بسم الله الرحمن الرحيم ..
السلام عليكم ورحمة الله وبركاته يالغاليات
بنات .. كلكم لاحظتوا طريقة بعض الأخوات الله يهديهم في الرد على المشاكل الزوجية ..
انا شخصياً للأسف الشديد كنت أتأثر ببعض الردود وأطبقها في حياتي والنتيجة غالباً تكون الضربة على راسي ..:024:
أقدر حسن النوايا عند البعض وان مو قصدها تخرب بيوت مستقرة بس باقول اللي لاحظته ..
* أي عضوة ترد على مشكلة يكون بتفكيرها الشخصي أو بمعنى آخر بنظرتها هي للموضوع ما تحط في بالها
ان هذا رجل له طريقة مختلفة تماماً بالتفكير ..
* المرأة عاطفية .. ومثل ما يقولون ( عزّامة ندامة ) .. يعني تقرر الشي قرار جازم وما تمر أحياناً ساعة الا ندمت
على قرارها .. وهذا الغالب بيننا نلاقي وحدة تاخذها الحمية وتكتب تعليمات مليانة بالدمار الشامل و بعدها تندم
في ساعه ممكن ما ينفع معها الندم ..
* في رأيي الشخصي لا تاخذين نصائح نسائية على مشاكل زوجية الا من انسانة متخصصة في هالأمر .. أو
استشيري من تثقين فيه من أقاربك الرجال لأنهم يفهمون بعض مثل ما احنا يالنساء نفهم بعضنا .
باقول لكم موقف شخصي حصل معي ..
بالنسبة لي كنت أعاني كثير من زوجي ومن المشاكل اللي تصير بيننا .. وكل ما استشرت وحدة من صديقاتي
ألقى واحد من الردود التاية ( وشلون عايشة معه - الله يصبرك - الله يعينك - عادي كلنا كذا )
مالقيت وحدة فعلاً تعطيني حل فعال لمشاكلي ..!!
إلى ان جاء يوم وقررت أكلم أحد محارمي في مشكلتي .. ( أثق فيه تماماً وانه مستحيل يطلع منه كلمة وحدة
عن الموضوع هذا لأ ي انسان ثاني )
كلمته وعرضت عليه المشكلة وكنت حاطة في بالي الرد وش بيكون .. كنت متوقعة بيقول لي خلاص اطلعي من
عنده واللي رزقك به يرزقك بغيره ومن هالكلام ..:o
تعرفون وش قال لي .. ( طبعاً المشكلة كانت عن شكي في زوجي انه ما زال يخونني بمكالمات وغيره .. )
قال الغالب من الرجال الا ما رحم ربي فيه شوفة نفس .. يحس انه من حقه يسوي أي شي بدون ما أحد يفكر
يحاسبه .. واحمدي ربك ان الموضوع وقف على مكالمات ..مهوب شي اعظم ..وهذي طفرة وبتروح
وقال تأكدي انه حتى لو كان مقتنع تمام الاقتناع انه يترك هالشي لأنه غلط فمستحيل يعترف انه ترك
هالشي عشانك ..:confused:
نصحني اني أستغل المواقف والقصص عن المعاكسات وأوعظه بطريقة غير مباشرة ,, وحذرني اني أهديه مطويات
أو نشرات عن هالموضوع بقصد نصحه لأنه تجرح الرجل وتزيده عناد ..( رأي رجالي ) ..:35:
المهم انه أوصاني باستغلال كل موقف ممكن يقربه من ربه لأنه هو السبيل الواحد لإصلاحه ..
وأوصاني اني ما أجافيه مهمها كان السبب .. واني أحسن معاملته وأغدق عليه بمشاعر الحب والود ..:heart:
قال لي لا تحسسينه نهائياً انك مستعده تبيعينه في أي لحظة .. فهميه انك شاريته وان مستحيل تستغنين عنه ..
وان شاءالله ربي ييسر الأمور ..:26:
اتبعت نصيحته والله والله والله مالقيت الا كل خير ولله الحمد ...:smheart:
دعواتي للجميع بأن يرزقهم الله قلوباً مطمئنة وبيوتاً مستقرة وأن يبعد الشيطان عنا وعنكم ..
