عاجل لمن سبق لها موت الجنين في الاشهر الاولى

السلام عليكم ورحمة الله وبركاته

اخواتي الفاضلات
انا كنت حامل
وبعد ما خلصت الثلاث شهور سويت سونار وطلع البيبي ميت (كان هالكلام من ثلاث أيام: يوم الجمعة الصبح)
وقالولي ان نموه متوقف من زمان
لان ما بين معاهم شكله كيف وما قدروا يحددون عمره كم بالضبط
وكل اللي قالوه انه كيس الجنين تم يكبر بروحه بدون ما ينمو الجنين
وقبل ما اوسوي السونار باسبوع بدت تنزل علي افرازات بنية (يعني من الجمعة اللي قبلها)

والحين عطوني اختيارين عشان اسوي واحد منهم
اما إني انتظر ليما ينزل الجنين بروحه

أو اني أسوي عملية تنظيف الرحم

قلتلهم بفكر وبرد عليكم
وانا الحين محتارة
أخاف اسوي عملية تنظيف وبعدين تسببلي مشاكل والتهابات والتصاقات وغيرها
وفوق هذا قالولي انهم ما يضمنون ان اللي تسوي العملية حرمة
يعني ممكن يكون ريال هو اللي بيسوي العملية
وانا ما ابغا ريال يكشف علي ويشوفني

وفي نفس الوقت اخاف اخلي الجنين ينزل بروحه بس يطول وما ينزل ويتعفن داخل الرحم
خصوصاً اني من امس لليوم لاحظت ان الافرازات وقفت تقريباً


مب عارفة شو اسوي
بشو تنصحوني خواتي؟؟؟

ياليت حد يعرف أي معلومة ولو بسيطة يساعدني
رجاءاً بنات ابى حد يشجعني اسوي شي من الخيارين

مشكلتي الحين ان الافرازات تقريباً وقفت
وماينزل علي دم الا بسيييييط بالمرة
وصارلي اسبوع و3 أيام على هالحالة
وماعندي مغص
يعني مافي مؤشرات تبشر ان في شي بينزل

والشي الثاني اني للحين احس بلوعة
مش مثل مالت الوحام لا
اخف بشوي
لكن في لوعة

يليت حد يقدر يفيدني بشي ويريح بالي
لاني مالقيت جواب شافي من المستشفى!!!