عاجل ... عاجل... عاجل.

--------------------------------------------------------------------------------

تحية طيبة وبعد عساكم بخير وفي صحة ... عندي مشكلة مع زوجي والله يهديه صار لي اكثر من 3 اسابيع متهاوشه معه بسبب تافه عشان كنت راقدة ومارحت الدوام لاني تعبانة وما انتبهت على اتصالاته المهم دخل معاي في هوشه وسب وشتم وشك على اني رحت الدوام ورجعت البيت وحاولت اني افهمه لكن ماطاع يفهم واتصل في ابوي ويبغا يطلقني ويتزوج علي هذا الكلام سمعت منه اكثر من مرة وكل مرة عن مرة يسوي كفارة بس هالمرة كان مصمم انه يطلقني وبالفعل جاني البيت ( هلي) وهو معصب وحالته حالة ....وياعزيزاتي انا دايما اشك فيه بأنه مكوك ومشحون عدل من طرف أخواته وجدته وخاله لان وحدة من خواته تشحنه صح وماتحبني كلش مع اني علاقتي معاه دبلوماسية تووو مج ... المهم من القهر قلته : من اللي مكوك ؟ أخواتك ؟ يدتك؟ خالك؟
عصب حيل يوم قلت له : اخواتك بس ماعصب يوم قلت له يدتك وخالك.
المهم جاني البيت ولا سلام ولايحزنون ويهه صاير حمر وعيون مفقعوين وقال لي : انتي تبين تطلقين ولا تتفاهمين ؟ قلت له هدي هدي ومسكت في يده عشان اقعده ومد يده ودزني وقال لي : خواتي اشرف منج .
عصبت وانفعلت وقلت له برع برع برع ماعاد اشوف رقعة وجهك وضربته بالنعال وماادري عن نفسي جان اقوله تطلع والا اتصل بالشرطة وجات اختي الكبيرة وتفككنا من بينا وتهدينا لكن ماطاع يتفاهم وطلع وهو يدمع دموع .
واختي تقولي: اذا يدمع ويبغيج ليش يسوي فيج جذي؟
وعقب رحت الحمام واتصل زوجي ويخبر اختي بأن طلقني الطلقة الاولى والطلقة الثانية يمكن يرجعلي اذا تاسفت لاخواته وهله كلهم مع انه ماسمعته قال لي طالق.
المهم صار بيني وبينه مسجات واخر اتصال يخبرني بجيني مع ابوه ... هذا بعد ما كلمت ابوه .
المهم يااخواتي رحت العمرة وجيت البلاد وماشي اي مسج ولا اتصال ولا شي..... ××××××××مب عارفه شو يصير واتمنى انه اليوم يكون خير وبركة ويشوف بنتوته الصغيرونه اللي ماسال عنها ولاشافها ... والله يهديه

والحين يالغاليين اتمنى انكم تردون علي وماتبخلون برودوكم الحية واللي متفائلة خير منكم يالغاليين.