عاجل صلاة الاستخاره في الزواج !!

شوفي حبيبتي انا استخاريت مره في خطيب كان يايني وكنت متردده بس لجات لرب العالمين استخرت تقريبا ثلاث مرات وكنت وايد مضايقة من الريال مع ان الريال مافي ولا نقطة عيب وبعدها رديت لاهلي باني ماني موافقة
اما ريلي يوم خطبني استخاريت والله اني ماجذب عليج ويشهد على الله باني كنت وايد مستانسه وفرحانه حتى كانوا اهلى مستانسين على الرغم ان وايد خطاب يوني بس يوم خطبني ريلي كان رب العالمين مسخرله كل الشي والحمد لله
الله وفقني وياه..
عليج بالاستخاره اذا كنت مرتاحة وفرحانة معناتة الله موفقنج مع الريال واذا كنت مضليقه منه وهذا مع تكرار صلاة الاستخارة طبعا فمعناته ان الله مارايد
حبيبتي هذا الي صارلي وبعد بيفيدونج البنات تراهم مايقصرون
والسموحة اختي على الاطالة..

السلام عليكم
سمعت مرة من احد المشايخ ان صلاة الاستخارة ما تكون وانت حيرانه
يعني
انت لازم تاخذين بالاسباب وتسألين عن الزوج
بعدين اذا ما كان فيه عيب او يعني كان زين
تصلين الاستخارة
والاستخارة معناها انك انت اتخذتي هذا القرار ،، وتطلبين من الله انه لوكان فيه خير يكتبه لج واذا كان فيه شر يبعده عنج
وتدعين الله انج تكونين راضيه في كلا الحالتين

والله اعلم
وياريت اي وحده تسال لنا احد المشايخ الثقاة يشرح لنا موضوع الاستخارة



بالنسبة لتجربتي
فانا اكثر من مرة انخطب
واصلي الاستخارة
احيانا ارتاح واحيانا لا
لكن لما ما يكون نصيب ،،،،،، اكون ما اتضايج لاني احس ان الله سبحانه وتعالى هو اللي اختار هذا الشيء وهو ادرى بالشيء الاحسن لي

:)

أختي العزيزه .. زينه .

صلاة الإستخاره ..

1\ لازم تصلينها ركعتين من غير الفرض ..


2\ تصلينها وأنتي محتاره بالأمر متردده .. مو تصيرين نا ويه شيء وتستخيرين ..

( وهذا عكس كلام الأخت فراشه .. وهذا الصح )

3\ تنوين على اللي هداك الله له ..

صدقيني بعد ما تصلينها راح ترتاحين لشيء معين ..

والله يعينك .. آمين ..

4\ دعاء الإستخاره .. " اللهم إني أستخيرك بعلمك .. وأستقدرك بقدرتك .. وأسألك من فضلك .. فإنك تقدر ولا أقدر .. وتعلم ولا أعلم .. تعلم مافي نفسي ولا أعلم مافي نفسك إنك أنت علام الغيوب ..

اللهم إن كنت تعلم أن هذا الأمر خير لي في ديني ومعاشي وعاقبة أمري .. فيسره لي ..

وإن كنت تعلم أن هذا الأمر شر لي في ديني ومعاشي وعاقبة أمري فاصرفه عني واصرفني عنه وقدر لي الخير حيث كان ثم ارضني به "