عاجل للاخت ( زهرة اليوم ) ...

السلام عليكم ورحمة الله وبركاته

هلا بك اختي ...
وجزاك الله خيييير على الدعوة الحلوة الي مثلك
ولك بالمثل ان شاءالله ..

انا راسلتك عالخاص وعلى ما اعتقد انه الحد للرسائل الخاصة تبعك
وصل للحد الغير المسموح به لاستقبال الرسائل ياليت تمسحين بعض الرسائل
الغير مرغوب بها عشان اقدر اراسلك بالمرات القادمة اذا احتجتيني او شي :freak6:

المهم .. انتي سئلتيني والله يعينك على هذري ترى هو وش كثره
من جد مايخلص :biggrin2: ..
بالنسبة ياقلبي لخلطة غنوة الي بالصبار طريقتي فيها اخذ ورقة الصبار وافتحها
على جنب واضع فيها الحلبة بدون ما اغسلها انتبهي عشان ماتتعفن
يعني الحلبة اذا جاها موية تتعفن على طول داخل الصبار هذي نقطة ..
النقطة الثانية تلفين الصبار بفوطة نظيفة ورطبة يعني تكون مبلولة
كلها على بعضها واهم شي ماتكون تقطر موية فقط رطبة
وتلفين فيها الصبار وتصكرينه باحكام تام ثم بعد كذا تخلينها عندك
بأي غرفة فيها مكيف او بالمطبخ اذا فيه مكيف بارد افضل من انه يكون
داخل الثلاجة لاني ماجربت الثلاجة بصراحة ..
واهم شي تخلينها في مكان واضح
يعني تصيرين تشوفينها طول الوقت قدامك
انا حطيتها فوق المايكرويف جنب المغسلة حقتنا << خخخخخ
اجل حقة الجيران .. والله شوي وبوصف لك مطبخنا :hahaha:
لا بس هو عشان اشوفها طول الوقت قدامي وما انساها .. المهم
مرتين باليوم ابلل الفوطة او ارشها موية عشان ماتنشف ثم تخرب
الحلبة وماتنبت لازم ترطبين الفوطة مرتين باليوم او ثلاث
ومن ثاني يوم بتشوفين الحلبة تنبت لها عروق وخليها لثالث يوم
عشان تطلع لك نابتة مرة وبعدين حضري الخلاط وحطي فيه لب الصبار
مع الحلبة النابتة انا حطيت بعض الصبار بالقشر تبعه عادي ماصار شي
مو مثل بعض الاخوات لما شافوا قشر الصبار الي بالصور الي
بموضوعي جلسوا يحذروني وما ادري ايش عادي والله النتيجة وحدة كما هي ماشاءالله ..
المهم انتي حطي فيه اي زيت ترتاحين له مو شرط
تتقيدين بزيت جوز الهند لان الخلطة تعتمد على
الصبار والحلبة فقط وزيت جوز الهند كمساعد يعني يطول وينعم
الشعرزيادة فقط لكن مع الاسف مايكثفه هذا الي لاحظته مع استخدامي
له لحاله المهم قبل فترة استخدمت خلطة غنوة الثانية الي هي سبع
زيوت منقعة بالثوم خلطتها بالصبار والحلبة والعسل وغليتها ع النار
غلية وحدة او غليتين وخففت عليها النار لمدة دقيقتين زيادة وماطولت
عشان ماتلصق بالقددر وبعدين خليتها على جنب لحد ماتبرد وحطيتها
بعلبة وخليتها بره الثلاجة يعني بالدولاب واستخدمتها لبناتي
مرتين او ثلاثة بلحالها وبعدين صرت استخدمهم مع شي ثاني ..
عشان مايكون بذمتي كنت اضيف مقدار ملعقتين الى اربع ملاعق من
الخلطة على عجينة الحنة والسدر والزبادي واخليها عليهم اكثر شي
ساعتين ومرة بالاسبوع فقط ووالله شعور بناتي ماشاءالله
نبت لهم شعر من اول شهر وطلعت شعورهم كثيفة وطويلة وتلمع
واللمعان ماشاءالله بس عيب بناتي في كل مرة تتعالج شعورهم ويفرحون
فيها الا لازم يستخدمون سشوار وسيراميك ويبهذلونها الله يهديهم ويصلحهم بس ..
الان لهم اكثر من اسبوعين ما استخدموه وصاروا مايبغون الحنة والسدر وشعورهم تساقطت
من يوم تركت الحنة والسدر وهم بصراحة ملوا وطفشوا منها ويبغون الخلطة بلحالها فقط وبشوف
اذا هي بتوقف التساقط بدون الحنة والسدر لأني انا متأملة خير فيها
لانها فادت اختي واختي استخدمت الصبار والحلبة مع زيت املا
وماشاءالله خف التساقط عنها بشكل كبيير ماشاءالله ونبت لها شعر
فبإذن الله راح استخدم الخلطة لحالها لهم واشوف نتيجة التساقط
وباذن الله بترجع تكثف شعورهم ان شاءالله يارب ..
انتي وش رايك تجربين الصبار والحلبة مع وصفة زيت الزيتون
الي عندك اذا انتي مرتاحة له وشايفة نتيجة حلوة منه
يعني اخلطيهم واستخدميهم مع بعض بدال ماتتعبين نفسك بخلطتين
يعني يكون تضربين عصفورين بحجر افضل واستعمليهم اذا حبيتي
مرتين او ثلاثة اذا تبغين نتيجة افضل واسرع ...
ومعليش نسيت اقولك مع هالحر اذا الصبار ينفع يكون بالثلاجة او لا
انا اذكر اني حطيته بالثلاجة فترة طويلة على ما اظن وماصار شي عادي
وكنت استخدمه عادي بخلطاتي والنتيجة ولا اروووع .. توكلي على
الله وحطيها بالثلاجة واهم شي اسقيها باستمرارعشان تكبر وتكثر اوراقها
وياعسى ربي يحقق لك امانيك ويكثف شعرك ويزين ويطلع مثل ماتتمنين
وانا وبناتي وكل من تتمنى يارب ..
واسفة جدا جدا جدا على هالهذر الي وش كثره :biggrin2:
واي استفسار انا حاضره :smile: ...