنتر بوينت مع اهلي انا قلت له كذا بس وهو سوى لي سالفه ليه وليه وفشلني قدام اهلي ماعرفت وشو ارد عليه هو سب وشتيمه وووو المهم قال ترجعين البيت وفعلا رجعت البيت ويوم جيت البيت جلس يهوش ويصارخ طبعا انا يااخواتي كنت معصبه من موقفه معي ليه كل هذا كان قال لي لاتروحين معهم وانتهت السالفه بس هو كان قاصد ينكد على لانه قاله لي مثل ماتنكدين علي بنكد عليك المهم شرط علي شرط يوم جيت قالي الابتوب الي عندك مابيه ودي عند اهلك والجوال الجديد توها اختي جيبته لي هديه بلاك بيري قال ترجعينه مابي يصير عندك جوال ولاشئ يبي يخليني اطفش من حياتي عشان مالقى شئ اتسلى فيه قلت له الابتوب بوديه عادي لاكن الجوال لا مااقدر مين هالحين بهالزمن ماعنده جوال مع العلم هو معه نفس الجهاز بس يبي يحرمني من كل شئ انا ابيه طبعا انا رفضت قال اجل يالجوال ياانا تخيلوا
قلت له انا وانا يااخوياك ياانا قال طبعا ربعه قومي اوديك بيت اهلك قلت له طيب وجيت عند اهلي
وانا هالمره غير كل مره خلاص مليت من هالعيشه يعملني كاني بنتي الصغيره اذا زعل مني حرمني من الابتوب ولايخليني اكلم صديقاتك ولااروح ولااجي المهم
انا هالحين عند اهلي اتصل على وقالي اسمعي عندك يومين تجين من غير لابتوب ولاجوال تبين ولا بجيب عفشك واغراضك ورقه طلاقك قلت له اسفه الجوال مااقدر استغني عنه كيف اكلم اهلى ووووو وانا عندي بضاعه لي علاقات مع الناس كيف امشي بضاعتي المهم رفض وقال هذا اخر كلام عندي وانا اذا برجعك عشان عيالك مو عشانك طولت عليكم انا اسفه بس من جد تعبانه من تصرفاته الغبيه وقفل على انه بيجيب عفشي وورقتي ارسلت له رساله بعد ماقفل قلت له فيها حسبي الله ونعم الوكيل انا ماقصرت معك بشئ بعتني انا مع عيالك عشان اخوياك هم متهنين مع حريمهم وعيالهم بس خلهم ينفعونك بنات اسفه مره ثانيه طولت عليكم بس عطوني رايكم الله يجزاكم خير
أم لولي ودحوم03 @am_loly_odhom03
عضوة جديدة
يلزم عليك تسجيل الدخول أولًا لكتابة تعليق.
السيدة الام
•
والله ما ادري وش اقول لك بس الله يسخر لك زوجك ويحنن قلبه عليك بس اهلك وش ردة فعلهم
روحي له وقولي له أنت أهم عندي من الجوال
ومن غيره...
وادا هدأ بيغير رايه أكيد....
جربي معه اللين والطيب والكلام الهادي
بعقل وهدوء...
واصبري وادعي وقومي بالليل وصلي
ادا صمم شهر على هالشي خلي اهلك يتدخلون ويتفاهمون يمكن يستحي منهم...
بلحظة الغضب يقولون حاجات كثيرة وادا هدأوا يتراجعون
والله يهدي بالكم ويبعد عنكم الشياطين...
ومن غيره...
وادا هدأ بيغير رايه أكيد....
جربي معه اللين والطيب والكلام الهادي
بعقل وهدوء...
واصبري وادعي وقومي بالليل وصلي
ادا صمم شهر على هالشي خلي اهلك يتدخلون ويتفاهمون يمكن يستحي منهم...
بلحظة الغضب يقولون حاجات كثيرة وادا هدأوا يتراجعون
والله يهدي بالكم ويبعد عنكم الشياطين...
ريهامس
•
الله يسخره لك ويهدي حالكم يارب انا اشوف تخلينه شوي يفكر بتصرفاته لاتردين ولا ترسلين يمكن اخوياه يأثرون عليه عليك با الدعاء الله يهديه يارب
والله ما ادري وش اقول لك بس الله يسخر لك زوجك ويحنن قلبه عليك بس اهلك وش ردة فعلهموالله ما ادري وش اقول لك بس الله يسخر لك زوجك ويحنن قلبه عليك بس اهلك وش ردة فعلهم
ما ادري ياقلبي الله يسخره لك ويحنن قلبه عليك وعلى عيالك
الله يهديه ويسخره لك حاولي تفهمينه ان الجوال صار من الاشياء الضرورية واصبري عشان عيالك
وحاولي تكلمينه بلطف لأن بعض الرجال ما يجوا بالصريخ والزعيق يعني ما يحب الزوجه تفرض رأيها عليه
وحاولي تكلمينه بلطف لأن بعض الرجال ما يجوا بالصريخ والزعيق يعني ما يحب الزوجه تفرض رأيها عليه
الصفحة الأخيرة